1 ⴰⵡⴰⵔⵏⵉ ⵍⴰⵎⵉ ⵜⴻⵄⴷⵓ ⵙⵙⴻⴱⵜ, ⵖⴰⵔ ⵍⴻⴼⵊⴰⵔ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵙⵙⵉⵎⴰⵏⴰ, ⵜⵓⵙⴰ-ⴷⴷ ⵎⴰⵔⵢⴰⵎ ⵏ ⵎⴰⵊⴷⴰⵍⴰ ⴷ ⵎⴰⵔⵢⴰⵎ ⵏⵏⴻⵖⵏⵉⵜ ⵃⵉⵎⴰ ⴰⴷ ⵙⵙⵉⵊⵊⴻⵏⵜ ⵅ ⵡⴻⵏⴹⴻⵍ. ◘28:1 [ⵎⴽ. 16:1-8; ⵍⴽ. 24:1-12; ⵢⵃ. 20:1-10] 2 ⵅⵣⴰⵔ, ⵉⵎⵙⴰⵔ ⵉⵊⵊ ⵏ ⵡⴻⵏⵀⴻⵣⵣⵉ ⵏ ⵜⴻⵎⵎⵓⵔⵜ ⵉⵎⵖⴰⵔ, ⵎⵉⵏⵣⵉ ⵍⵎⴰⵍⴰⴽ ⵏ ⵙⵉⴷⵉ ⵉⵀⵡⴰ-ⴷⴷ ⵣⴻⴳ ⵓⵊⴻⵏⵏⴰ, ⵉⵇⴰⵔⵔⴻⴱ-ⴷⴷ, ⵉⵙⵙⴻⵇⵏⵓⵏⵏⵉ ⵜⴰⵚⴹⴰⵔⵜ ⵣⴻⴳ ⵡⴰⴷⴰⴼ ⵓⵛⴰ ⵉⵇⵇⵉⵎ ⵅⴰⵙ. 3 ⵜⵓⵖⴰ ⵚⵚⵉⴼⴻⵜ ⵏⵏⴻⵙ ⴰⵎ ⵡⴰⵊⵊⴰⵊ ⵓ ⵡⴰⵔⵔⵓⴹ ⵏⵏⴻⵙ ⴷ ⴰⵛⴻⵎⵍⴰⵍ ⴰⵎ ⵡⴻⴷⴼⴻⵍ. ◘28:3 ⴷⴰⵏ. 7:9; ⵍⴻⵅ. 1:10. 4 ⵉⵄⴻⵙⵙⴰⵙⴻⵏ ⴼⴻⵛⵍⴻⵏ ⵣⵉ ⵜⴻⴳⴳⵯⵓⴷⵉ ⵣⵣⴰⵢⴻⵙ ⵓⵛⴰ ⴷⴻⵡⵍⴻⵏ ⴰⵎ ⵢⵉⵎⴻⵜⵜⵉⵏⴻⵏ.

5 ⵍⵎⴰⵍⴰⴽ ⵉⵟⵟⴻⴼ ⴷⴻⴳ ⵡⴰⵡⴰⵍ, ⵉⵏⵏⴰ ⵉ ⵜⴻⵎⵖⴰⵔⵉⵏ: “ⵡⴰⵔ ⵜⵜⴻⴳⴳⵯⴻⴷⴻⵏⵜ ⵛⴰ, ⵎⵉⵏⵣⵉ ⵙⵙⵏⴻⵖ ⴰⵇⴰ ⴽⴻⵏⵏⵉⵏⵜ ⵜⴰⵔⴻⵣⵣⵓⵏⵜ ⵅ ⵢⴰⵙⵓⵄ ⵡⴻⵏⵏⵉ ⵉⵜⵜⵡⴰⵚⴻⵍⵍⴱⴻⵏ. ◘28:5 ⵎⴽ. 16:6; ⵍⴽ. 24:4. 6 ⵡⴰⵔ ⴷⴰ ⵉⴵⵉ, ⵎⵉⵏⵣⵉ ⵏⴻⵜⵜⴰ ⵉⴽⴽⴰⵔ-ⴷⴷ, ⴰⵎ ⵎⴰⵎⵎⴻⵛ ⵉⵏⵏⴰ. ⴰⵙⴻⵏⵜ-ⵉ-ⴷⴷ ⴷⴰ, ⵅⵣⴰⵔⴻⵏⵜ ⴰⵎⵛⴰⵏ ⵎⴰⵏⵉ ⵜⵓⵖⴰ ⵉⵎⵎⴰⵔⵙ ⵙⵉⴷⵉⵜⵏⴻⵖ. ◘28:6 ⵎⵜ. 16:21; 17:23; 20:19; ⵎⴽ. 8:31; 9:31; 10:34; ⵍⴽ. 9:22; 18:33; 24:6. 7 ⵔⵓⵃⴻⵏⵜ ⴷⴻⵖⵢⴰ, ⵉⵏⵉⵏⵜ ⵉ ⵉⵎⴻⵃⴹⴰⵔⴻⵏ ⵏⵏⴻⵙ, ⴰⵇⴰ ⵉⵜⵜⵡⴰⵙⵙⵏⴻⴽⴽⴰⵔ-ⴷⴷ ⵣⵉ ⵜⴰⴷⴷⴰⵔⵜ ⵏ ⵉⵎⴻⵜⵜⵉⵏⴻⵏ, ⵓ ⵅⵣⴰⵔ ⵏⴻⵜⵜⴰ ⴷ ⴰⵡⴻⵎ ⵉ ⵖⴰ ⵉⵣⵡⴰⵔⴻⵏ ⵖⴰⵔ ⵍⵊⴰⵍⵉⵍ. ⴷⵉⵏ ⴰⴷ ⵜ ⵜⵥⴰⵔⴻⵎ. ⵅⵣⴰⵔ, ⴰⵇⴰ ⵏⵏⵉⵖ ⴰⵡⴻⵎ ⵜⵜ.” ◘28:7 ⵎⵜ. 26:32; ⵎⴽ. 16:7.

8 ⴼⴼⵖⴻⵏⵜ ⵏⵉⵜⴻⵏⵜⵉ ⴷⴻⵖⵢⴰ ⵣⴻⴳ ⵡⴻⵏⴹⴻⵍ ⵙ ⵜⵉⴳⴳⵯⵓⴷⵉ ⴷ ⵍⴻⴼⵔⴰⵃⴻⵜ ⵉⵎⵖⴰⵔⴻⵏ, ⵜⵜⴰⵣⵣⵍⴻⵏⵜ ⵃⵉⵎⴰ ⴰⴷ ⵜⵜ ⵅⴻⴱⴱⴰⵔⴻⵏⵜ ⵉⵎⴻⵃⴹⴰⵔⴻⵏ. ◘28:8 ⵎⴽ. 16:8; ⵢⵃ. 20:18. 9 ⵓⵛⴰ ⵅⵣⴰⵔ, ⵢⴰⵙⵓⵄ ⵉⵍⵇⴰ ⵜⴻⵏⵜ ⴷⴻⴳ ⵡⴻⴱⵔⵉⴷ, ⵉⵏⵏⴰ ⴰⵙⴻⵏ: “ⵙⵍⴰⵎ ⵅⴰⴽⴻⵏⵜ!” ⵏⵉⵜⴻⵏⵜⵉ ⵓⵙⵉⵏⵜ-ⵉ-ⴷⴷ ⵖⴰⵔⴻⵙ, ⵟⵟⴼⴻⵏⵜ ⴷⴻⴳ ⵉⴹⴰⵔⴻⵏ ⵏⵏⴻⵙ ⵓⵛⴰ ⵙⴻⵊⴷⴻⵏⵜ ⴰⵙ. ◘28:9 ⵎⴽ. 16:9; ⵢⵃ. 20:14. 10 ⵍⴻⵅⴷⴻⵏⵏⵉ ⵉⵏⵏⴰ ⴰⵙⴻⵏⵜ ⵢⴰⵙⵓⵄ: “ⵡⴰⵔ ⵜⵜⴻⴳⴳⵯⴻⴷⴻⵏⵜ ⵛⴰ, ⵙⵙⵉⵡⴹⴻⵏⵜ ⵍⴻⵅⴱⴰⵔ-ⴰ ⵉ ⴰⵢⵜⵎⴰ, ⵃⵉⵎⴰ ⴰⴷ ⵔⴰⵃⴻⵏ ⵖⴰⵔ ⵍⵊⴰⵍⵉⵍ, ⴷⵉⵀⴰ ⴰⴷ ⴰⵢⵉ ⵥⴰⵔⴻⵏ.” ◘28:10 ⵍⴻⵅ. 1:3; 13:31; 1 ⴽⵓⵔ. 15:5.

11 ⴰⵎ ⵔⵓⵃⴻⵏⵜ, ⵅⵣⴰⵔ, ⴰⵇⴰ ⵛⴰ ⵣⴻⴳ ⵉⵄⴻⵙⵙⴰⵙⴻⵏ ⵓⵙⵉⵏ-ⴷⴷ ⵖⴰⵔ ⵜⴻⵏⴷⵉⵏⵜ, ⵃⵉⵎⴰ ⴰⴷ ⵅⴻⴱⴱⴰⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵉⴽⴻⵀⵀⴰⵏⴻⵏ ⵅ ⵎⴰⵔⵔⴰ ⵎⵉⵏ ⵉⵎⵙⴰⵔⴻⵏ. 12 ⵍⴻⵅⴷⴻⵏⵏⵉ ⵎⵓⵏⴻⵏ ⵏⵉⵜⵏⵉ ⴰⴽ-ⴷ ⵉⵎⵖⴰⵔⴻⵏ ⵏ ⵍⴳⴻⵏⵙ ⵓⵛⴰ ⵎⵛⴰⵡⴰⵔⴻⵏ ⴰⴽⵉⴷⵙⴻⵏ, ⵓⵛⴰ ⵡⵛⵉⵏ ⴰⵙⴻⵏ ⵉ ⵉⵄⴻⵙⵙⴰⵙⴻⵏ ⵜⵜⵎⴻⵏⵢⴰⵜ ⵏ ⵏⵏⵓⵇⴰⵔⵜ, ⵡⴰⵔ ⵉⴵⵉ ⴷⵔⵓⵙ, 13 ⵏⵏⴰⵏ: “ⵉⵏⵉⵎ: ‘ⵉⵎⴻⵃⴹⴰⵔⴻⵏ ⵏⵏⴻⵙ ⵓⵙⵉⵏ-ⴷⴷ ⵙ ⴵⵉⵍⴻⵜ ⵓⵛⴰ ⵓⵛⴰⵔⴻⵏ ⵜ ⴰⵎ ⵜⵓⵖⴰ ⵏⴻⵟⵟⴻⵚ!’ 14 ⵎⴰⵍⴰ ⵉⵙⵍⴰ ⵉ-ⵜ ⵍⵄⴰⵎⵉⵍ, ⴰⴷ ⵜ ⵏⴻⵙⵙⴻⵇⵏⴻⵄ ⵓⵛⴰ ⴰⴷ ⵏⴻⴳⴳ ⵡⴰⵔ ⵜᵉⵜⵜⵉⵍⵉⵎ ⴷⴻⴳ ⵉⵎⵓⵏⴰⵙ.” 15 ⵟⵟⴼⴻⵏ ⵜⵎⴻⵏⵢⴰⵜ ⵏ ⵏⵏⵓⵇⴰⵔⵜ ⵓⵛⴰ ⴳⴳⵉⵏ ⴰⵎ ⵎⴰⵎⵎⴻⵛ ⴷ ⴰⵙⴻⵏ ⵄⴻⵍⵎⴻⵏ. ⴰⵎⵎⵓ ⵉ ⴷⴷ-ⵉⵜⵜⴻⴼⴼⴻⵖ ⵍⴻⵅⴱⴰⵔ-ⴰ ⵊⴰⵔ ⵡⵓⴷⴰⵢⴻⵏ ⴰⵍ ⴰⵙⵙ ⵏ ⵢⵉⴹⴰ.

16 ⵃⵉⵟⴰⵛ ⵏ ⵉⵎⴻⵃⴹⴰⵔⴻⵏ ⵏⵏⵉ ⵔⵓⵃⴻⵏ ⵖⴰⵔ ⵍⵊⴰⵍⵉⵍ, ⵖⴰⵔ ⵡⴻⴷⵔⴰⵔ ⵎⴰⵏⵉ ⵜⴻⵏ ⵢⵓⵎⵓⵔ ⵢⴰⵙⵓⵄ. ◘28:16 [ⵎⴽ. 16:14-18; ⵍⴽ. 24:36-49; ⵢⵃ. 20:19-23; ⵓⴼ. 1:6-8] — ⵎⵜ. 26:32; 17 ⴰⵍⴰⵎⵉ ⵜ ⵥⵔⵉⵏ, ⵙⴻⵊⴷⴻⵏ ⴰⵙ, ⵎⴰⵛⴰ ⵛⴰ ⵛⴻⴽⴽⴻⵏ. 18 ⵉⵇⴰⵔⵔⴻⴱ-ⴷⴷ ⵖⴰⵔⵙⴻⵏ ⵢⴰⵙⵓⵄ, ⵉⵙⵙⵉⵡⴻⵍ ⴰⴽⵉⴷⵙⴻⵏ, ⵉⵏⵏⴰ: “ⵜⴻⵎⵎⴻⵡⵛ ⴰⵢⵉ ⵎⴰⵔⵔⴰ ⵚⵚⵓⵍⵟⴰ ⴷⴻⴳ ⵓⵊⴻⵏⵏⴰ ⵓ ⵅ ⵜⴻⵎⵎⵓⵔⵜ. ⴰⵎ ⵎⴰⵎⵎⴻⵛ ⵉ ⴷ ⴰⵢⵉ ⴷⴷ-ⵉⵙⵙⴻⴽⴽ ⴱⴰⴱⴰ, ⴰⵎⵎⵓ ⴽⴻⵏⵏⵉⵡ ⵉ ⵖⴰ ⵙⵙⴻⴽⴽⴻⵖ ⵏⴻⵛⵛ. ◘28:18 ⵉⵥⵀⴷ. 8:7; ⵎⵜ. 11:27; ⵍⴽ. 10:22; ⵢⵃ. 3:35; 17:2; 1 ⴽⵓⵔ. 15:27; ⴰⴼⴰ. 1:22; ⵄⴱⵔ. 2:8. 19 ⵔⵓⵃⴻⵎ, ⴰⵔⵔⴻⵎ ⵎⴰⵔⵔⴰ ⵍⴻⴳⵏⵓⵙ ⴷ ⵉⵎⴻⵃⴹⴰⵔⴻⵏ ⵉⵏⵓ ⵓ ⵙⵙⵖⴻⴹⵚⴻⵎ ⵜⴻⵏ ⵙ ⵢⵉⵙⴻⵎ ⵏ ⴱⴰⴱⴰ ⴷ ⵎⵎⵉⵙ ⴷ ⴰⵔⵔⵓⵃ ⵉⵇⴻⴷⴷⵙⴻⵏ, ◘28:19 ⵎⴽ. 16:15; ⵢⵃ. 15:16. 20 ⵓ ⵙⵍⴻⵎⴷⴻⵎ ⴰⵙⴻⵏ ⴰⴷ ⵟⵟⴼⴻⵏ ⴷⵉ ⵎⴰⵔⵔⴰ ⵎⵉⵏ ⵅⴻⴼ ⴽⴻⵏⵏⵉⵡ ⵓⵎⵓⵔⴻⵖ ⵣⵣⴰⵢⴻⵙ, ⵓ ⵅⵣⴰⵔ, ⵏⴻⵛⵛ ⴰⵇⴰ ⴰⵢⵉ ⴰⴽⵉⴷⵡⴻⵎ ⵎⴰⵔⵔⴰ ⵓⵙⵙⴰⵏ ⴰⵍ ⵇⴻⵟⵟⵓ ⵏ ⴷⴷⵓⵏⴻⵛⵜ.”

ⴰⵏⴻⴳⴳⴰⵔ ⵏ ⵍ’ⵉⵏⵊⵉⵍ ⵉⵇⴻⴷⴷⵙⴻⵏ ⴰⵎ ⵎⴰⵎⵎⴻⵛ ⵜ ⵉⴱⴰⵔⵔⴻⵃ ⵎⴰⵜⵜⴰ. ◘28:20 ⵢⵃ. 14:18.