27
ⵍⵀⴰⵔⴷ ⵏ ⴰⵢⵓⴱ ⵅ ⵉⵄⴻⴼⴼⴰⵏⴻⵏ
1 ⵢⴰⵔⵏⵉ ⵉⵙⵙⴳⴻⵄⵄⴻⴷ ⴰⵢⵓⴱ ⵍⵀⴰⵔⴷ ⵏ ⵍⵎⴰⵜⴰⵍ ⵏⵏⴻⵙ, ⵉⵏⵏⴰ:
2 ⵙ ⵜⵉⴷⴻⵜⵜ ⴰⵎ ⵉⴷⴷⴰⵔ ⴰⵔⴻⴱⴱⵉ
ⵏⵏⵉ ⵉ ⴷ ⴰⵢⵉ ⵉⴽⴽⵙⴻⵏ ⵜⴰⵙⵖⴰⵔⵜ ⵉⵏⵓ,
ⴰⵎⵣⴻⵎⵎⴰⵔ ⵅ ⴽⵓⵍⵛⵉ
ⵏⵏⵉ ⵉⵙⵙⴰⵔⵣⴰⴳⴻⵏ ⵍⴻⵄⵎⴰⵔ ⵉⵏⵓ,
3 ⵎⵉⵏ ⵖⴰ ⵢⴻⴽⴽ ⵏⵏⴻⴼⵙ ⵄⴰⴷ ⴷⴰⵢⵉ
ⵓ ⴰⵔⵔⵓⵃ ⵏ ⴰⵔⴻⴱⴱⵉ ⵄⴰⴷ ⴷⴻⴳ ⵡⴻⵏⵣⴰⵔⴻⵏ ⵉⵏⵓ,
4 ⵡⴰⵔ ⵇⵇⴰⵔⴻⵏ ⵉⵢⴻⵏⵛⵉⵛⴻⵏ ⵉⵏⵓ ⵍⵖⴻⵛⵛ
ⵓ ⵉⵍⴻⵙ ⵉⵏⵓ ⵡⴰⵔ ⵉⵇⵇⴰⵔ ⵉⵅⴰⵔⵔⵉⵇⴻⵏ!
5 ⵉⴳⴳⵯⴻⵊ ⵅⴰⴼⵉ ⴰⴷ ⴳⴳⴻⵖ ⴽⴻⵏⵏⵉⵡ
ⴷⵉ ⵜⵙⴻⵢⵢⴰⵔⴻⵙⵜ ⵏ ⵜⵉⴷⴻⵜⵜ.
ⴰⵍ ⵖⴰ ⵙⵙⵓⴼⴼⵖⴻⵖ ⴱⵓⵃⴱⴻⵍ ⵉⵏⵓ,
ⵡⴰⵔ ⵜⵜⴻⵊⵊⵉⵖ ⴰⴷ ⵅⴰⴼⵉ ⴽⴽⵙⴻⵏ ⴰⵙⴻⴳⴳⴻⴷ ⵉⵏⵓ.
6 ⴰⴷ ⵟⵟⴼⴻⵖ ⴷⵉ ⵜⵙⴻⴳⴷⴰ ⵉⵏⵓ,
ⵡⴰⵔ ⵣⵣⴰⵢⴻⵙ ⴰⵔⴻⵅⵅⵓⵖ ⵛⴰ.
ⵓⵍ ⵉⵏⵓ ⵡⴰⵔ ⴷ ⴰⵙ ⵢⴰⵔⴻⵅⵅⵓ
ⵓⵍⴰ ⵅ ⵉⵊⵊⴻⵏ ⵣⴻⴳ ⵡⵓⵙⵙⴰⵏ ⵉⵏⵓ.
7 ⵎⵍⵉ ⴷⴷ-ⵉⴱⴰⵏ ⵍⴻⵄⴷⵓ ⵉⵏⵓ ⴷ ⴰⵄⴻⴼⴼⴰⵏ,
ⵡⴻⵏⵏⵉ ⴰⴽⵉⴷⵉ ⵉⵜⵜⵎⴻⵏⵖⴰⵏ
ⴷ ⵎⵎⵉⵙ ⵏ ⵍⵎⵓⵄⵚⵉⵢⵢⴻⵜ.
8 ⵎⴰⵖⴰⵔ ⵎⴰⵏ ⵍⴰⵢⴰⵙ ⵏ ⵓⵎⵏⴰⴼⴻⵇ,
ⵅⵎⵉ ⵖⴰ ⵜᵉⵜⵜⵡⴰⵇⴹⴻⵄ ⵜⵓⴷⴰⵔⵜ ⵏⵏⴻⵙ,
ⵅⵎⵉ ⵣⵣⴰⵢⴻⵙ ⵉ ⵖⴰ ⵉⵇⵍⴻⵄ ⴰⵔⴻⴱⴱⵉ ⵍⴻⵄⵎⴰⵔ ⵏⵏⴻⵙ? ◘27:8 ⵎⵜ. 16:26; ⵍⴽ. 12:20
9 ⵎⴰ ⴰⴷ ⵉⵙⴻⵍ ⴰⵔⴻⴱⴱⵉ ⵉ ⵉⵖⵓⵢⵢⴰⵏ ⵏⵏⴻⵙ,
ⵅⵎⵉ ⵅⴰⵙ ⴷⴷ ⵖⴰ ⵉⵡⴹⴰ ⵍⵃⴻⵚⵔⴰⵏ? ◘27:9 ⴰⵢⵓⴱ 35:12; ⵉⵥⵀⴷ. 18:42; 109:7; ⴰⵡⵍⵏ. 1:28; 28:9; ⵉⵛⴰ. 1:15; ⵉⵔⵎ. 14:12; ⵃⵉⵥ. 8:18; ⵎⵉⵅⴰ 3:4; ⵢⵃ. 9:31; ⵢⴰⵄ. 4:3
10 ⵎⴰ ⴰⴷ ⵉⴼⴰⵔⵃ ⵖⴰⵔ ⵓⵎⵣⴻⵎⵎⴰⵔ ⵅ ⴽⵓⵍⵛⵉ?
ⵎⴰ ⴰⴷ ⵉⵍⴰⵖⴰ ⵅ ⴰⵔⴻⴱⴱⵉ ⵎⴻⵍⵎⵉ ⵎⴰ?
11 ⵏⴻⵛⵛ ⴰⴷ ⴰⵡⴻⵎ ⵙⵙⵍⴻⵎⴷⴻⵖ ⵅ ⵓⴼⵓⵙ ⵏ ⴰⵔⴻⴱⴱⵉ,
ⵎⵉⵏ ⵉⵄⴻⵡⵡⴻⵍ ⵓⵎⵣⴻⵎⵎⴰⵔ ⵅ ⴽⵓⵍⵛⵉ,
ⵡⴰⵔ ⵜ ⵙⵙⵏⵓⴼⴼⴰⵔⴻⵖ.
12 ⵅⵣⴰⵔ, ⴽⴻⵏⵏⵉⵡ ⵎⴰⵔⵔⴰ ⵉⴷⵡⴻⵎ ⵜⴻⵥⵔⵉⵎ ⵜ.
ⵎⴰⵢⴻⵎⵎⵉ ⵜⴰⵔⴻⵏⵏⵢⴻⵎ
ⵜⴻⵙⵙⵓⴼⴼⵓⵖⴻⵎ ⵎⵉⵏ ⵉⴱⴻⵟⵟⵍⴻⵏ ⵜⴻⵇⵇⴰⵔⴻⵎ:
13 “ⵜⴰ ⴷ ⵜⴰⵙⵖⴰⵔⵜ ⵏ ⴱⵏⴰⴷⴻⵎ ⴰⵄⴻⴼⴼⴰⵏ ⵖⴰⵔ ⵙⵉⴷⵉ,
ⵜⴰⵙⵖⴰⵔⵜ ⵏ ⴰⵢⵜ ⵏ ⴱⵓ-ⵍⴻⵅⵛⵓⵏⴻⵜ
ⵏⵏⵉ ⵉ ⵖⴰ ⵟⵟⴼⴻⵏ ⵣⴻⴳ ⵓⵎⵣⴻⵎⵎⴰⵔ ⵅ ⴽⵓⵍⵛⵉ: ◘27:13 ⴰⵢⵓⴱ 20:29
14 ⵅⵎⵉ ⵖⴰ ⵎⵎⴰⵔⴻⵏⵢⴻⵏ ⵉⵃⴻⵏⵊⵉⵔⴻⵏ ⵏⵏⴻⵙ,
ⵉ ⵙⵙⵉⴼ ⵓⵎⵉ ⵓⵔⵉⵏ.
ⵉⵖⴻⴷⴷⵓⵜⴻⵏ ⵏⵏⴻⵙ ⵡⴰⵔ ⵜⵜⵢⴰⵡⴰⵏⴻⵏ ⴰⵖⵔⵓⵎ, ◼27:14 ⵉⵖⴻⴷⴷⵓⵜⴻⵏ-ⵉⵅⵙ ⴰⴷ ⵢⵉⵏⵉ ‘ⵉⵃⴻⵏⵊⵉⵔⴻⵏ ⵏⵏⴻⵙ’. ◘27:14 ⴰⵄⵡⴷ. 28:41; ⵃⵓⵛ. 9:13
15 ⵡⵉ ⵣⵣⴰⵢⴻⵙ ⵉ ⵖⴰ ⵢⴰⵔⴻⵡⵍⴻⵏ
ⴰⴷ ⵜⵜⵡⴰⵏⴻⴹⵍⴻⵏ ⵙ ⵟⵟⴰⵄⵓⵏ,
ⵜⵉⵊⵊⴰⵍ ⵏⵏⴻⵙ ⵡⴰⵔ ⵜⵜⵔⵓⵏⵜ ⵛⴰ. ◘27:15 ⵉⵥⵀⴷ. 78:64
16 ⵡⴰⵅⵅⴰ ⵉⵊⴰⵔⵔⵓⵡ ⵏⵏⵓⵇⴰⵔⵜ ⴰⵏⴻⵛⵜ ⵏ ⵓⵛⴰⵍ,
ⵓ ⵉⵙⵙⴻⵡⵊⴰⴷ ⴰⵔⵔⵓⴹ ⴰⵏⴻⵛⵜ ⵏ ⵓⵛⴰⵍ,
17 ⵉⵡⴰ, ⵡⴰⵅⵅⴰ ⴰⴷ ⵜ ⵉⵙⵙⴻⵡⵊⴻⴷ,
ⴰⵎⵙⴻⴳⴳⴻⴷ ⴰⴷ ⵣⵣⴰⵢⴻⵙ ⵢⴰⵔⴹ
ⵓⵛⴰ ⴰⵎⴻⵣⴷⴰⴳ ⴰⴷ ⵉⴱⴹⴰ ⵏⵏⵓⵇⴰⵔⵜ. ◘27:17 ⴰⵡⵍⵏ. 28:8; ⴰⵎⴱ. 2:26
18 ⴰⴷ ⵉⴱⵏⴰ ⵜⴰⴷⴷⴰⵔⵜ ⵏⵏⴻⵙ ⴰⵎ ⵜⵛⵉⵏⴷⴰ,
ⴰⵎⴻⵛⵏⴰⵡ ⵜⴰⵏⵡⴰⵍⵜ
ⵉ ⵉⵙⵙⴱⴻⴷⴷⴰ ⵓⵄⴻⵙⵙⴰⵙ ⵉ ⵢⵉⵅⴻⴼ ⵏⵏⴻⵙ.
19 ⴰⴷ ⴷⴰⵢⴻⵙ ⵉⵟⵟⴻⵚ ⴷ ⴱⵓ-ⵡⴰⴳⵍⴰ,
ⵎⴰⵛⴰ ⵡⴰⵔ ⵢⴰⵔⴻⵏⵏⵉ ⴷⴻⴳ ⵡⴰⴳⵍⴰ ⵏⵏⴻⵙ.
ⵎⴰⵍⴰ ⵢⴰⵔⵣⴻⵎ ⵜⵉⵟⵟⴰⵡⵉⵏ ⵏⵏⴻⵙ,
ⵡⴰⵔ ⴷⵉⵏ ⵉⵜⵜⵖⵉⵎⵉ ⵄⴰⴷ ⵡⴰⵍⵓ. ◘27:19 ⵉⵥⵀⴷ. 49:18
20 ⵉⵏⴻⵅⵍⵉⵄⴻⵏ ⴰⴷ ⵅⴰⵙ ⴰⵔⴻⵏⵢⴻⵏ
ⴰⵎ ⵉⵖⴻⵣⵔⴰⵏ ⵏ ⵡⴰⵎⴰⵏ,
ⵜⴰⵃⴰⵔⵢⴰⴹⵜ ⴰⴷ ⵜ-ⵉ-ⴷⴷ-ⵜⴻⵇⴹⴻⵄ ⵙ ⴵⵉⵍⴻⵜ. ◘27:20 ⴰⵢⵓⴱ 15:21; 18:11
21 ⴰⵙⴻⵎⵎⵉⴹ ⵣⵉ ⵛⵛⴰⵔⵇ ⴰⴷ ⵜ ⵉⴽⵙⵉ,
ⵉⵡⴰ ⴷⵉⵏⵏⵉ ⵉⵜⵜⵔⴰⵃ,
ⴰⴷ ⵜ-ⵉ-ⴷⴷ-ⵉⵇⵍⴻⵄ ⵣⴻⴳ ⵡⴻⵎⵛⴰⵏ ⵏⵏⴻⵙ.
22 ⴰⵔⴻⴱⴱⵉ ⴰⴷ ⵉⵙⵙⵉⵡⴻⴹ ⵎⴰⵔⵔⴰ ⴰⵢⴰ
ⵅ ⵓⵣⴻⴵⵉⴼ ⵏⵏⴻⵙ, ⵡⴰⵔ ⵅⴰⵙ ⵉⵙⵙⵄⵉⵣⵣⵉ ⵛⴰ.
ⴰⴷ ⵢⴰⵔⵡⴻⵍ ⴷⴻⵖⵢⴰ ⵣⵉ ⵜⴻⵛⵜⵉ ⵏ ⵓⴼⵓⵙ ⵏⵏⴻⵙ.
23 ⵉⵡⴷⴰⵏ ⴰⴷ ⵅⴰⵙ ⵡⵡⵜⴻⵏ ⴷⴻⴳ ⵉⴼⴰⵙⵙⴻⵏ ⵏⵙⴻⵏ
ⴰⵎ ⵣⵣⴰⵢⴻⵙ ⵙⵜⵀⴻⵣⵣⴰⵏ
ⵓⵛⴰ ⴰⴷ ⵅⴰⵙ ⵚⴻⴼⴼⴰⵔⴻⵏ
ⵣⴻⴳ ⵡⴻⵎⵛⴰⵏ ⵏ ⵜⵣⴻⴷⴷⵉⵖⵜ ⵏⵏⴻⵙ.”
◘27:8 27:8 ⵎⵜ. 16:26; ⵍⴽ. 12:20
◘27:9 27:9 ⴰⵢⵓⴱ 35:12; ⵉⵥⵀⴷ. 18:42; 109:7; ⴰⵡⵍⵏ. 1:28; 28:9; ⵉⵛⴰ. 1:15; ⵉⵔⵎ. 14:12; ⵃⵉⵥ. 8:18; ⵎⵉⵅⴰ 3:4; ⵢⵃ. 9:31; ⵢⴰⵄ. 4:3
◘27:13 27:13 ⴰⵢⵓⴱ 20:29
◼27:14 27:14 ⵉⵖⴻⴷⴷⵓⵜⴻⵏ-ⵉⵅⵙ ⴰⴷ ⵢⵉⵏⵉ ‘ⵉⵃⴻⵏⵊⵉⵔⴻⵏ ⵏⵏⴻⵙ’.
◘27:14 27:14 ⴰⵄⵡⴷ. 28:41; ⵃⵓⵛ. 9:13
◘27:15 27:15 ⵉⵥⵀⴷ. 78:64
◘27:17 27:17 ⴰⵡⵍⵏ. 28:8; ⴰⵎⴱ. 2:26
◘27:19 27:19 ⵉⵥⵀⴷ. 49:18
◘27:20 27:20 ⴰⵢⵓⴱ 15:21; 18:11