4
ⴰⵔⴻⵢⵢⴻⵃ ⵉ ⵍⴳⴻⵏⵙ ⵏ ⴰⵔⴻⴱⴱⵉ
1 ⴻⵊⵊ ⴰⵏⴻⵖ ⴰⴷ ⵏⴻⵃⴹⴰ ⵅⴻⵏⵏⵉ, ⴰⵇⴰ ⵓⵍⴰ ⴷ ⵉⵊⵊ ⵣⵣⴰⵢⵡⴻⵎ, ⵓⵎⵉ ⵄⴰⴷ ⴷⵉⵏ ⵉⵊⵊ ⵏ ⵍⵡⴰⵄⴷ ⵏ ⵡⴰⴷⴰⴼ ⴷⵉ ⴰⵔⵔⴰⵃⴻⵜ ⵏⵏⴻⵙ, ⴰⴷ ⵉⴹⵀⴰⵔ ⵉⵜⵜⵖⵉⵎⴰ ⵖⴰⵔ ⴹⴻⴼⴼⴰⵔ ⵖⴰⵔ ⵡⴰⴷⴰⴼ. 2 ⵎⵉⵏⵣⵉ ⵉⵜⵜⵡⴰⴱⴰⵔⵔⴻⵃ ⵍⴻⵅⴱⴰⵔ ⴰⵚⴻⴱⵃⴰⵏ ⵄⴰⵡⴻⴷ ⵉ ⵏⴻⵛⵛⵉⵏ, ⴰⵎ ⵉⵜⵜⵡⴰⴱⴰⵔⵔⴻⵃ ⵓⵍⴰ ⵉ ⵏⵉⵜⵏⵉ, ⵎⴰⵛⴰ ⴰⵡⴰⵍ ⵡⴰⵔ ⴷ ⴰⵙⴻⵏ ⵉⵏⴼⵉⵄ ⵉ ⵢⵉⵏⵏⵉ ⴷ ⴰⵙ ⵉⵙⵍⵉⵏ, ⵎⵉⵏⵣⵉ ⵜⵓⵖⴰ ⵡⴰⵔ ⴷⴷ-ⵉⵜⵜⵉⵙ ⵛⴰ ⴰⴽ-ⴷ ⵍ’ⵉⵎⴰⵏ ⴷⴻⴳ ⵉⵏⵏⵉ ⴷ ⴰⵙ ⵉⵙⵍⴰⵏ. 3 ⵎⴰⵛⴰ ⵏⴻⵛⵛⵉⵏ, ⵉⵏⵏⵉ ⵢⵓⵎⵏⴻⵏ, ⴰⴷ ⵏⴰⴷⴻⴼ ⵖⴰⵔ ⴰⵔⵔⴰⵃⴻⵜ.
ⵎⴰⵛⴰ ⴰⵎ ⵎⴰⵎⵎⴻⵛ ⵉⵏⵏⴰ:
“ⴰⵎ ⵎⴰⵎⵎⴻⵛ ⵊⵊⵓⴵⴻⵖ ⴷⴻⴳ ⵡⴻⵖⴹⴰⴱ ⵉⵏⵓ:
‘ⵏⵉⵜⵏⵉ ⵡⴰⵔ ⴷⴷ-ⵜⵜⵉⴷⴼⴻⵏ ⵛⴰ ⵖⴰⵔ ⴰⵔⵔⴰⵃⴻⵜ ⵉⵏⵓ!’ ”
ⵓ ⵅⵣⴰⵔ, ⵍⴻⵅⴷⴰⵢⴻⵎ ⵏ ⴰⵔⴻⴱⴱⵉ ⴰⵇⴰ ⵜⵜⵡⴰⴽⴻⵎⵎⵍⴻⵏⵜ ⵣⴻⴳ ⵡⴰⵎⵉ ⵜᵉⵜⵜⵡⴰⴳⴳ ⴷⴷⵓⵏⴻⵛⵜ, ◘4:3 ⵉⵥⵀⴷ. 95:11. 4 ⴰⵎ ⵎⴰⵎⵎⴻⵛ ⵉⵏⵏⴰ ⵅ ⵙⵙⴻⴱⵜ:
“ⵢⴰⵔⴻⵢⵢⴻⵃ ⴰⵔⴻⴱⴱⵉ ⵣⵉ ⵎⴰⵔⵔⴰ ⵍⴻⵅⴷⴰⵢⴻⵎ ⵏⵏⴻⵙ
ⴷⴻⴳ ⵡⴰⵙⵙ ⵡⵉⵙⵙ ⵙⴻⴱⵄⴰ.” ◘4:4 ⴰⵎⵥ. 2:2; ⵓⴼ. 20:11; 31:17.
5 ⴰⵎⵎⵓ ⵉ ⵉⵏⵏⴰ ⵄⴰⵡⴻⴷ ⴷⴻⴳ ⵡⴰⵡⴰⵍ-ⴰ ⵡⴰⵏⵉⵜⴰ:
“ⵡⴰⵔ ⴷⴷ-ⵜⵜⵉⴷⴼⴻⵏ ⵛⴰ ⵖⴰⵔ ⴰⵔⵔⴰⵃⴻⵜ ⵉⵏⵓ!” ◘4:5 ⵉⵥⵀⴷ. 95:11.
6 ⵓⵎⵉ ⵜⴻⵇⵇⵉⵎ ⴱⴻⵍⵍⵉ ⵎⴰⵔⵔⴰ ⵣⴻⵎⵎⴰⵔⴻⵏ ⴰⴷ ⴷⴷ-ⴰⴷⴼⴻⵏ ⵖⴰⵔ ⴰⵔⵔⴰⵃⴻⵜ-ⴰ, ⵎⴰⵛⴰ ⵉⵏⵏⵉ ⵓⵎⵉ ⵉⵜⵜⵡⴰⴱⴰⵔⵔⴻⵃ ⵙ ⵍⴻⵅⴱⴰⵔ ⴰⵚⴻⴱⵃⴰⵏ ⵖⴰⵔ ⵓⵎⴻⵣⵡⴰⵔⵓ, ⵡⴰⵔ ⵓⴷⵉⴼⴻⵏ ⵛⴰ ⵅ ⵙⵙⵉⴱⴱⴻⵜ ⵏ ⵍⵎⵓⵄⵚⵉⵢⵢⴻⵜ ⵏⵙⴻⵏ, 7 ⴰⵇⴰ ⵏⴻⵜⵜⴰ ⵉⴳⴳⴰ ⵄⴰⵡⴻⴷ, ⴰⵡⴰⵔⵏⵉ ⴰⵟⵟⴰⵙ ⵏ ⵍⵡⴻⵇⵜ, ⵉⵊⵊ ⵏ ⵡⴰⵙⵙ ⵏⵏⴻⵖⵏⵉ, ⴰⵎ ⵎⴰⵎⵎⴻⵛ ⵉⵜⵜⵡⴰⵔⵉ ⵇⴱⴻⵍ ⴰⵇⴰ ⴷⴰⵡⵓⴷ ⵉⵏⵏⴰ:
“ⴰⵙⵙ-ⴰ ⵎⴰⵍⴰ ⵜⴻⵙⵍⵉⵎ ⵉ ⵜⵎⵉⵊⵊⴰ ⵏⵏⴻⵙ,
ⵡⴰⵔ ⵙⴻⵇⵙⵉⵃⴻⵎ ⵛⴰ ⵓⵍⴰⵡⴻⵏ ⵏⵡⴻⵎ!” ◘4:7 ⵉⵥⵀⴷ. 95:7; ⵄⴱⵔ. 3:7.
8 ⵎⵉⵏⵣⵉ ⵎⴰⵍⴰ ⵜⵓⵖⴰ ⵢⴰⵛⵓⵡⴰ, ⵎⵎⵉⵙ ⵏ ⵏⵓⵏ, ⵉⵙⵙⵉⴷⴻⴼ ⵉ-ⵜⴻⵏ ⴷⵉ ⴰⵔⵔⴰⵃⴻⵜ, ⵡⴰⵔ ⵖⴰⵔⴻⵙ ⵉⵜⵜⵉⵍⵉ ⵄⴰⴷ ⵍⵀⴰⵔⴷ ⵙ ⵓⵇⴻⵎⵎⵓⵎ ⵏ ⴷⴰⵡⵓⴷ ⵅ ⵉⵊⵊ ⵏ ⵡⴰⵙⵙ ⵏⵏⴻⵖⵏⵉ ⴰⵡⴰⵔⵏⵉ ⵎⴰⵏ ⴰⵢⴰ. 9 ⵙ ⵓⵢⴰ ⴰⴷ ⵜⴻⵇⵇⵉⵎ ⴰⵇⴰ ⴷⵉⵏ ⵄⴰⴷ ⴰⵔⵔⴰⵃⴻⵜ ⵏ ⵙⵙⴻⴱⵜ ⵉ ⵍⴳⴻⵏⵙ ⵏ ⴰⵔⴻⴱⴱⵉ. 10 ⵎⵉⵏⵣⵉ ⵡⵉ ⵢⵓⴷⴼⴻⵏ ⵖⴰⵔ ⴰⵔⵔⴰⵃⴻⵜ ⵏⵏⴻⵙ, ⵢⴰⵔⴻⵢⵢⴻⵃ ⵄⴰⵡⴻⴷ ⵣⵉ ⵍⴻⵅⴷⴰⵢⴻⵎ ⵏⵏⴻⵙ ⴰⵎ ⵎⴰⵎⵎⴻⵛ ⴰⵔⴻⴱⴱⵉ ⵣⵉ ⵜⵉⵏⵏⵉ ⵏⵏⴻⵙ.
11 ⵙ ⵓⵢⴰ ⵊⵊⴻⵎ ⴰⵏⴻⵖ ⴰⴷ ⵏⴻⵎⴽⴰⴱⴰⵔ ⵃⵉⵎⴰ ⴰⴷ ⵏⴰⴷⴻⴼ ⵖⴰⵔ ⴰⵔⵔⴰⵃⴻⵜ ⵏⵏⵉ, ⵎⴰⵃⴻⵏⴷ ⵡⴰⵔ ⵏⵡⴻⵟⵟⵉ ⴰⵎ ⵎⴰⵎⵎⴻⵛ ⵡⴹⴰⵏ ⵉⵏⵏⵉ ⵡⴰⵔ ⵉⵟⵟⵉⵄⴻⵏ. 12 ⵎⵉⵏⵣⵉ ⴰⵡⴰⵍ ⵏ ⴰⵔⴻⴱⴱⵉ ⵉⴷⴷⴰⵔ, ⵉⵅⴻⴷⴷⴻⵎ ⵎⴰⵏⵉ ⵎⴰ, ⵉⵇⴹⴻⵄ ⴽⵜⴰⵔ ⵣⵉ ⴽⵓⵍ ⵙⵙⵉⴼ ⵙ ⵜⵏⴰⵢⴻⵏ ⵏ ⵡⵓⴷⵎⴰⵡⴻⵏ, ⵉⵜⵜⴰⴽⴽⵡⴰⴹ ⴰⵍ ⴰⴱⴻⵟⵟⵓ ⵏ ⵍⴻⵄⵎⴰⵔ ⴷ ⴰⵔⵔⵓⵃ, ⴰⵍ ⵜⵜⴰⵙⵉⵄ ⵊⴰⵔ ⵍⴻⵎⴼⴰⵚⴻⵍ, ⴰⵍ ⴰⵢⵎⵉⵔ ⵊⴰⵔ ⵡⴰⴹⵓⴼ ⴷ ⵉⵖⵙⴰⵏ, ⵓⵛⴰ ⵉⵃⴻⴽⴽⴻⵎ ⵅ ⵜⵏⴰⵡⵉ ⴷ ⵉⵅⴰⵔⵔⵉⵚⴻⵏ ⵏ ⵡⵓⵍ. ◘4:12 ⴰⵎⴱ. 12:11; ⵉⵛⴰ. 49:2; ⴰⴼⴰ. 6:17. 13 ⵓⵍⴰ ⴷ ⵉⵛⵜ ⵏ ⵜⵎⴻⵙⵍⴰⵛⵜ ⵉ ⵣⵣⴰⵢⴻⵙ ⴷⴷ-ⵉⵜⵜⵡⴰⵅⴻⵍⵇⴻⵏ ⵡⴰⵔ ⵣⵣⴰⵢⴻⵙ ⵜᵉⵜⵜⵡⴰⵙⵙⵏⵓⴼⴼⴰⵔ ⵛⴰ, ⵎⴰⵛⴰ ⵎⴰⵔⵔⴰ ⵜⵉⵎⴻⵙⵍⴰⵢⵉⵏ ⴰⵇⴰ ⴰⵜⴻⵏⵜ ⵜⵜⵡⴰⵄⴰⵔⵔⵢⴻⵏⵜ, ⵜⵜⵡⴰⵔⴻⵣⵣⵎⴻⵏⵜ ⵖⴰⵔ ⵜⵉⵟⵟⴰⵡⵉⵏ ⵏ ⵡⴻⵏⵏⵉ ⵓⵎⵉ ⵉ-ⴽ-ⴷⴷ ⵉ ⵖⴰ ⵏⴻⴳⴳ ⵍⴻⵃⵙⴰⴱ. ◘4:13 ⵉⵥⵀⴷ. 33:13.
ⵢⴰⵙⵓⵄ ⴷ ⴰⵔⵔⴰⵢⵙ ⵏⵏⴻⵖ ⵉⵎⵖⴰⵔ ⵏ ⵉⴽⴻⵀⵀⴰⵏⴻⵏ
14 ⵙ ⵓⵢⴻⵏⵏⵉ, ⴰⵎ ⵖⴰⵔⵏⴻⵖ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵉⵎⵖⴰⵔ, ⵢⴰⵙⵓⵄ ⵍⵎⴰⵙⵉⵃ, ⵎⵎⵉⵙ ⵏ ⴰⵔⴻⴱⴱⵉ, ⵡⴻⵏⵏⵉ ⵉⵙⵙⴳⴻⵄⵄⴷⴻⵏ ⵖⴰⵔ ⵓⵊⴻⵏⵏⴰ, ⴻⵊⵊ ⴰⵏⴻⵖ ⴰⴷ ⵏⵛⴻⴱⴱⴰⵔ ⴷⵉ ⵛⵛⵀⴰⴷⴻⵜ ⵏⵏⴻⵙ. ◘4:14 ⵄⴱⵔ. 3:1; 6:20; 8:1; 9:11. 15 ⵎⵉⵏⵣⵉ ⵡⴰⵔ ⵖⴰⵔⵏⴻⵖ ⴰⵔⵔⴰⵢⵙ ⵏ ⵉⴽⴻⵀⵀⴰⵏⴻⵏ ⵉ ⵡⴰⵔ ⵉⵣⴻⵎⵎⴰⵔ ⴰⴷ ⵢⴰⵛⴰ ⴰⴽ-ⴷ ⵜⵓⴹⵄⴻⴼⵜ ⵏⵏⴻⵖ, ⵎⴰⵛⴰ ⵉⵊⵊⴻⵏ ⵡⴻⵏⵏⵉ ⵉⵜⵜⵡⴰⵊⴰⵔⵔⴱⴻⵏ ⴷⵉ ⵎⴰⵔⵔⴰ ⴰⵎ ⵏⴻⵛⵛⵉⵏ, ⵎⴰⵛⴰ ⴱⵍⴰ ⴷⴷⴻⵏⴱ. ◘4:15 ⵉⵛⴰ. 53:9; 2 ⴽⵓⵔ. 5:21; ⴼⵉⵍ. 2:7; ⵄⴱⵔ. 2:18; 1 ⴱⵟ. 2:22; 1 ⵢⵃ. 3:5. 16 ⵙ ⵓⵢⴻⵏⵏⵉ ⴻⵊⵊ ⴰⵏⴻⵖ ⴰⴷ ⴷⴷ-ⵏⵇⴰⵔⵔⴻⴱ ⵅⴻⵏⵏⵉ ⵙ ⵜⵜⵉⵇⵇⴻⵜ ⵖⴰⵔ ⵍⵄⴰⵔⵛ ⵏ ⴰⵔⴹⴰ ⵏⵏⴻⵙ, ⵃⵉⵎⴰ ⴰⴷ ⵏⴻⴽⵙⵉ ⴰⵔⵔⴻⵃⵎⴻⵜ ⵓⵛⴰ ⴰⴷ ⵏⴰⴼ ⴰⵔⴹⴰ ⴷⵉ ⵍⵡⴻⵇⵜ ⵏ ⵍⵎⴻⵃⵏⴻⵜ. ◘4:16 ⵔⵓⵎ. 3:25.
◘4:3 4:3 ⵉⵥⵀⴷ. 95:11.
◘4:4 4:4 ⴰⵎⵥ. 2:2; ⵓⴼ. 20:11; 31:17.
◘4:5 4:5 ⵉⵥⵀⴷ. 95:11.
◘4:7 4:7 ⵉⵥⵀⴷ. 95:7; ⵄⴱⵔ. 3:7.
◘4:12 4:12 ⴰⵎⴱ. 12:11; ⵉⵛⴰ. 49:2; ⴰⴼⴰ. 6:17.
◘4:13 4:13 ⵉⵥⵀⴷ. 33:13.
◘4:14 4:14 ⵄⴱⵔ. 3:1; 6:20; 8:1; 9:11.
◘4:15 4:15 ⵉⵛⴰ. 53:9; 2 ⴽⵓⵔ. 5:21; ⴼⵉⵍ. 2:7; ⵄⴱⵔ. 2:18; 1 ⴱⵟ. 2:22; 1 ⵢⵃ. 3:5.