23
1 ⵎⴰⵍⴰ ⵜⴻⵇⵇⵉⵎⴻⴷ
ⵖⴰⵔ ⵉⵊⵊ ⵏ ⵍⵃⴰⴽⴻⵎ,
ⵎⴰⵃⴻⵏⴷ ⴰⴷ ⵜⴻⵛⵛⴻⴷ ⴰⴽⵉⴷⴻⵙ,
ⵃⴹⴰ ⵎⵍⵉⵃ ⵎⵉⵏ ⵉⴵⴰⵏ ⵣⵣⴰⵜⴻⴽ.
2 ⴻⴳⴳ ⵉⵊⵊ ⵏ ⵍⵎⵓⵙ ⵅ ⵢⵉⵍⵉ ⵏⵏⴻⵛ,
ⵎⴰⵍⴰ ⵛⴻⴽ ⴷ ⵉⵊⵊ ⵏ ⴱⵓ-ⵍⴻⵎⵖⴰⵔⴻⵜ ⵏ ⵓⵄⴻⴷⴷⵉⵙ.
3 ⵡⴰⵔ ⵜⵜⴻⴳⴳ ⵎⴻⵥⵔⵉ ⴷⵉ ⵎⴰⵛⵛⴰ ⵏⵏⴻⵙ ⵉⵛⵏⴰⵏ,
ⵎⴰⵖⴰⵔ ⴰⵇⴰ-ⵜ ⴷ ⵎⴰⵛⵛⴰ ⵏ ⵜⵓⵅⵅⵓⵏⴰ.
4 ⵡⴰⵔ ⵙⵙⵉⵃⵉⵍ ⵉⵅⴻⴼ ⵏⵏⴻⵛ
ⵃⵉⵎⴰ ⴰⴷ ⵜⴷⴻⵡⵍⴻⴷ ⴷ ⴱⵓ-ⵡⴰⴳⵍⴰ,
ⵙⴰⵔⵅⵓ ⴷⴻⴳ ⵏⵏⴻⵢⵢⴻⵜ ⵏⵏⴻⵛ.
5 ⵎⴰⵍⴰ ⵟⵟⴰⵡⴻⵏⵜ ⵜⵉⵟⵟⴰⵡⵉⵏ ⵖⴰⵔⴻⵙ,
ⴰⵇⴰ ⵡⴰⵔ ⴷⵉⵏ ⴰⴳⵍⴰ ⵄⴰⴷ!
ⵎⴰⵖⴰⵔ ⴰⴷ ⵉⴳⴳ ⴰⴼⵔⵉⵡⴻⵏ ⵉ ⵢⵉⵅⴻⴼ ⵏⵏⴻⵙ,
ⴰⴷ ⵉⴹⵡⴰ ⵖⴰⵔ ⵓⵊⴻⵏⵏⴰ ⴰⵎ ⵢⵉⵊⵊ ⵏ ⵓⴳⵉⴷⴻⵔ.
6 ⵡⴰⵔ ⵜⵜᵉⵜⵜ ⴰⵖⵔⵓⵎ
ⵏ ⵡⴻⵏⵏⵉ ⴷⵉ ⵜⴻⴵⴰ ⵜⵉⵟⵟ ⵜⴰⵄⴻⴼⴼⴰⵏⵜ,
ⵡⴰⵔ ⵎⴻⵥⵔⵉ ⴷⵉ ⵎⴰⵛⵛⴰ ⵏⵏⴻⵙ ⵉⵛⵏⴰⵏ.
7 ⵎⴰⵖⴰⵔ ⴰⵎ ⵎⴰⵎⵎⴻⵛ ⵜ ⵉⵜⵜⵅⴰⵔⵔⴰⵚ,
ⴰⵎⵎⵓ ⵉ ⵜ ⵉⵜⵜⴻⴳⴳ ⵏⴻⵜⵜⴰ.
ⵉⵇⵇⴰⵔ: “ⴻⵛⵛ, ⵜⴻⵙⵡⴻⴷ!”,
ⵎⴰⵛⴰ ⵓⵍ ⵏⵏⴻⵙ ⵡⴰⵔ ⴰⴽⵉⴷⴻⴽ ⵉⴵⵉ.
8 ⴰⵣⴻⵄⵄⵉⴼ ⵉ ⵜⴻⵛⵛⵉⴷ, ⴰⴷ ⵜ-ⵉ-ⴷⴷ-ⵜⵄⵓⵇⵇⴻⴷ,
ⴰⵡⴰⵍⴻⵏ ⵉⵚⴻⴱⵃⴻⵏ ⵏⵏⴻⵛ ⵜⴹⴻⵢⵢⵄⴻⴷ ⵜⴻⵏ.
9 ⵡⴰⵔ ⵙⵉⵡⴻⵍ ⴷⴻⴳ ⵓⵎⴻⵣⵣⵓⵖ ⵏ ⵉⵊⵊ ⵏ ⵓⴱⵓⵀⴰⵍⵉ,
ⵎⴰⵖⴰⵔ ⵏⴻⵜⵜⴰ ⴰⴷ ⵉⵙⵙⴻⵃⵇⴰⵔ
ⴰⵡⴰⵍⴻⵏ ⵏ ⵡⴻⴼⵜⴰⵏ ⵏⵏⴻⵛ. ◘23:9 ⴰⵡⵍⵏ. 9:8; ⵎⵜ. 7:6
10 ⵡⴰⵔ ⵙⵎⵓⵟⵟⵓⵢ ⴰⵢⵎⵉⵔ ⵏ ⵡⴻⵛⵃⴰⵍ ⵓⵢⴰ,
ⵡⴰⵔ ⵜⵜⴰⴷⴻⴼ ⴷⴻⴳ ⵉⵢⵢⴰⵔⴻⵏ ⵏ ⵉⵢⵓⵊⵉⵍⴻⵏ, ◘23:10 ⴰⵡⵍⵏ. 22:28
11 ⵎⴰⵖⴰⵔ ⴰⵎⴻⴼⴷⵉ ⵏⵙⴻⵏ ⴷ ⴰⵎⴻⵇⵇⵔⴰⵏ,
ⵏⴻⵜⵜⴰ ⴰⴷ ⴷⴷ-ⵢⴰⵖ ⵜⴰⵙⵖⴰⵔⵜ ⵏⵙⴻⵏ ⵣⵣⴰⵢⴻⴽ.
12 ⴰⵔⵔ ⵓⵍ ⵏⵏⴻⵛ ⵖⴰⵔ ⵓⵡⴻⴱⴱⴻⵅ,
ⵉⵎⴻⵣⵣⵓⵖⴻⵏ ⵏⵏⴻⵛ ⵖⴰⵔ ⵡⴰⵡⴰⵍⴻⵏ ⵏ ⵜⵓⵙⵙⵏⴰ.
13 ⵡⴰⵔ ⵜⵜᵉⵟⵟⴻⴼ ⵜⵜⴰⵔⴱⵉⵢⵢⴻⵜ ⵅ ⵓⵃⵓⴷⵔⵉ,
ⵡⴰⵅⵅⴰ ⵜⴻⵛⵛⴰⵜⴻⴷ ⵜ ⵙ ⵡⴻⵄⵎⵓⴷ,
ⵡⴰⵔ ⵉⵜⵜⵎⴻⵜⵜⵉ. ◘23:13 ⴰⵡⵍⵏ. 13:24; 19:18; 22:15; 29:15, 17
14 ⵛⴻⴽ ⴰⴷ ⵜ ⵜⴻⵡⵜⴻⴷ ⵙ ⵡⴻⵄⵎⵓⴷ,
ⵓ ⴰⴷ ⵜⴻⵙⵙⵏⴻⵊⵎⴻⴷ ⵍⴻⵄⵎⴰⵔ ⵏⵏⴻⵙ ⵣⵉ ⵍⴰⵅⴰⵔⵜ.
15 ⵎⵎⵉ ⵉⵏⵓ, ⵎⴰⵍⴰ ⵓⵍ ⵏⵏⴻⵛ ⴷ ⴰⵎⵉⵖⵉⵙ,
ⴰⴷ ⵉⴼⴰⵔⵃ ⵓⵍⴰ ⴷ ⵓⵍ ⵉⵏⵓ ⴰⴽⵉⴷⴻⵙ.
16 ⵜⵉⵥⵥⴰⵍ ⵉⵏⵓ ⴰⴷ ⵏⴻⴳⵣⴻⵏⵜ ⵙ ⵍⴻⴼⵔⴰⵃⴻⵜ,
ⵎⴰⵍⴰ ⵉⵢⴻⵏⵛⵉⵛⴻⵏ ⵏⵏⴻⵛ
ⵙⵙⵉⵡⵍⴻⵏ ⵎⵉⵏ ⵉⴵⴰⵏ ⵉⵙⴻⴳⴳⴷⴻⵏ. ◼23:16 ⵜⵉⵥⵥⴰⵍ-ⵏⵉⵖ ‘ⵜⵉⴳⴻⵥⵍⵉⵏ’.
17 ⴻⵊⵊ ⵓⵍ ⵏⵏⴻⵛ ⵡⴰⵔ ⵉⵜⵜⵉⵙⵉⵎ ⵣⴻⴳ ⵉⵎⴻⴷⵏⴰⴱ,
ⵎⴰⵛⴰ ⴻⵊⵊ ⵉ-ⵜ ⴰⴷ ⵢⴰⵔⵔ ⴰⵣⴻⴵⵉⴼ
ⵖⴰⵔ ⵜⵉⴳⴳⵯⵓⴷⵉ ⵏ ⵙⵉⴷⵉ ⴰⵙⵙ ⵉⵎⵓⵏ! ◘23:17 ⵉⵥⵀⴷ. 37:1; 73:3; ⴰⵡⵍⵏ. 24:1
18 ⵎⴰⵖⴰⵔ ⵅⴻⵏⵏⵉ ⴰⵇⴰ ⴷⵉⵏ ⵜⵉⵡⴻⵛⵛⴰ,
ⵓ ⵍⴰⵢⴰⵙ ⵏⵏⴻⵛ ⵡⴰⵔ ⵉⵜⵜⴰⵔⴻⵥⵥⵉ. ◘23:18 ⴰⵡⵍⵏ. 24:14
19 ⵙⴻⵍ-ⴷⴷ ⵛⴻⴽ, ⴰ ⵎⵎⵉ, ⵉⵍⵉ ⴷ ⴰⵎⵉⵖⵉⵙ,
ⵏⴷⴻⵀ ⵓⵍ ⵏⵏⴻⵛ ⵖⴰⵔ ⵡⴻⴱⵔⵉⴷ.
20 ⵡⴰⵔ ⵜⵜⵖⵉⵎⵉ ⵖⴰⵔ ⵉⵙⴽⴰⵔⵊⵉⵢⵢⴻⵏ,
ⵓⵍⴰ ⵖⴰⵔ ⵉⵏⵏⵉ ⵉⵍⴻⵀⵀⴼⴻⵏ ⴷⴻⴳ ⵡⴻⵢⵙⵓⵎ, ◘23:20 ⵉⵛⴰ. 5:22; ⵍⴽ. 21:34; ⵔⵓⵎ. 13:13; ⴰⴼⴰ. 5:18
21 ⵎⴰⵖⴰⵔ ⴰⵙⴽⴰⵔⵊⵉⵢ ⴷ ⴰⵎⴻⵍⵀⵓⴼ
ⴰⴷ ⴷⴻⵡⵍⴻⵏ ⴷ ⵉⵎⴻⵣⵍⴰⴹ,
ⵓ ⴰⵏⵓⴷⴻⵎ ⵉⵙⵙⵢⵉⵔⵉⴹ ⴷⴻⴳ ⵉⵃⵍⵓⵛⴻⵏ.
22 ⵙⴻⵍ-ⴷⴷ ⵛⴻⴽ ⵖⴰⵔ ⴱⴰⴱⴰⵛ
ⵡⴻⵏⵏⵉ ⵛⴻⴽ ⵉ ⴷⴷ-ⵉⵊⵊⵉⵏ,
ⵓ ⵡⴰⵔ ⵙⵙⴻⵃⵇⵉⵔⵉ ⵢⴻⵎⵎⴰⵛ ⵎⴰⵍⴰ ⵜⴻⵡⵙⴰⵔ. ◘23:22 ⴰⵡⵍⵏ. 1:8
23 ⵙⴻⵖ-ⴷⴷ ⵜⵉⴷⴻⵜⵜ, ⵡⴰⵔ ⵜⵜ ⵜⴻⵣⵏⵓⵣⴰ ⵛⴰ,
ⴰⵎⵎⵓ ⵓⵍⴰ ⴷ ⵜⵉⵖⵉⵜ ⴷ ⵓⵡⴻⴱⴱⴻⵅ ⴷ ⵍⴻⴼⵀⴰⵎⴻⵜ. ◘23:23 ⴰⵡⵍⵏ. 4:7
24 ⴱⴰⴱⴰⵙ ⵏ ⵓⵎⵙⴻⴳⴳⴻⴷ ⴰⴷ ⵉⴼⴰⵔⵃ ⵙ ⵡⴰⵟⵟⴰⵙ,
ⵡⴻⵏⵏⵉ ⴷⴷ-ⵉⵊⵊⵉⵏ ⵉⵊⵊ ⵎⵎⵉⵙ ⴷ ⴰⵎⵉⵖⵉⵙ,
ⴰⴷ ⴰⵙ ⵉⴼⴰⵔⵃ. ◘23:24 ⴰⵡⵍⵏ. 10:1; 15:20
25 ⴻⵊⵊ ⴰⴷ ⵉⴼⴰⵔⵃ ⴱⴰⴱⴰⵛ ⵓⵍⴰ ⴷ ⵢⴻⵎⵎⴰⵛ,
ⴻⵊⵊ ⵜⴻⵏⵏⵉ ⵛⴻⴽ ⵉ ⴷⴷ-ⵢⵓⵔⵡⴻⵏ ⴰⴷ ⵜⴼⴰⵔⵃ.
26 ⴻⵡⵛ ⴰⵢⵉ ⵓⵍ ⵏⵏⴻⵛ, ⴰ ⵎⵎⵉ,
ⴻⵊⵊ ⵜⵉⵟⵟⴰⵡⵉⵏ ⵏⵏⴻⵛ ⴰⴷ ⴰⴼⴻⵏⵜ
ⴰⵔⴹⴰ ⴷⴻⴳ ⵉⴱⵔⵉⴷⴻⵏ ⵉⵏⵓ.
27 ⵎⴰⵖⴰⵔ ⵜⴰⵎⵖⴰⵔⵜ ⴼⴰⵔⵇ-ⵛⵛⵖⴻⵍ
ⴷ ⵉⵛⵜ ⵏ ⵜⴻⵙⵔⴰⴼⵜ ⵢⵓⴵⵖⴻⵏ,
ⵓ ⵜⴰⵎⵖⴰⵔⵜ ⵣⵉ ⴱⴰⵔⵔⴰ ⴷ ⵉⵊⵊ ⵏ ⵍⵄⵓⵏⵚⴰⵔ ⵉⵃⵙⴰⵔ. ◘23:27 ⴰⵡⵍⵏ. 22:14
28 ⵡⴰⵀ, ⵏⴻⵜⵜⴰⵜ ⵜᵉⵜⵜⵃⴰⵎⴰ
ⴰⵎ ⵢⵉⵊⵊ ⵏ ⵓⵅⴻⵡⵡⴰⵏ,
ⵏⴻⵜⵜⴰⵜ ⵜⴰⵔⴻⵏⵏⵉ
ⴷⴻⴳ ⵉⵖⴻⴷⴷⴰⵔⴻⵏ ⵊⴰⵔ ⵉⵡⴷⴰⵏ.
29 ⵡⵉ ⵉ ⵖⴰⵔ ⵉⴵⴰ ⵡⴻⵛⴹⴰⵏ?
ⵡⵉ ⵉ ⵖⴰⵔ ⵉⴵⴰ ⵣⵣⴻⵍⴹ?
ⵡⵉ ⵉ ⵖⴰⵔ ⵉⴵⴰ ⵓⵎⵛⵓⴱⴱⴻⵛ?
ⵡⵉ ⵉ ⵖⴰⵔ ⵉⴵⴰ ⵓⵛⴻⵜⵛⵉ?
ⵡⵉ ⵉ ⵖⴰⵔ ⵉⴵⴰⵏ ⵉⵢⴻⵣⵣⵉⵎⴻⵏ ⴱⵍⴰ ⵙⵙⵉⴱⴱⴻⵜ?
ⵡⵉ ⵉ ⵖⴰⵔ ⴵⴰⵏⵜ ⵜⵉⵟⵟⴰⵡⵉⵏ ⴱⴱⴰⵔⴻⵡⵢⴻⵏⵜ?
30 ⵖⴰⵔ ⵉⵏⵏⵉ ⵉⵜⵜⵖⵉⵎⴰⵏ ⵖⴰⵔ ⴱⵉⵏⵓ ⴰⵍ ⵜⴰⵎⴻⴷⴷⵉⵜ,
ⵖⴰⵔ ⵢⵉⵏⵏⵉ ⴷⴷ-ⵢⵓⵙⵉⵏ
ⵃⵉⵎⴰ ⴰⴷ ⵇⵇⴰⵙⴻⵏ ⴱⵉⵏⵓ ⵉⵅⴻⴵⴹⴻⵏ. ◘23:30 ⵉⵛⴰ. 5:11, 22
31 ⵡⴰⵔ ⵅⴻⵣⵣⴰⵔ ⵖⴰⵔ ⴱⵉⵏⵓ, ⵅⵎⵉ ⵉⵜⵜⴻⵣⵡⵉⵖ,
ⵉⵜⵜⵍⵉⵇⵍⵉⵇ ⴷⵉ ⵍⴽⴰⵙ ⵓ ⵏⴻⵜⵜⴰ ⵉⵀⵡⴻⵏ ⵉ ⵜⵉⵙⵙⵉⵜ.
32 ⵖⴰⵔ ⵓⵏⴻⴳⴳⴰⵔ ⵉⵜⵜⵖⵉⵎⴰ ⵉⵣⴻⵄⵄⴻⴼ
ⴰⵎ ⵢⵉⵊⵊ ⵏ ⵓⴼⵉⵖⴰⵔ,
ⵉⵜⵜⵔⵓⵛⵛⴰ ⵙⵙⴻⵎ ⴰⵎ ⵜⵍⴻⴼⵙⴰ.
33 ⵜⵉⵟⵟⴰⵡⵉⵏ ⵏⵏⴻⵛ ⴰⴷ ⵜⵡⴰⵍⴰⵏⵜ
ⵜⵉⵎⵖⴰⵔⵉⵏ ⵜⵉⴱⴰⵔⵔⴰⵏⵉⵢⵢⵉⵏ,
ⵓ ⵓⵍ ⵏⵏⴻⵛ ⴰⴷ ⵉⵙⵙⵉⵡⴻⵍ ⵙ ⵓⵅⴰⵔⵡⴻⴹ.
34 ⵛⴻⴽ ⴰⴷ ⵜⵉⵍⵉⴷ ⴰⵎ ⵢⵉⵊⵊⴻⵏ
ⵉ ⵉⵜⵜⴻⵟⵟⵚⴻⵏ ⴷⵉ ⵍⵡⴻⵙⵟ ⵏ ⵍⴻⴱⵃⴰⵔ,
ⴰⵎ ⵉⵊⵊⴻⵏ ⵉ ⵉⵜⵜⴻⵟⵟⵚⴻⵏ
ⴷⵉ ⵜⵇⵉⵛⵛⴰⵜ ⵏ ⵜⴻⵃⵏⴰⵛⵜ ⵏ ⵓⵖⴰⵔⵔⴰⴱⵓ
35 ⴰⴷ ⵜⵉⵏⵉⴷ: “ⵡⵜⵉⵏ ⴰⵢⵉ, ⵎⴰⵛⴰ ⵡⴰⵔ ⵢⴻⵣⵎⴻⵖ,
ⴷⴻⵅⵎⴻⵏ ⴰⵢⵉ, ⵎⴰⵛⴰ ⵡⴰⵔ ⵓⵛⵉⵖ ⴰⴽ-ⴷ ⵡⴰⵍⵓ.
ⵎⴻⵍⵎⵉ ⵉ ⴷⴷ ⵖⴰ ⴼⴰⵇⴻⵖ?
ⵏⴻⵛⵛ ⴰⴷ ⴰⵔⵣⵓⵖ ⵄⴰⵡⴻⴷ ⵖⴰⵔ ⴱⵉⵏⵓ!”
◘23:10 23:10 ⴰⵡⵍⵏ. 22:28
◘23:13 23:13 ⴰⵡⵍⵏ. 13:24; 19:18; 22:15; 29:15, 17
◼23:16 23:16 ⵜⵉⵥⵥⴰⵍ-ⵏⵉⵖ ‘ⵜⵉⴳⴻⵥⵍⵉⵏ’.
◘23:17 23:17 ⵉⵥⵀⴷ. 37:1; 73:3; ⴰⵡⵍⵏ. 24:1
◘23:18 23:18 ⴰⵡⵍⵏ. 24:14
◘23:20 23:20 ⵉⵛⴰ. 5:22; ⵍⴽ. 21:34; ⵔⵓⵎ. 13:13; ⴰⴼⴰ. 5:18
◘23:24 23:24 ⴰⵡⵍⵏ. 10:1; 15:20
◘23:27 23:27 ⴰⵡⵍⵏ. 22:14
◘23:30 23:30 ⵉⵛⴰ. 5:11, 22