1 ⵜⵓⵖⴰ ⴷⵉⵏ ⵉⵊⵊ ⵏ ⴱⵏⴰⴷⴻⵎ ⵣⴻⴳ ⵉⴼⴰⵔⵉⵙⵉⵢⵢⴻⵏ ⵇⵇⴰⵔⴻⵏ ⴰⵙ ⵏⵉⴽⵓⴷⵉⵎⵓⵙ, ⵏⴻⵜⵜⴰ ⴷ ⵉⵊⵊ ⵏ ⵓⵎⴻⵇⵇⵔⴰⵏ ⵏ ⵡⵓⴷⴰⵢⴻⵏ. 2 ⵢⵓⵙⴰ-ⴷⴷ ⵖⴰⵔ ⵢⴰⵙⵓⵄ ⵙ ⴵⵉⵍⴻⵜ, ⵉⵏⵏⴰ ⴰⵙ: “ⴰ ⴰⵎⵙⴻⵍⵎⴰⴷ ⵉⵏⵓ, ⵏⴻⵛⵛⵉⵏ ⵏⴻⵙⵙⴻⵏ ⴱⴻⵍⵍⵉ ⵛⴻⴽ ⴷ ⴰⵎⵙⴻⵖⵖⴰⵔ ⵉ ⴷⴷ-ⵢⵓⵙⵉⵏ ⵣⵉ ⵖⴰⵔ ⴰⵔⴻⴱⴱⵉ, ⵎⵉⵏⵣⵉ ⵡⴰⵔ ⵉⵣⴻⵎⵎⴰⵔ ⵓⵍⴰ ⴷ ⵉⵊⵊ ⴰⴷ ⵉⴳⴳ ⵍⴻⵄⵍⴰⵎⴰⵜ-ⴰ ⵉ ⵜⴻⴳⴳⵉⴷ ⵛⴻⴽ, ⵎⵖⵉⵔ ⵎⴰⵍⴰ ⴰⴽⵉⴷⴻⵙ ⴰⵔⴻⴱⴱⵉ.” ◘3:2 ⵢⵃ. 7:50; 9:16, 33; 19:39; ⵍⴻⵅ. 10:38. 3 ⵢⴰⵔⵔⴰ-ⴷⴷ ⵢⴰⵙⵓⵄ, ⵉⵏⵏⴰ ⴰⵙ: “ⵙ ⵜⵉⴷⴻⵜⵜ, ⵙ ⵜⵉⴷⴻⵜⵜ, ⵏⴻⵛⵛ ⴰⴷ ⴰⵛ ⵉⵏⵉⵖ, ⵓⵍⴰ ⴷ ⵉⵊⵊ ⵡⴰⵔ ⵉⵣⴻⵎⵎⴰⵔ ⴰⴷ ⵉⵥⴰⵔ ⵜⴰⴳⴻⵍⴷⵉⵜ ⵏ ⴰⵔⴻⴱⴱⵉ ⵎⵖⵉⵔ ⵎⴰⵍⴰ ⵉⵜⵜⵡⴰⵅⵍⴻⵇ-ⴷⴷ ⵣⵉ ⵊⴷⵉⴷ.” 4 ⵏⵉⴽⵓⴷⵉⵎⵓⵙ ⵉⵏⵏⴰ ⴰⵙ: “ⵎⴰⵎⵎⴻⵛ ⵉⵣⴻⵎⵎⴰⵔ ⵉⵊⵊ ⵏ ⵓⵡⴻⵙⵙⴰⵔ ⴰⴷ ⴷⴷ-ⵉⵜⵜⵡⴰⵅⵍⴻⵇ ́́ⵄⴰⴷ? ⵡⴰⵔ ⵉⵣⴻⵎⵎⴰⵔ ⴰⴷ ⵢⴰⴷⴻⴼ ⵄⴰⵡⴻⴷ ⴷⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰⵙ, ⵎⴰⵃⴻⵏⴷ ⴰⴷ ⴷⴷ-ⵉⵜⵜⵡⴰⵅⵍⴻⵇ ⵉ ⵜⵡⴰⵍⴰ ⵡⵉⵙⵙ ⵜⵏⴰⵢⴻⵏ?” 5 ⵢⴰⵙⵓⵄ ⵢⴰⵔⵔⴰ-ⴷⴷ, ⵉⵏⵏⴰ ⴰⵙ: “ⵙ ⵜⵉⴷⴻⵜⵜ, ⵙ ⵜⵉⴷⴻⵜⵜ, ⵏⴻⵛⵛ ⴰⴷ ⴰⵛ ⵉⵏⵉⵖ: ⵎⴰⵍⴰ ⵛⴰ ⵏ ⵢⵉⵊⵊⴻⵏ ⵡⴰⵔ ⴷⴷ-ⵉⵅⵍⵉⵇ ⵛⴰ ⵣⴻⴳ ⵡⴰⵎⴰⵏ ⵓ ⵣⴻⴳ ⴰⵔⵔⵓⵃ, ⵡⴰⵔ ⵉⵣⴻⵎⵎⴰⵔ ⴰⴷ ⵢⴰⴷⴻⴼ ⵖⴰⵔ ⵜⴳⴻⵍⴷⵉⵜ ⵏ ⴰⵔⴻⴱⴱⵉ. ◘3:5 ⵜⵉⵜ. 3:5. 6 ⵎⵉⵏ ⴷⴷ-ⵉⵜⵜⵡⴰⵅⴻⵍⵇⴻⵏ ⵣⵉ ⴷⴷⴰⵜ, ⵏⴻⵜⵜⴰ ⴷ ⴷⴷⴰⵜ, ⵓ ⵎⵉⵏ ⴷⴷ-ⵉⵜⵜⵡⴰⵅⴻⵍⵇⴻⵏ ⵣⵉ ⴰⵔⵔⵓⵃ, ⵏⴻⵜⵜⴰ ⴷ ⴰⵔⵔⵓⵃ. ◘3:6 ⵔⵓⵎ. 8:5. 7 ⵡⴰⵔ ⵜⴱⴻⵀⵜⴻⵎ ⵛⴰ ⵎⴰⵍⴰ ⵏⵏⵉⵖ ⴰⵛ, ⵉⵜⵜⵅⴻⵚⵚⴰ ⴽⴻⵏⵏⵉⵡ ⴰⴷ ⴷⴷ-ⵜᵉⵜⵜⵡⴰⵅⴻⵍⵇⴻⵎ ⵣⵉ ⵊⴷⵉⴷ. 8 ⴰⵙⴻⵎⵎⵉⴹ ⵉⵜⵜⵙⵓⴹ ⵎⴰⵏⵉⵙ ⵉⵅⵙ, ⵜᵉⵜⵜⴻⵙⵍⵉⴷ ⵉ ⵓⵙⵓⴹⵉ ⵏⵏⴻⵙ, ⵡⴰⵔ ⵜⴻⵙⵙⵉⵏⴻⴷ ⵛⴰ ⵎⴰⵏⵉⵙ ⴷⴷ-ⵉⵜⵜⴰⵙ ⵓⵍⴰ ⵎⴰⵏⵉ ⵉⵜⵜⵔⴰⵃ. ⴰⵎⵎⵓ ⵉ ⵉⴵⴰ ⵄⴰⵡⴻⴷ ⵎⴰⵔⵔⴰ ⵡⴻⵏⵏⵉ ⴷⴷ-ⵉⵜⵜⵡⴰⵅⴻⵍⵇⴻⵏ ⵣⵉ ⴰⵔⵔⵓⵃ.”

9 ⵏⵉⴽⵓⴷⵉⵎⵓⵙ ⵢⴰⵔⵔⴰ-ⴷⴷ, ⵉⵏⵏⴰ ⴰⵙ: “ⵎⴰⵎⵎⴻⵛ ⵉ ⵖⴰ ⵢⴻⴳⴳ ⴰⴷ ⵢⵉⵍⵉ ⵎⴰⵏ ⴰⵢⴰ?” 10 ⵢⴰⵙⵓⵄ ⵢⴰⵔⵔⴰ-ⴷⴷ, ⵉⵏⵏⴰ ⴰⵙ: “ⵎⴰ ⵛⴻⴽ ⴷ ⴰⵎⵙⴻⵖⵖⴰⵔ ⵏ ⵉⵙⵔⴰⵉⵍ ⵓ ⵡⴰⵔ ⵜⴻⵙⵙⵉⵏⴻⴷ ⵛⴰ ⵎⴰⵏ ⴰⵢⴰ? 11 ⵙ ⵜⵉⴷⴻⵜⵜ, ⵙ ⵜⵉⴷⴻⵜⵜ, ⵏⴻⵛⵛ ⴰⴷ ⴰⵛ ⵉⵏⵉⵖ: ⵏⴻⵛⵛⵉⵏ ⵏⴻⵙⵙⴰⵡⴰⵍ ⵅ ⵎⵉⵏ ⵏⴻⵙⵙⴻⵏ, ⵏⴻⵛⵀⴻⴷ ⵅ ⵎⵉⵏ ⵏⴻⵥⵔⴰ, ⵡⴰⵅⵅⴰ ⴰⵎⴻⵏⵏⵉ ⴽⴻⵏⵏⵉⵡ ⵡⴰⵔ ⵜⴻⵇⴱⵉⵍⴻⵎ ⵛⴰ ⵛⵛⵀⴰⴷⴻⵜ ⵏⵏⴻⵖ. ◘3:11 ⵢⵃ. 3:32; 7:16; 8:28; 12:49; 14:24. 12 ⵎⴰⵍⴰ ⵙⵙⵉⵡⵍⴻⵖ ⴰⵡⴻⵎ ⵅ ⵎⵉⵏ ⵉⴵⴰⵏ ⵅ ⵜⴻⵎⵎⵓⵔⵜ, ⴽⴻⵏⵏⵉⵡ ⵡⴰⵔ ⵜⵉⵎⵏⴻⵎ, ⵎⴰⵎⵎⴻⵛ ⵖⴰ ⵜⴻⴳⴳⴻⵎ ⴰⴷ ⵜⴰⵎⵏⴻⵎ ⵎⴰⵍⴰ ⵙⵙⵉⵡⵍⴻⵖ ⴰⵡⴻⵎ ⵅ ⵎⵉⵏ ⵉⴵⴰⵏ ⴷⴻⴳ ⵓⵊⴻⵏⵏⴰ? 13 ⵓⵍⴰ ⴷ ⵉⵊⵊ ⵡⴰⵔ ⵢⵓⵍⵉ ⵖⴰⵔ ⵓⵊⴻⵏⵏⴰ ⵎⵖⵉⵔ ⵡⴻⵏⵏⵉ ⴷⴷ-ⵉⵀⵡⴰⵏ ⵣⴻⴳ ⵓⵊⴻⵏⵏⴰ, ⴰⵇⴰ-ⵜ ⴷ ⵎⵎⵉⵙ ⵏ ⴱⵏⴰⴷⴻⵎ, ⴷ ⵡⴻⵏⵏⵉ ⵉⴵⴰⵏ ⴷⴻⴳ ⵓⵊⴻⵏⵏⴰ. ◘3:13 ⴷⴰⵏ. 7:13; ⵢⵃ. 6:62; ⴰⴼⴰ. 4:9.

14 ⴰⵎ ⵎⴰⵎⵎⴻⵛ ⵉⵙⵙⴳⴻⵄⵄⴻⴷ ⵎⵓⵙⴰ ⴰⴼⵉⵖⴰⵔ ⴷⵉ ⵍⴻⴼⵢⴰⴼⵉ, ⴰⵎⵎⵓ ⵉⵜⵜⵅⴻⵚⵚⴰ ⴰⴷ ⵉⵜⵜⵡⴰⵙⵙⴳⴻⵄⵄⴻⴷ ⵎⵎⵉⵙ ⵏ ⴱⵏⴰⴷⴻⵎ ⵄⴰⵡⴻⴷ, ◘3:14 ⵍⵅⵍ. 21:4-9; 2 ⵉⵊ. 18:4; ⵢⵃ. 8:28; 12:32. 15 ⵃⵉⵎⴰ ⵎⴰⵔⵔⴰ ⵡⴻⵏⵏⵉ ⵣⵣⴰⵢⴻⵙ ⵉ ⵖⴰ ⵢⴰⵎⵏⴻⵏ, ⵡⴰⵔ ⵉⵜⵜⵀⴻⵍⵍⵉⴽ ⵛⴰ, ⵎⴰⵛⴰ ⴰⴷ ⵖⴰⵔⴻⵙ ⵜⵉⵍⵉ ⵜⵓⴷⴰⵔⵜ ⵉⵜⵜⴷⵓⵎⴰⵏ. ◘3:15 ⵢⵃ. 3:15. 16 ⴰⵎⵎⵓ ⵉ ⵢⴻⵅⵙ ⴰⵔⴻⴱⴱⵉ ⴷⴷⵓⵏⴻⵛⵜ ⴰⵍ ⵎⴰⵏⵉ ⵉⵡⵛⴰ ⴰⵢⴻⵏⵏⵉ ⵏ ⵎⵎⵉⵙ, ⵃⵉⵎⴰ ⴽⵓⵍ ⵉⵊⵊⴻⵏ ⵡⴻⵏⵏⵉ ⵣⵣⴰⵢⴻⵙ ⵉ ⵖⴰ ⵢⴰⵎⵏⴻⵏ, ⵡⴰⵔ ⵉⵀⴻⵍⵍⵉⴽ ⵛⴰ, ⵎⴰⵛⴰ ⴰⴷ ⵖⴰⵔⴻⵙ ⵜⵉⵍⵉ ⵜⵓⴷⴰⵔⵜ ⵉⵜⵜⴷⵓⵎⴰⵏ. ◘3:16 ⵢⵃ. 3:36; ⵍⴽ. 19:10; ⵔⵓⵎ. 5:8; 8:31; 1 ⵢⵃ. 4:9; 5:10. 17 ⵎⵉⵏⵣⵉ ⴰⵔⴻⴱⴱⵉ ⵡⴰⵔ ⴷⴷ-ⵉⵙⵙⴻⴽⴽ ⵛⴰ ⵎⵎⵉⵙ ⵖⴰⵔ ⴷⴷⵓⵏⴻⵛⵜ, ⵃⵉⵎⴰ ⴰⴷ ⵉⵃⴰⵙⴻⴱ ⴷⴷⵓⵏⴻⵛⵜ, ⵎⴰⵛⴰ ⵉⵙⵙⴻⴽⴽ ⵉ-ⵜ-ⵉ-ⴷⴷ ⵃⵉⵎⴰ ⴰⴷ ⵣⵣⴰⵢⴻⵙ ⵜⴻⴷⴷⴰⵔ ⴷⴷⵓⵏⴻⵛⵜ. ◘3:17 ⵍⴽ. 9:56; ⵢⵃ. 9:39; 12:47; 1 ⵢⵃ. 4:14. 18 ⵡⴻⵏⵏⵉ ⵣⵣⴰⵢⴻⵙ ⵉ ⵖⴰ ⵢⴰⵎⵏⴻⵏ, ⵡⴰⵔ ⵉⵜⵜⵡⴰⵃⴰⵙⴰⴱ ⵛⴰ. ⵡⴻⵏⵏⵉ ⵡⴰⵔ ⵉⵜⵜⵉⵎⵏⴻⵏ ⵛⴰ, ⴰⵇⴰ ⵉⵜⵜⵡⴰⵃⴰⵙⴻⴱ ⵣⵉ ⵍⴻⵅⵅⵓ, ⵎⵉⵏⵣⵉ ⵏⴻⵜⵜⴰ ⵡⴰⵔ ⵢⵓⵎⵉⵏ ⵛⴰ ⴷⴻⴳ ⵢⵉⵙⴻⵎ ⵏ ⵓⵢⴻⵏⵏⵉ ⵏ ⵎⵎⵉⵙ ⵏ ⴰⵔⴻⴱⴱⵉ. ◘3:18 ⵢⵃ. 5:24; 6:40,47; 20:31. 19 ⴷ ⵡⴰ ⴷ ⵍⴻⵃⴽⴰⵎ, ⴰⵇⴰ ⵜⴰⴼⴰⵡⵜ ⵜⵓⵙⴰ-ⴷⴷ ⵖⴰⵔ ⴷⴷⵓⵏⴻⵛⵜ, ⵎⴰⵛⴰ ⵉⵡⴷⴰⵏ ⵅⵙⴻⵏ ⵜⴰⴵⴻⵙⵜ ⵅ ⵜⴼⴰⵡⵜ, ⵎⵉⵏⵣⵉ ⵜⵉⵎⴻⴳⴳⴰ ⵏⵙⴻⵏ ⵜⵓⵖⴰ ⴰⵜⴻⵏⵜ ⴷ ⵜⵉⵄⴻⴼⴼⴰⵏⵉⵏ. ◘3:19 ⵢⵃ. 1:5. 20 ⵎⴰⵔⵔⴰ ⵡⴻⵏⵏⵉ ⵉⵜⵜⴻⴳⴳⴻⵏ ⵜⵓⵄⴻⴼⴼⵏⴰ, ⵉⵛⴰⵔⵔⴻⵀ ⵜⴰⴼⴰⵡⵜ, ⵡⴰⵔ ⴷⴷ-ⵉⵜⵜⵉⵙ ⵛⴰ ⵖⴰⵔ ⵜⴼⴰⵡⵜ, ⵃⵉⵎⴰ ⵡⴰⵔ ⵜⵜⵡⴰⵡⴻⴱⴱⵅⴻⵏⵜ ⵛⴰ ⵜⵉⵎⴻⴳⴳⴰ ⵏⵏⴻⵙ. 21 ⵎⴰⵛⴰ ⵡⴻⵏⵏⵉ ⵉⵜⵜⴻⴳⴳⴻⵏ ⵜⵉⴷⴻⵜⵜ ⴰⴷ ⴷⴷ-ⵢⴰⵙ ⵖⴰⵔ ⵜⴼⴰⵡⵜ, ⵃⵉⵎⴰ ⴰⴷ ⴱⴰⵏⴻⵏⵜ ⵜⵉⵎⴻⴳⴳⴰ ⵏⵏⴻⵙ, ⴰⵇⴰ ⵜⵜⵡⴰⴳⴳⴻⵏⵜ ⴷⵉ ⴰⵔⴻⴱⴱⵉ.” ◘3:21 ⴰⴼⴰ. 5:8, 13.

22 ⴰⵡⴰⵔⵏⵉ ⵎⴰⵏ ⴰⵢⴰ ⵢⵓⵙⴰ-ⴷⴷ ⵢⴰⵙⵓⵄ ⴷ ⵉⵎⴻⵃⴹⴰⵔⴻⵏ ⵏⵏⴻⵙ ⵖⴰⵔ ⵜⴻⵎⵎⵓⵔⵜ ⵏ ⵢⴰⵀⵓⴷⵉⵢⵢⴰ, ⵉⵙⵙⴻⵄⴷⵓ ⴷⵉⵏ ⵛⴰ ⵏ ⵍⵡⴻⵇⵜ ⴰⴽⵉⴷⵙⴻⵏ ⵓⵛⴰ ⵜⵓⵖⴰ ⵉⵙⵙⴻⵖⴹⴰⵚ. ◘3:22 ⵢⵃ. 4:1. 23 ⵓⵍⴰ ⴷ ⵢⵓⵃⴰⵏⵏⴰ ⵜⵓⵖⴰ ⵉⵙⵙⴻⵖⴹⴰⵚ ⴷⵉ ⵄⴰⵢⵏⵓⵏ ⵉ ⴷⴷ-ⵢⵓⵙⵉⵏ ⵟⵟⴰⵔⴼ ⵉ ⵙⴰⵍⵉⵎ, ⵎⵉⵏⵣⵉ ⴷⵉⵏⵏⵉ ⴰⵎⴰⵏ ⴰⵟⵟⴰⵙ. ⵓⵙⵉⵏ-ⴷⴷ ⵉⵡⴷⴰⵏ ⴷⵉⵏⵏⵉ ⵓⵛⴰ ⵜⵜⵡⴰⵙⵙⵖⴻⴹⵚⴻⵏ, ◘3:23 ⵎⵜ. 3:6; ⵎⴽ. 1:5; ⵍⴽ. 3:7. 24 ⵎⵉⵏⵣⵉ ⵢⵓⵃⴰⵏⵏⴰ ⵜⵓⵖⴰ ⵄⴰⴷ ⵡⴰⵔ ⵉⵎⵎⴻⵏⴹⴰⵔ ⵛⴰ ⴷⵉ ⵍⴻⵃⴱⴻⵙ. ◘3:24 ⵎⵜ. 14:3.

25 ⵉⵎⵙⴰⵔ ⵉⵊⵊ ⵏ ⵓⵎⵃⴰⵔⵡⴻⴹ ⵊⴰⵔ ⵉⵊⵊⴻⵏ ⵣⴻⴳ ⵉⵎⴻⵃⴹⴰⵔⴻⵏ ⵏ ⵢⵓⵃⴰⵏⵏⴰ ⴷ ⵉⵊⵊ ⵏ ⵡⵓⴷⴰⵢ ⵅ ⵎⴰⵎⵎⴻⵛ ⵖⴰ ⵢⵉⵍⵉ ⵍⵓⴹⵓ. 26 ⵏⵉⵜⵏⵉ ⵓⵙⵉⵏ-ⴷⴷ ⵖⴰⵔ ⵢⵓⵃⴰⵏⵏⴰ, ⵏⵏⴰⵏ ⴰⵙ: “ⴰ ⴰⵎⵙⴻⵍⵎⴰⴷ ⵏⵏⴻⵖ, ⵅⵣⴰⵔ, ⵡⴻⵏⵏⵉ ⴰⴽⵉⴷⴻⴽ ⵉⴵⴰⵏ ⵅ ⵓⵊⴻⵎⵎⴰⴹ ⵏ ⵍ’ⵓⵔⴷⵓⵏ, ⵡⴻⵏⵏⵉ ⵎⵉⵏ ⵅⴻⴼ ⵜⵛⴻⵀⴷⴻⴷ, ⴰⵇⴰ ⵓⵍⴰ ⴷ ⵏⴻⵜⵜⴰ ⵉⵙⵙⴻⵖⴹⴰⵚ ⵓ ⵎⴰⵔⵔⴰ ⵜⵜⴰⵙⴻⵏ-ⴷⴷ ⵖⴰⵔⴻⵙ.” ◘3:26 ⵎⵜ. 3:11; ⵎⴽ. 1:7; ⵍⴽ. 3:16; ⵢⵃ. 1:15, 26, 34. 27 ⵢⴰⵔⵔⴰ-ⴷⴷ ⵢⵓⵃⴰⵏⵏⴰ, ⵉⵏⵏⴰ ⴰⵙⴻⵏ: “ⴱⵏⴰⴷⴻⵎ ⵡⴰⵔ ⵉⵣⴻⵎⵎⴰⵔ ⴰⴷ ⵉⵇⴱⴻⵍ ⵓⵍⴰ ⴷ ⵉⵛⵜ ⵏ ⵜⵎⴻⵙⵍⴰⵛⵜ ⵎⴰⵍⴰ ⵡⴰⵔ ⴷ ⴰⵙ ⵜⴻⵎⵎⴻⵡⵛ ⵣⴻⴳ ⵓⵊⴻⵏⵏⴰ. 28 ⴽⴻⵏⵏⵉⵡ ⵙⵉⵎⴰⵏⵜ ⵏⵡⴻⵎ ⵜⵛⴻⵀⵀⴷⴻⵎ ⴱⴻⵍⵍⵉ ⵏⴻⵛⵛ ⵏⵏⵉⵖ: ‘ⵏⴻⵛⵛ ⵡⴰⵔ ⴵⵉⵖ ⵛⴰ ⴷ ⵍⵎⴰⵙⵉⵃ!’, ⵎⴰⵛⴰ ⴰⵇⴰ ⵏⴻⵛⵛ ⵜⵜⵡⴰⵙⵙⴻⴽⴽⴻⵖ-ⴷⴷ ⵣⵣⴰⵜⴻⵙ. ◘3:28 ⵎⴰⵍ. 3:1; ⵎⵜ. 11:10; ⵎⴽ. 1:2; ⵍⴽ. 1:17; 7:27; ⵢⵃ. 1:20, 21, 23. 29 ⵡⴻⵏⵏⵉ ⵖⴰⵔ ⵜⴻⴵⴰ ⵜⴻⵙⵍⵉⵜ, ⵏⴻⵜⵜⴰ ⴷ ⴰⵙⵍⵉ. ⴰⵎⴻⴷⴷⵓⴽⴽⴻⵍ ⵏ ⵡⴻⵙⵍⵉ ⵡⴻⵏⵏⵉ ⵉⵜⵜⴱⴻⴷⴷⴰⵏ ⵣⵣⴰⵜⴻⵙ, ⵉⵜⵜⴻⵙⵍⴰ ⵖⴰⵔⴻⵙ, ⵉⴼⴰⵔⵔⴻⵃ ⵙ ⵍⴻⴼⵔⴰⵃⴻⵜ ⵜⴰⵎⴻⵇⵇⵔⴰⵏⵜ ⵙ ⵜⵎⵉⵊⵊⴰ ⵏ ⵡⴻⵙⵍⵉ. ⵙ ⵓⵢⴻⵏⵏⵉ, ⵅⵣⴰⵔ, ⴰⵇⴰ ⵜᵉⵜⵜⵡⴰⴽⴻⵎⵎⴻⵍ ⵍⴻⴼⵔⴰⵃⴻⵜ ⵉⵏⵓ ⵜⴰⵏⵉⵜⴰ. 30 ⵉⵜⵜⵅⴻⵚⵚⴰ ⴰⴷ ⵉⴳⵎⴰ ⵏⴻⵜⵜⴰ ⵓ ⵏⴻⵛⵛ ⴰⴷ ⵏⴻⵇⵚⴻⵖ. 31 ⵎⴰⵖⴰⵔ ⵡⴻⵏⵏⵉ ⴷⴷ-ⵢⵓⵙⵉⵏ ⵣⵉ ⵙⴻⵏⵏⴻⵊ, ⵏⴻⵜⵜⴰ ⵙⴻⵏⵏⴻⵊ ⵉ ⵎⴰⵔⵔⴰ. ⵡⴻⵏⵏⵉ ⵉⴵⴰⵏ ⵣⵉ ⵜⴻⵎⵎⵓⵔⵜ, ⵣⵉ ⵜⴻⵎⵎⵓⵔⵜ ⵉⵙⵙⴰⵡⴰⵍ. ⵡⴻⵏⵏⵉ ⴷⴷ-ⵢⵓⵙⵉⵏ ⵣⴻⴳ ⵓⵊⴻⵏⵏⴰ, ⵏⴻⵜⵜⴰ ⵙⴻⵏⵏⴻⵊ ⵉ ⵎⴰⵔⵔⴰ, ◘3:31 ⵢⵃ. 8:23. 32 ⵓ ⵏⴻⵜⵜⴰ ⵉⵛⴻⵀⵀⴻⴷ ⵣⵉ ⵎⵉⵏ ⵉⵥⵔⴰ ⴷ ⵣⵉ ⵎⵉⵏ ⵉⵙⵍⴰ, ⵎⴰⵛⴰ ⵛⵛⵀⴰⴷⴻⵜ ⵏⵏⴻⵙ ⵡⴰⵔ ⵜⵜ ⵉⵇⴻⴱⴱⵉⵍ ⵓⵍⴰ ⴷ ⵉⵊⵊⴻⵏ. ◘3:32 ⵢⵃ. 5:30; 8:26; 12:49; 14:10; 1 ⵢⵃ. 5:10. 33 ⵡⴻⵏⵏⵉ ⵉⵇⴻⴱⴱⵍⴻⵏ ⵛⵛⵀⴰⴷⴻⵜ ⵏⵏⴻⵙ ⴷ ⵡⴻⵏⵏⵉ ⵉⵙⵙⴰⵔⵙⴻⵏ ⵟⵟⴰⴱⴻⵄ ⵏⵏⴻⵙ ⵏ ⵓⵛⴻⵎⵎⵉⵄ ⴱⴻⵍⵍⵉ ⴰⵇⴰ ⴰⵔⴻⴱⴱⵉ ⴷ ⵜⵉⴷⴻⵜⵜ. ◘3:33 ⴰⵢⵓⴱ ⵔⵓⵎ. 3:4. 34 ⵎⵉⵏⵣⵉ ⵡⴻⵏⵏⵉ ⴷⴷ-ⵉⵙⵙⴻⴽⴽ ⴰⵔⴻⴱⴱⵉ, ⵉⵙⵙⴰⵡⴰⵍ ⵙ ⵡⴰⵡⴰⵍⴻⵏ ⵏ ⴰⵔⴻⴱⴱⵉ, ⵎⵉⵏⵣⵉ ⴰⵔⴻⴱⴱⵉ ⵡⴰⵔ ⵉⵜⵜⵉⵛ ⵛⴰ ⴰⵔⵔⵓⵃ ⵙ ⵍⵎⵉⵣⴰⵏ. ◘3:34 ⴰⴼⴰ. 4:7. 35 ⴱⴰⴱⴰⵙ ⵉⵜⵜⴻⵅⵙ ⵎⵎⵉⵙ ⵓⵛⴰ ⵉⴳⴳⴰ ⴰⵙ ⴽⵓⵍⵛⵉ ⴷⴻⴳ ⵉⴼⴰⵙⵙⴻⵏ ⵏⵏⴻⵙ. ◘3:35 ⵎⵜ. 11:27; 28:18; ⵍⴽ. 10:22; ⵢⵃ. 5:22; 17:2; ⵄⴱⵔ. 2:8. 36 ⵡⴻⵏⵏⵉ ⵉⵜⵜⴰⵎⵏⴻⵏ ⴷⵉ ⵎⵎⵉⵙ ⵖⴰⵔⴻⵙ ⵜⵓⴷⴰⵔⵜ ⵉⵜⵜⴷⵓⵎⴰⵏ, ⵎⴰⵛⴰ ⵡⴻⵏⵏⵉ ⵡⴰⵔ ⵉⵟⵟⵉⵄ ⵛⴰ ⵎⵎⵉⵙ, ⵡⴰⵔ ⵉⵥⴰⵔⵔ ⵜⵓⴷⴰⵔⵜ, ⵎⴰⵖⴰⵔ ⴰⵖⴹⴰⴱ ⵏ ⴰⵔⴻⴱⴱⵉ ⴰⴷ ⵅⴰⵙ ⵉⵇⵇⵉⵎ.” ◘3:36 ⵢⵃ. 3:36; 6:47; 1 ⵢⵃ. 5:10.