28
1 ⵉⵄⴻⴼⴼⴰⵏⴻⵏ ⵜⵜⵔⴰⴽⴽⵡⴰⵍⴻⵏ
ⵡⴰⵅⵅⴰ ⵡⴰⵔ ⴷⵉⵏⵏⵉ
ⵡⵉ ⵉ-ⵜⴻⵏ ⵉⴹⴰⴼⴼⴰⵔⴻⵏ,
ⵎⴰⵛⴰ ⵉⵎⵙⴻⴳⴳⴰⴷⴻⵏ ⴷⴰⵢⵙⴻⵏ ⵜⴰⵔⵢⴰⵙⵜ
ⴰⵎ ⵏ ⵉⵊⵊ ⵏ ⵡⴰⵢⵔⴰⴷ. ◘28:1 ⵍⴰⵡⵉ 26:36; ⴰⵄⵡⴷ. 28:28; ⵉⵛⴰ. 57:21
2 ⵣⵉ ⵙⵙⵉⴱⴱⴻⵜ ⵏ ⵓⵄⴻⴷⴷⵉ ⵏ ⵜⴻⵎⵎⵓⵔⵜ
ⴰⵇⴰ ⴷⵉⵏ ⴰⵟⵟⴰⵙ ⵏ ⵍⵃⵓⴽⴽⴰⵎ ⵏⵏⴻⵙ,
ⵎⴰⵛⴰ ⵙ ⵉⵊⵊ ⵏ ⴱⵏⴰⴷⴻⵎ ⵙ ⵍⴻⵄⵇⴻⵍ ⴷ ⵜⵓⵙⵙⵏⴰ,
ⴰⴷ ⵜⴻⵇⵇⵉⵎ ⵚⵚⵓⵍⵟⴰ ⵜⴱⴻⴷⴷ
ⵉ ⵢⵉⵊⵊ ⵏ ⵍⵡⴻⵇⵜ ⴷ ⴰⵣⵉⵔⴰⵔ.
3 ⴰⵔⵢⴰⵣ ⴰⵎⴻⵣⵍⵓⴹ ⵏⵏⵉ ⵉⵜⵜⵣⴻⵢⵢⴰⵔⴻⵏ ⵅ ⵉⵎⴰⵔⵅⴰ,
ⴰⵎ ⵡⴻⵏⵥⴰⵔ ⵉⵜⵜⴰⵡⵢⴻⵏ ⵎⴰⵔⵔⴰ,
ⴰⵍ ⵡⴰⵔ ⵉⵜⵜⵖⵉⵎⵉ ⵄⴰⴷ ⵡⴻⵖⵔⵓⵎ.
4 ⵉⵏⵏⵉ ⵉⵜⵜⴻⵊⵊⴰⵏ ⵛⵛⴰⵔⵉⵄⴰ
ⵙⵙⴻⵎⵖⴰⵔⴰⵏ ⴰⵄⴻⴼⴼⴰⵏ,
ⵎⴰⵛⴰ ⵉⵏⵏⵉ ⵉⵃⴻⵟⵟⴰⵏ ⵛⵛⴰⵔⵉⵄⴰ
ⵜⵜⵎⴻⵏⵖⴰⵏ ⴰⴽⵉⴷⵙⴻⵏ.
5 ⵉⵔⵢⴰⵣⴻⵏ ⵉⵄⴻⴼⴼⴰⵏⴻⵏ ⵡⴰⵔ ⴼⴻⵀⵀⵎⴻⵏ ⵍⵃⴻⵇⵇ,
ⵎⴰⵛⴰ ⵉⵏⵏⵉ ⵢⴰⵔⴻⵣⵣⵓⵏ ⵙⵉⴷⵉ,
ⴼⴻⵀⵀⵎⴻⵏ ⵉ ⴽⵓⵍⵛⵉ.
6 ⵉⵃⵍⴰ ⵓⵎⴻⵣⵍⵓⴹ ⵏⵏⵉ ⵉⴳⴳⵓⵔⴻⵏ ⵉⵚⴼⴰ,
ⵅ ⵡⴻⵏⵏⵉ ⵉⴳⴳⵓⵔⴻⵏ ⵉⴼⴰⵔⵖ ⴷⵉ ⵜⵏⴰⵢⴻⵏ ⵏ ⵉⴱⵔⵉⴷⴻⵏ,
ⵡⴰⵅⵅⴰ ⵏⴻⵜⵜⴰ ⵖⴰⵔⴻⵙ ⴰⴳⵍⴰ. ◘28:6 ⴰⵡⵍⵏ. 19:1
7 ⵡⴻⵏⵏⵉ ⵉⵃⴻⵟⵟⴰⵏ ⵛⵛⴰⵔⵉⵄⴰ,
ⴷ ⵉⵊⵊ ⵏ ⵎⵎⵉⵙ ⵉⴼⴻⵀⵀⴻⵎ,
ⵎⴰⵛⴰ ⵡⴻⵏⵏⵉ ⴷ ⴰⵎⴻⴷⴷⵓⴽⴽⴻⵍ ⵏ ⵉⵎⴻⵍⵀⴰⴼ,
ⵢⴰⵔⵔⴰ ⴱⴰⴱⴰⵙ ⴰⴷ ⵉⵙⴻⴹⵃⴰ. ◘28:7 ⴰⵡⵍⵏ. 29:3
8 ⵡⴻⵏⵏⵉ ⵉⵙⵙⴻⵎⵖⴰⵔⴰⵏ ⴰⴳⵍⴰ ⵏⵏⴻⵙ
ⵙ ⴰⵔⵔⵉⴱⴰ ⴷ ⵡⴰⵔⴱⴻⵃ,
ⵉⵙⵙⵎⵓⵏⴰ ⴰⵢⴰ ⵉ ⵡⴻⵏⵏⵉ ⵉⵜⵜⵃⵉⵏⵏⴰⵏ
ⵅ ⵉⵎⴻⵣⵍⴰⴹ. ◘28:8 ⵍⴰⵡⵉ 25:35-37
9 ⵡⴻⵏⵏⵉ ⵉⵙⵙⵃⴻⵢⵢⴰⴷⴻⵏ ⴰⵎⴻⵣⵣⵓⵖ ⵏⵏⴻⵙ
ⵣⴻⴳ ⵓⵙⴻⴵⵉ ⵏ ⵛⵛⴰⵔⵉⵄⴰ,
ⵄⴰⴷ ⵜⴰⵥⴰⴵⵉⵜ ⵏⵏⴻⵙ ⴷ ⵏⵏⵄⵉ.
10 ⵡⴻⵏⵏⵉ ⵉⵜⵜⴰⵔⵔⴰⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ
ⴰⴷ ⵡⴻⴷⴷⴰⵔⴻⵏ ⵅ ⵉⵊⵊ ⵏ ⵡⴻⴱⵔⵉⴷ ⴰⵄⴻⴼⴼⴰⵏ,
ⵏⴻⵜⵜⴰ ⵙⵉⵎⴰⵏⵜ ⵏⵏⴻⵙ
ⴰⴷ ⵉⵡⴹⴰ ⴷⵉ ⵜⴻⵙⵔⴰⴼⵜ ⵏⵏⴻⵙ,
ⵎⴰⵛⴰ ⵉⵏⵏⵉ ⵉ ⴷⵉ ⵜⴻⴵⴰ ⵍⴻⴽⵎⴰⵔⴻⵜ
ⴰⴷ ⵡⴰⵔⵜⴻⵏ ⵎⵉⵏ ⵉⵚⴻⴱⵃⴻⵏ. ◘28:10 ⴰⵡⵍⵏ. 26:27
11 ⴱⵓ-ⵡⴰⴳⵍⴰ ⵉⵜⵜⴻⴳⴳ ⵉⵅⴻⴼ ⵏⵏⴻⵙ ⴷ ⴰⵎⵉⵖⵉⵙ
ⴷⵉ ⵜⵉⵟⵟⴰⵡⵉⵏ ⵏⵏⴻⵙ,
ⵎⴰⵛⴰ ⵉⵊⵊ ⵏ ⵓⵎⴻⵣⵍⵓⴹ
ⵏⵏⵉ ⴷⵉ ⵜⴻⴵⴰ ⵍⴻⴼⵀⴰⵎⴻⵜ,
ⵢⴰⵔⴳⴻⴱ ⵅⴰⵙ.
12 ⵎⴰⵍⴰ ⴰⴷ ⵙⵍⵉⵡⵍⵉⵡⴻⵏ ⵉⵎⵙⴻⴳⴳⴰⴷⴻⵏ
ⵙ ⵍⴻⴼⵔⴰⵃⴻⵜ,
ⴰⵇⴰ ⴷⵉⵏ ⴰⵄⵓⴵⵉ ⴰⵎⴻⵇⵇⵔⴰⵏ,
ⵎⴰⵛⴰ ⵎⴰⵍⴰ ⴽⴽⴰⵔⴻⵏ-ⴷⴷ ⵉⵄⴻⴼⴼⴰⵏⴻⵏ,
ⴰⴷ ⵉⵙⵙⵏⵓⴼⴼⴰⵔ ⴱⵏⴰⴷⴻⵎ ⵉⵅⴻⴼ ⵏⵏⴻⵙ. ◘28:12 ⴰⵡⵍⵏ. 11:10, 11
13 ⵡⴻⵏⵏⵉ ⵉⴷⴷⴰⵍⴻⵏ ⵉⵅⴻⵟⵟⴰⵏ ⵏⵏⴻⵙ,
ⵡⴰⵔ ⵉⵜⵜⴻⴼⵍⵉⵃ,
ⵎⴰⵛⴰ ⵡⴻⵏⵏⵉ ⵣⵣⴰⵢⵙⴻⵏ ⵉⵏⴻⵄⵄⵎⴻⵏ
ⵓ ⵉⵜⵜⵃⴻⵢⵢⴰⴷ ⵅⴰⵙⴻⵏ, ⴰⴷ ⵢⴰⴼ ⴰⵔⵔⴻⵃⵎⴻⵜ. ◘28:13 ⵉⵥⵀⴷ. 32:3, 5; 1 ⵢⵃ. 1:9, 10
14 ⵙⵙⴻⵄⴷ ⵏ ⴱⵏⴰⴷⴻⵎ
ⵏⵏⵉ ⵉⵜⵜⵡⴻⵇⵇⴰⵔⴻⵏ ⴱⵍⴰ ⴰⴱⴻⴷⴷⵉ,
ⵎⴰⵛⴰ ⵡⴻⵏⵏⵉ ⵉⵙⵙⴻⵇⵙⴰⵃⴻⵏ ⵓⵍ ⵏⵏⴻⵙ,
ⴰⴷ ⵉⵡⴹⴰ ⴷⵉ ⵍⵖⴰⵔ.
15 ⴰⵎ ⵉⵊⵊ ⵏ ⵡⴻⵢⵔⴰⴷ ⵉⵜⵜⴰⵔⵔⵓⵊⴷⵓⴷⴻⵏ,
ⴰⵎ ⵉⵊⵊ ⵏ ⴷⴷⵓⴱ ⵉⵜⵜⵍⴰⵥⴰⵏ
ⵉⵜⵜⴰⵣⵣⵍⴻⵏ ⵣⵉ ⵙⵙⴰ ⵖⴰⵔ ⴷⵉⵀⴰ,
ⴰⵎⵎⵓ ⵉ ⵉⴵⴰ ⵉⵊⵊ ⵏ ⵍⵃⴰⴽⴻⵎ ⴰⵄⴻⴼⴼⴰⵏ
ⵅ ⵉⵊⵊ ⵏ ⵍⴳⴻⵏⵙ ⴰⵎⴻⵣⵍⵓⴹ.
16 ⵍⵃⴰⴽⴻⵎ ⵏⵏⵉ ⴱⵍⴰ ⵍⴻⴼⵀⴰⵎⴻⵜ,
ⴰⵇⴰ-ⵜ ⴷ ⵍⵃⴰⴽⴻⵎ ⵅ ⵡⴰⵟⵟⴰⵙ ⵏ ⵡⴻⵔⴱⴰⵃ
ⵙ ⵓⴱⴻⵄⵄⴻⵊ,
ⵎⴰⵛⴰ ⵡⴻⵏⵏⵉ ⵉⵛⴰⵔⵔⵀⴻⵏ ⴰⵔⴱⴻⵃ,
ⴰⴷ ⵉⵣⵣⵓⴳⴳⴰⵔⵜ ⵓⵙⵙⴰⵏ ⵏⵏⴻⵙ.
17 ⵉⵊⵊ ⵏ ⴱⵏⴰⴷⴻⵎ ⵉⵜⵜⵡⴰⵃⵚⴰⵔⴻⵏ
ⵓⵎⵉ ⵉⵙⵙⵉⵣⵣⴻⵍ ⵉⴷⴰⵎⵎⴻⵏ ⵏ ⵛⴰ ⵏ ⵢⵉⵊⵊⴻⵏ,
ⴰⴷ ⵢⴰⵔⵡⴻⵍ ⵖⴰⵔ ⵡⴻⵃⴼⵓⵔ ⵏ ⵡⴻⵏⴹⴻⵍ
ⵏ ⵢⵉⵅⴻⴼ ⵏⵏⴻⵙ.
ⵡⴰⵔ ⵜⵜⴻⵊⵊⵉ ⵃⴻⴷ ⴰⴷ ⵜ ⵉⵙⵙⴱⴻⴷⴷ!
18 ⵡⴻⵏⵏⵉ ⵉⴳⴳⵓⵔⴻⵏ ⴰⴱⵔⵉⴷ ⵏⵏⴻⵙ ⴷⵉ ⵍⴻⵚⴼⴰⵢⴻⵜ,
ⴰⴷ ⵉⵏⵊⴻⵎ,
ⵎⴰⵛⴰ ⵡⴻⵏⵏⵉ ⵉⴳⴳⵓⵔⴻⵏ
ⵉⴼⴰⵔⵖ ⴷⵉ ⵜⵏⴰⵢⴻⵏ ⵏ ⵉⴱⵔⵉⴷⴻⵏ,
ⵡⴰⵔ ⵉⵜⵜⵄⴻⵟⵟⴰⵔ ⴰⴷ ⵉⵡⴹⴰ.
19 ⵡⴻⵏⵏⵉ ⵉⵛⴰⵔⵔⵣⴻⵏ ⵜⴰⵎⵎⵓⵔⵜ ⵏⵏⴻⵙ,
ⴰⴷ ⵉⵊⵊⴰⵡⴻⵏ ⵙ ⵡⴻⵖⵔⵓⵎ,
ⵎⴰⵛⴰ ⵡⴻⵏⵏⵉ ⵉⴹⴻⴼⴼⴰⵔⴻⵏ ⴰⵔⵢⴰⵣ ⵉⵅⵡⴰⵏ,
ⴰⴷ ⵉⵊⵊⴰⵡⴻⵏ ⵣⵣⴻⵍⴹ.
20 ⴰⵔⵢⴰⵣ ⵉ ⴷⵉ ⵉⴵⴰ ⵍⴰⵎⴰⵏ ⴰⵟⵟⴰⵙ
ⴰⴷ ⵉⴽⵙⵉ ⴰⵟⵟⴰⵙ ⵏ ⵍⴱⴰⵔⴰⴽⴰⵜ,
ⵎⴰⵛⴰ ⵡⴻⵏⵏⵉ ⵉⵜⵜⵇⴻⴵⵉⵇⴻⵏ ⵃⵉⵎⴰ ⴰⴷ ⵉⴳⴳ ⴰⴳⵍⴰ,
ⵡⴰⵔ ⵉⵜⵜⵡⵉⵃⵙⵉⴱ ⴷ ⴰⵎⴻⵣⴷⴰⴳ. ◘28:20 ⴰⵡⵍⵏ. 13:11; 20:21; 23:4
21 ⴰⵙⴼⴰⵔⵣ ⵏ ⵡⵓⴷⵎⴰⵡⴻⵏ ⵡⴰⵔ ⵉⵛⵏⵉ ⵛⴰ,
ⵎⴰⵖⴰⵔ ⵉ ⵢⵉⵊⵊ ⵏ ⵓⵍⴻⵇⵇⵓⵣ ⵏ ⵡⴻⵖⵔⵓⵎ
ⵉⵣⴻⵎⵎⴰⵔ ⵛⴰ ⵏ ⵡⴻⵔⵢⴰⵣ ⴰⴷ ⵉⵅⴹⴰ. ◘28:21 ⴰⵡⵍⵏ. 18:5; 24:23
22 ⴰⵔⵢⴰⵣ ⵙ ⵜⵉⵟⵟ ⵜⴰⵄⴻⴼⴼⴰⵏⵜ
ⵉⵜⵜⵇⴻⴵⵉⵇ ⵖⴰⵔ ⵡⴰⴳⵍⴰ,
ⵎⴰⵛⴰ ⵏⴻⵜⵜⴰ ⵡⴰⵔ ⵉⵙⵙⵉⵏ
ⴰⵇⴰ ⵍⴻⵅⵙⴻⵙ ⴰⴷ ⵖⴰⵔⴻⵙ ⴷⴷ-ⵢⴰⵙ.
23 ⵡⴻⵏⵏⵉ ⵉⵜⵜⵄⴰⵇⴰⴱⴻⵏ ⵉⵊⵊ ⵏ ⴱⵏⴰⴷⴻⵎ,
ⴰⵇⴰ ⵖⴰⵔ ⵓⵏⴻⴳⴳⴰⵔ ⴰⴷ ⵢⴰⴼ ⴰⵔⴹⴰ ⴽⵜⴰⵔ
ⵅ ⵡⴻⵏⵏⵉ ⵉⵙⵙⵛⴰⵏⴰⵏ ⵜⴰⵥⵢⵓⴹⵉ ⵙ ⵢⵉⵍⴻⵙ ⵏⵏⴻⵙ.
24 ⵡⴻⵏⵏⵉ ⵉⵜⵜⴽⴻⵛⵛⴰⴹⴻⵏ ⴱⴰⴱⴰⵙ ⵏⵉⵖ ⵢⴻⵎⵎⴰⵙ
ⵓⵛⴰ ⵉⵇⵇⴰⵔ: “ⵡⴰⵔ ⵉⴵⵉ ⴷ ⴷⴷⴻⵏⴱ!”,
ⴰⵇⴰ-ⵜ ⴷ ⴰⵛⵔⵉⵛ ⵏ ⵉⵊⵊ ⵏ ⴱⵓ-ⵍⴰⵅⴰⵔⵜ.
25 ⵡⴻⵏⵏⵉ ⴷⵉ ⵉⴵⴰ ⵏⵏⴼⴰⵅⴻⵜ,
ⵉⵙⵙⴻⴽⴽⴰⵔⴰ-ⴷⴷ ⴰⵎⵛⵓⴱⴱⴻⵛ,
ⵎⴰⵛⴰ ⵡⴻⵏⵏⵉ ⵉⵜⵜⵛⴰⵍⴰⵏ ⵅ ⵙⵉⴷⵉ,
ⴰⴷ ⵉⴷⵡⴻⵍ ⵍⴰⴱⴰⵙ ⵅⴰⵙ. ◘28:25 ⴰⵡⵍⵏ. 13:10; 15:18; 29:22
26 ⵡⴻⵏⵏⵉ ⵉⵜⵜⵛⴰⵍⴰⵏ ⵅ ⵡⵓⵍ ⵏⵏⴻⵙ,
ⴰⵇⴰ ⴷ ⴰⴱⵓⵀⴰⵍⵉ,
ⵎⴰⵛⴰ ⵡⴻⵏⵏⵉ ⵉⴳⴳⵓⵔⴻⵏ
ⴰⴱⵔⵉⴷ ⵏⵏⴻⵙ ⴷⵉ ⵜⵉⵖⵉⵜ,
ⴰⴷ ⵉⵏⵊⴻⵎ.
27 ⵡⴻⵏⵏⵉ ⵉⵜⵜⵉⵛⴻⵏ ⵉ ⵉⵎⴻⵣⵍⴰⴹ,
ⵡⴰⵔ ⴷⴰⵢⴻⵙ ⵉⵜⵜⵉⵍⵉ ⴱⵓ ⵍⴻⵖⴱⴻⵏ,
ⵎⴰⵛⴰ ⵡⴻⵏⵏⵉ ⵉⵜⵜⴻⵇⵇⵏⴻⵏ ⵜⵉⵟⵟⴰⵡⵉⵏ ⵏⵏⴻⵙ,
ⴰⴷ ⵉⵜⵜⵡⴰⵏⵄⴻⵍ ⴰⵟⵟⴰⵙ. ◘28:27 ⴰⵄⵡⴷ. 15:7, 8, 10; ⴰⵡⵍⵏ. 19:17; 22:9
28 ⵎⴰⵍⴰ ⴽⴽⴰⵔⴻⵏ-ⴷⴷ ⵉⵄⴻⴼⴼⴰⵏⴻⵏ,
ⵅⴻⵏⵏⵉ ⵉⵜⵜⵏⵓⴼⴼⴰⵔ ⴱⵏⴰⴷⴻⵎ,
ⵎⴰⵛⴰ ⵎⴰⵍⴰ ⵜⵜⵡⴰⵀⴻⵍⵍⴽⴻⵏ ⵏⵉⵜⵏⵉ,
ⴰⴷ ⵎⵎⴰⵔⴻⵏⵢⴻⵏ ⵉⵎⵙⴻⴳⴳⴰⴷⴻⵏ.◘28:28 ⴰⵡⵍⵏ. 28:12
◘28:1 28:1 ⵍⴰⵡⵉ 26:36; ⴰⵄⵡⴷ. 28:28; ⵉⵛⴰ. 57:21
◘28:6 28:6 ⴰⵡⵍⵏ. 19:1
◘28:7 28:7 ⴰⵡⵍⵏ. 29:3
◘28:8 28:8 ⵍⴰⵡⵉ 25:35-37
◘28:10 28:10 ⴰⵡⵍⵏ. 26:27
◘28:12 28:12 ⴰⵡⵍⵏ. 11:10, 11
◘28:13 28:13 ⵉⵥⵀⴷ. 32:3, 5; 1 ⵢⵃ. 1:9, 10
◘28:20 28:20 ⴰⵡⵍⵏ. 13:11; 20:21; 23:4
◘28:21 28:21 ⴰⵡⵍⵏ. 18:5; 24:23
◘28:25 28:25 ⴰⵡⵍⵏ. 13:10; 15:18; 29:22
◘28:27 28:27 ⴰⵄⵡⴷ. 15:7, 8, 10; ⴰⵡⵍⵏ. 19:17; 22:9
◘28:28 28:28 ⴰⵡⵍⵏ. 28:12