35
ⵍⵀⴰⵔⴷ ⵡⵉⵙⵙ ⵜⵍⴰⵜⴰ ⵏ ⵉⵍⵉⵀⵓ: ⵜⴰⵙⴻⴳⴷⴰ ⵏ ⴱⵏⴰⴷⴻⵎ ⵡⴰⵔ ⵜⵏⴻⴼⴼⴻⵄ ⵣⵣⴰⵜ ⵉ ⴰⵔⴻⴱⴱⵉ
1 ⵢⴰⵔⵔⴰ-ⴷⴷ ⵉⵍⵉⵀⵓ, ⵉⵏⵏⴰ:
2 ⵎⴰ ⵉⵜⵜⵖⵉⵍ ⴰⵛ ⴰⵢⴰ ⵏⵉⵛⴰⵏ, ⴰⵇⴰ ⵜⴻⵇⵇⴰⵔⴻⴷ:
‘ⵜⴰⵙⴻⴳⴷⴰ ⵉⵏⵓ ⴽⵜⴰⵔ ⵅ ⵜⴻⵏⵏⵉ ⵏ ⴰⵔⴻⴱⴱⵉ’?
3 ⵎⴰⵖⴰⵔ ⵜⴻⵏⵏⵉⴷ: ‘ⵎⴰⵏ ⵍⴻⴼⴹⴻⵍ ⵖⴰⵔⴻⴽ?
ⵎⵉⵏ ⴷ ⴰⵢⵉ ⴷⴷ ⵖⴰ ⵉⴽⴽⴰⵔⴻⵏ
ⴰⵇⴰ ⵏⴻⵛⵛ ⵡⴰⵔ ⵜⵜⴻⴳⴳⴻⵖ ⴷⴷⵏⵓⴱ?’ ◘35:3 ⴰⵢⵓⴱ 34:9
4 ⴰⴷ ⵅⴰⴽ ⴷⴷ-ⴰⵔⵔⴻⵖ,
ⵓⵍⴰ ⵅ ⵉⵎⴻⴷⴷⵓⴽⴽⴰⵍ ⵏⵏⴻⵛ ⴰⴽⵉⴷⴻⴽ.
5 ⵅⵣⴰⵔ ⴰⵊⴻⵏⵏⴰ, ⵓ ⵅⵣⴰⵔ,
ⵃⴻⴽⴽⴰⵔ ⵉⵙⴻⵢⵏⵓⵜⴻⵏ ⵜⵉⵡⴰ ⵏⵏⴻⵛ ⵇⴰⵄ!
6 ⵎⴰⵍⴰ ⵜⴻⵅⴹⵉⴷ,
ⵎⵉⵏ ⵉ ⴷ ⴰⵙ ⵜᵉⵜⵜⴻⴳⴳⴻⴷ ⵙ ⵎⴰⵏ ⴰⵢⴰ?
ⵎⴰⵍⴰ ⵉⵄⴻⴷⴷⵉⵢⴻⵏ ⵏⵏⴻⵛ ⴷ ⴰⵟⵟⴰⵙ,
ⵎⵉⵏ ⵣⵣⴰⵢⴻⵙ ⵉ ⴷ ⴰⵙ ⵉ ⵖⴰ ⵜⴰⵡⵢⴻⴷ?
7 ⵎⴰⵍⴰ ⵛⴻⴽ ⴷ ⴰⵎⵙⴻⴳⴳⴻⴷ,
ⵎⵉⵏ ⵉ ⴷ ⴰⵙ ⵜᵉⵜⵜⵉⵛⴻⴷ ⵙ ⵓⵢⴰ,
ⵏⵉⵖ ⵎⵉⵏ ⵉⵜⵜⴻⵟⵟⴻⴼ ⵏⴻⵜⵜⴰ ⵣⴻⴳ ⵓⴼⵓⵙ ⵏⵏⴻⵛ? ◘35:7 ⴰⵢⵓⴱ 22:2; ⵉⵥⵀⴷ. 16:2; ⵔⵓⵎ. 11:35
8 ⴰⵇⴰ ⵜⵓⵄⴻⴼⴼⵏⴰ ⵏⵏⴻⵛ
ⵜⵍⴻⵇⵇⴻⴼ ⴰⵔⵢⴰⵣ ⴰⵎ ⵛⴻⴽ ⵡⴰⵀⴰ,
ⵓ ⵜⴰⵙⴻⴳⴷⴰ ⵏⵏⴻⵛ ⵜᵉⵜⵜⵉⵍⵉ
ⴷⵉ ⵟⵟⵡⴻⵄ ⵏ ⵉⵊⵊ ⵏ ⵎⵎⵉⵙ ⵏ ⴱⵏⴰⴷⴻⵎ ⵡⴰⵀⴰ.
9 ⵙⵖⵓⵢⵢⵓⵏ ⵣⴻⴳ ⵡⴰⵟⵟⴰⵙ ⵏ ⵍⴻⵃⵚⴰⵔⴰⵜ,
ⵜⵜⵍⴰⵖⴰⵏ ⵖⴰⵔ ⵜⵡⵉⵣⴰ
ⵣⵉ ⵙⵙⵉⴱⴱⴻⵜ ⵏ ⵓⵖⵉⵍ ⵏ ⴰⵢⵜ ⵏ ⴱⵓ-ⵚⵚⵓⵍⵟⴰ.
10 ⵎⴰⵛⴰ ⵓⵍⴰ ⴷ ⵉⵊⵊⴻⵏ ⵉⵇⵇⴰⵔ:
‘ⵎⴰⵏⵉ ⵉⴵⴰ ⴰⵔⴻⴱⴱⵉ, ⵡⴻⵏⵏⵉ ⴷ ⴰⵢⵉ ⵉⴳⴳⵉⵏ,
ⵡⴻⵏⵏⵉ ⵉⵜⵜⵉⵛⴻⵏ ⵉⵣⵍⴰⵏ ⵏ ⵓⵚⴻⴱⴱⴻⵃ ⴷⵉ ⴵⵉⵍⴻⵜ,
11 ⵡⴻⵏⵏⵉ ⴷ ⴰⵏⴻⵖ ⵉⵙⵙⴻⵍⵎⴰⴷⴻⵏ
ⵙ ⵍⵎⴰⵍ ⵏ ⵜⴻⵎⵎⵓⵔⵜ,
ⴷ ⵡⴻⵏⵏⵉ ⴷ ⴰⵏⴻⵖ ⵉⵜⵜⴻⴳⴳⴻⵏ ⴷ ⵉⵎⵉⵖⵉⵙⴻⵏ
ⵙ ⵉⵊⴹⴰⴹ ⵏ ⵓⵊⴻⵏⵏⴰ?’
12 ⴷⵉⵏⵏⵉ ⵙⵖⵓⵢⵢⵓⵏ ⵏⵉⵜⵏⵉ,
ⵎⴰⵛⴰ ⵏⴻⵜⵜⴰ ⵡⴰⵔ ⴷⴷ-ⵉⵜⵜⴰⵔⵔⵉ,
ⵣⵉ ⵙⵙⵉⴱⴱⴻⵜ ⵏ ⵏⵏⴼⴰⵅⴻⵜ ⵏ ⵉⵄⴻⴼⴼⴰⵏⴻⵏ. ◘35:12 ⴰⵢⵓⴱ 27:9; ⴰⵡⵍⵏ. 1:28; 15:29; ⵉⵛⴰ. 1:15; ⵉⵔⵎ. 11:11; ⵢⵃ. 9:31
13 ⵙ ⵜⵉⴷⴻⵜⵜ, ⴰⵔⴻⴱⴱⵉ ⵡⴰⵔ ⵉⵜⵜⴻⵙⵍⵉ
ⵖⴰⵔ ⵉⵖⵓⵢⵢⴰⵏ ⵉⴱⴻⵟⵟⵍⴻⵏ,
ⴰⵎⵣⴻⵎⵎⴰⵔ ⵅ ⴽⵓⵍⵛⵉ ⵡⴰⵔ ⴽⵉⴷⴻⵙ ⵉⵍⴻⵀⵀⵉ.
14 ⵡⴰⵅⵅⴰ ⵛⴻⴽ ⵜⴻⵇⵇⴰⵔⴻⴷ,
ⴰⵇⴰ ⵛⴻⴽ ⵡⴰⵔ ⵜ ⵜᵉⵜⵜⵡⵉⵍⵉⴷ,
ⵜᵉⵜⵜⵖⵉⵎⴰ ⵜⵎⴻⵙⵍⴰⵛⵜ ⵄⴰⴷ ⵣⵣⴰⵜ ⵉ ⵡⵓⴷⴻⵎ ⵏⵏⴻⵙ.
ⵔⴰⵊⴰ ⵜ ⵅⴻⵏⵏⵉ.
15 ⵎⴰⵍⴰ ⵍⴻⵅⵅⵓ ⴰⵅⴻⵢⵢⴻⵇ ⵏⵏⴻⵙ
ⵡⴰⵔ ⵉⵛⵛⵉⵜ ⵄⴰⴷ,
ⵎⴰ ⵅⴻⵏⵏⵉ ⵏⴻⵜⵜⴰ ⵡⴰⵔ ⵉⵙⵙⵉⵏ
ⵅ ⵓⵄⴻⴷⴷⵉ ⵉⵎⵖⴰⵔ? ◘35:15 ⴰⵢⵓⴱ 11:6
16 ⴰⵢⵓⴱ ⵉⵛⴰⵔⵔⴻⴳ ⴰⵇⴻⵎⵎⵓⵎ ⵏⵏⴻⵙ ⴱⴰⵟⴻⵍ,
ⵉⵜⵜⴻⴳⴳ ⴰⵡⴰⵍⴻⵏ ⵉⵎⴻⵇⵇⵔⴰⵏⴻⵏ ⵏⵀⵍⴰ ⵜⵓⵙⵙⵏⴰ.
◘35:7 35:7 ⴰⵢⵓⴱ 22:2; ⵉⵥⵀⴷ. 16:2; ⵔⵓⵎ. 11:35
◘35:12 35:12 ⴰⵢⵓⴱ 27:9; ⴰⵡⵍⵏ. 1:28; 15:29; ⵉⵛⴰ. 1:15; ⵉⵔⵎ. 11:11; ⵢⵃ. 9:31