1 ⵙⵉⴷⵉ ⵉⵏⵏⴰ ⴰⵢⵉ: “ⵔⵓⵃ ⵉⵛⵜ ⵏ ⵜⵡⴰⵍⴰ ⵏⵏⴻⵖⵏⵉ, ⴻⵅⵙ ⵜⴰⵎⵖⴰⵔⵜ ⵏⵏⵉ ⵉⵜⵜⵡⴰⵙⵙⵄⵉⵣⵣⴻⵏ ⵣⴻⴳ ⵓⵎⴻⴷⴷⵓⴽⴽⴻⵍ ⵏⵏⴻⵙ, ⵎⴰⵛⴰ ⵜⴻⵣⵏⴰ, ⴰⵎ ⵎⴰⵎⵎⴻⵛ ⵙⵉⴷⵉ ⵉⵜⵜⴻⵅⵙ ⴰⵢⵜ ⵏ ⵉⵙⵔⴰⵉⵍ, ⵎⴰⵛⴰ ⵏⵉⵜⵏⵉ ⵅⴻⵣⵣⴰⵔⴻⵏ ⵖⴰⵔ ⵉⵔⴻⴱⴱⵉⵜⴻⵏ ⵏⵏⴻⵖⵏⵉ ⵓ ⵜⵜⴻⵅⵙⴻⵏ ⵚⵚⴻⴷⵇⴻⵜ ⵏ ⵡⴻⵖⵔⵓⵎ ⵙ ⵣⵣⴱⵉⴱ.” ◼3:1 ⵜⴻⵏⵏⵉ ⵉⵜⵜⵡⴰⵙⵙⵄⵉⵥⵥⴻⵏ ⵥⴻⴳ ⵓⵎⴻⴷⴷⵓⴽⴽⴻⵍ-ⵥⵉ ⵊⵊⵉⵀⴻⵜ ⵏ ⵜⵜⴻⵔⵊⴰⵎⴰ ⴰⵇⴰ ⴷⵉⵏ ⵊⴰⵔ ⵢⵉⵏⵏⵉ ⵉⵜⵜⴼⴻⵙⵙⴰⵔⴻⵏ ⴰⴷⵍⵉⵙ ⵉⵇⴻⴷⴷⵙⴻⵏ ⴰⵔⵔⴰⵢ ⵉⴼⴰⵔⵥⴻⵏ, ⵎⴰⵛⴰ ⵏⴻⵛⵛⵉⵏ ⵏⴹⴻⴼⴼⴰⵔ ⴰⵔⵔⴰⵢ ⵉ ⵉⵇⵇⴰⵔⴻⵏ ⴱⴻⵍⵍⵉ ⴰⵔⴻⴱⴱⵉ ⵉⵏⵏⴰ ⵉ ⵃⵓⵛⵉⵄⴰ ⴱⴻⵍⵍⵉ ⴰⴷ ⵢⴰⵡⵉ ⵊⵓⵎⵉⵔ ⵄⴰⵡⴻⴷ ⴷ ⵜⴰⵎⵖⴰⵔⵜ ⵏⵏⴻⵙ. ⴷⴻⴳ ⴰⵢⴻⵜ ⵉ ⴷⴷ-ⵉⵜⵜⴰⵙⴻⵏ ⴰⵡⴰⵔⵏⵉ ⵜⴰⵏⵉⵜⴰ ⵉⴱⴰⵏ-ⴷⴷ ⴰⵇⴰ ⵉⵜⵜⵅⴻⵚⵚⴰ ⵉ ⵃⵓⵛⵉⵄⴰ ⴰⴷ ⵉⵅⴻⴵⴻⵚ ⵚⵚⴰⴷⴰⵇ ⵄⴰⵡⴻⴷ, ⵎⴰⵛⴰ ⵇⴻⵍⵍ ⵅ ⵎⵉⵏ ⵜⵓⵖⴰ ⵏⵏⵓⵎⴻⵏ ⵢⴻⵔⵢⴰⵥⴻⵏ ⴰⴷ ⵅⴻⴵⵚⴻⵏ (ⵍⵇⵉⵎⴻⵜ ⵏ ⵚⵚⴰⴷⴰⵇ ⵜⵓⵖⴰ ⵜⵜ 50 ⵏ ⵍⵡⴻⵥⵏⴰⵜ ⵏ ⵏⵏⵓⵇⴰⵔⵜ-ⵅⵥⴰⵔ ⴰⵄⵡⴷ. 22:29), ⵎⴰⵛⴰ ⵃⵓⵛⵉⵄⴰ ⵉⵅⴻⴵⴻⵚ ⵍⵇⵉⵎⴻⵜ ⵏ 30 ⵏ ⵍⵡⴻⵥⵏⴰⵜ ⵏ ⵏⵏⵓⵇⴰⵔⵜ ⵡⴰⵀⴰ. ⴰⵇⴰ ⴱⴰⵍⴰⴽ ⵜⵓⵖⴰ ⵎⴰⵏ ⴰⵢⴰ ⵎⵉⵏⵥⵉ ⵊⵓⵎⵉⵔ ⵜⵓⵖⴰ ⵜⴼⴻⵙⵙⴻⴷ ⴰⵔⵔⵉⵎⴻⵜ ⵏⵏⴻⵙ. 2 ⵙ ⵓⵢⴻⵏⵏⵉ ⵙⵖⵉⵖ ⵜⵜ ⵉ ⵏⴻⵛⵛ ⵙ ⵅⴻⵎⵎⴻⵙⵟⴰⵛ ⵏ ⵓⵇⵉⵢⵢⴰⵜ ⵏ ⵏⵏⵓⵇⴰⵔⵜ ⵓ ⵙ ⵉⵊⵊ ⵏ ⵓⵃⵓⵎⵉⵔ ⵉⴼⴻⵢⵢⴹⴻⵏ ⵏ ⵉⵎⴻⵏⴷⵉ. 3 ⵏⴻⵛⵛ ⵏⵏⵉⵖ ⴰⵙ: “ⵛⴻⵎ ⴰⴷ ⵖⴰⵔⵉ ⵜⴻⵇⵇⵉⵎⴻⴷ ⴰⵟⵟⴰⵙ ⵏ ⵡⵓⵙⵙⴰⵏ. ⵡⴰⵔ ⵜⵜⴻⴳⴳ ⵛⴰ ⴼⴰⵔⵇ-ⵛⵛⵖⴻⵍ ⵓ ⵡⴰⵔ ⵜⵜⵉⵍⵉ ⵏ ⵉⵊⵊ ⵏ ⵡⴻⵔⵢⴰⵣ ⵏⵏⴻⵖⵏⵉ ⵓⵛⴰ ⵓⵍⴰ ⴷ ⵏⴻⵛⵛ ⴰⴷ ⴳⴳⴻⵖ ⴰⵎⴻⵏⵏⵉ ⴰⴽⵉⴷⵙⴻⵎ.” ◘3:3 ⴰⵄⵡⴷ. 21:11 4 ⵎⴰⵖⴰⵔ ⴰⵢⵜ ⵏ ⵉⵙⵔⴰⵉⵍ ⴰⴷ ⵇⵇⵉⵎⴻⵏ ⴰⵟⵟⴰⵙ ⵏ ⵡⵓⵙⵙⴰⵏ ⴱⵍⴰ ⴰⵊⴻⴵⵉⴷ, ⴱⵍⴰ ⵍⵃⴰⴽⴻⵎ, ⴱⵍⴰ ⵜⴰⵖⴰⵔⵚⵜ, ⴱⵍⴰ ⴰⵎⴰⵢⴹⵓ ⵉⵇⴻⴷⴷⵙⴻⵏ, ⴱⵍⴰ ⴰⴱⴰⵍⵟⵓ ⵏ ⵓⴽⴻⵀⵀⴰⵏ ⴷ ⵍⴻⵅⵢⴰⵍⴰⵜ ⵏ ⵍ’ⴰⵚⵏⴰⵎ. ◘3:4 ⵃⵓⵛ. 10:3 5 ⴰⵡⴰⵔⵏⵉ ⴰⵙ ⴰⴷ ⴷⴷ-ⴷⴻⵡⵍⴻⵏ ⴰⵢⵜ ⵏ ⵉⵙⵔⴰⵉⵍ¸ ⴰⴷ ⴰⵔⵣⵓⵏ ⵅ ⵙⵉⴷⵉ, ⴰⵔⴻⴱⴱⵉ ⵏⵙⴻⵏ ⵓ ⵅ ⴷⴰⵡⵓⴷ, ⴰⵊⴻⴵⵉⴷ ⵏⵙⴻⵏ. ⴷⴻⴳ ⵓⵏⴻⴳⴳⴰⵔ ⵏ ⵡⵓⵙⵙⴰⵏ ⴰⴷ ⴷⴷ-ⴰⵙⴻⵏ ⵜⵜⴰⵔⵊⵉⵊⵉⵏ ⵖⴰⵔ ⵙⵉⴷⵉ ⴷ ⵜⵛⵓⵏⵉ ⵏⵏⴻⵙ. ◘3:5 ⵉⵛⴰ. 2:2; ⵉⵔⵎ. 30:9; ⵃⵉⵥ. 34:23; 37:22; ⵎⵉⵅⴰ 4:1