26
ⵜⴰⵎⵡⴰⵔⵔⵉⵜ ⵏ ⴰⵢⵓⴱ ⵅ ⴱⵉⵍⴷⴰⴷ: ⵍⴻⵎⵖⴰⵔⴻⵜ ⵏ ⴰⵔⴻⴱⴱⵉ
1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴰⵢⵓⴱ, ⵉⵏⵏⴰ:
2 ⵎⴰⵎⵎⴻⵛ ⵜⴻⴳⴳⵉⴷ ⵜⴻⵡⵛⵉⴷ ⴰⴼⵓⵙ
ⵉ ⵡⴻⵏⵏⵉ ⵡⴰⵔ ⵖⴰⵔ ⵉⴵⵉ ⵊⵊⴻⵀⴷ,
ⵎⴰⵎⵎⴻⵛ ⵜⴱⴻⴷⴷⴻⴷ ⵖⴰⵔ ⵓⵖⵉⵍ
ⵏ ⵡⴻⵏⵏⵉ ⵡⴰⵔ ⵖⴰⵔ ⵜⴻⴵⵉ ⵜⵣⴻⵎⵎⴰⵔ!
3 ⵣⴻⵄⵎⴰ ⴰⵇⴰ ⵜⴻⵡⵛⵉⴷ ⴰⵡⴻⵚⵚⵉ ⵉⵙⴻⴱⵃⴻⵏ
ⵉ ⵡⴻⵏⵏⵉ ⵡⴰⵔ ⵖⴰⵔ ⵜⴻⴵⵉ ⵜⵉⵖⵉⵜ,
ⵎⴰⵎⵎⴻⵛ ⵉ ⵜⴻⵙⵙⴰⵔⴳⴱⴻⴷ ⴰⵟⵟⴰⵙ ⵏ ⵜⵡⴰⵍⴰⵡⵉⵏ
ⵎⵓⵎⵎⵓ ⵏ ⵜⵎⴻⵙⵍⴰⵛⵜ!
4 ⵉ ⵓⵎⵉ ⵜⵄⴰⵡⴷⴻⴷ ⵍⴻⵅⵅⵓ ⴰⵡⴰⵍⴻⵏ ⵏⵏⴻⵛ?
ⵎⴰⵏ ⵏⵏⴻⴼⵙ ⴷⴷ-ⵉⴼⴼⵖⴻⵏ ⵣⵣⴰⵢⴻⴽ?
5 ⵍⴻⵅⵢⴰⵍⴰⵜ ⵏ ⵉⵎⴻⵜⵜⴰⵏ ⴼⴻⵙⵙⵢⴻⵏ
ⵙⴰⴷⵓ ⵡⴰⵎⴰⵏ ⴷ ⵉⵎⴻⵣⴷⴰⵖ ⵏⵙⴻⵏ.
6 ⴷ ⴰⵄⴰⵔⵢⴰⵏ ⵜⴻⵣⵣⴻⵍ ⵣⵣⴰⵜⴻⵙ ⵍⴰⵅⴰⵔⵜ,
7 ⵉⴱⴻⵣⵣⴻⵄ ⴰⵊⴻⵏⵏⴰ ⴷⵉ ⵛⵛⴰⵎⴰⵍ
ⵜⵉⵡⴰ ⵍⵅⴰⵡⵉ ⵏ ⵡⵓⴷⴻⵎ ⵏ ⵡⴰⵎⴰⵏ,
ⵢⵓⵢⴻⵍ ⵜⴰⵎⵎⵓⵔⵜ ⵖⴰⵔ ⵡⴰⵍⵓ. ◘26:7 ⵉⵥⵀⴷ. 104:2
8 ⵏⴻⵜⵜⴰ ⵉⵜⵜⵛⴻⴷⴷⴰ ⴰⵎⴰⵏ ⴷⴻⴳ ⵉⵙⴻⵢⵏⵓⵜⴻⵏ ⵏⵏⴻⵙ,
ⵎⴰⵛⴰ ⵡⴰⵔ ⵉⵜⵜⴰⵔⴻⵥⵥⵉ ⴰⵙⴻⵢⵏⵓ ⵙⵡⴰⴷⴷⴰⵢ.
9 ⵉⵙⵙⴷⵓⵔⵔⵓⵢ ⵓⴷⴻⵎ ⵏ ⵍⵄⴰⵔⵛ ⵏⵏⴻⵙ,
ⵉⵜⵜⴱⴻⵣⵣⴰⵄ ⵅⴰⵙ ⴰⵙⴻⵢⵏⵓ ⵏⵏⴻⵙ. ◘26:9 ⴰⵢⵓⴱ 9:8; ⵉⵥⵀⴷ. 104:2, 3
10 ⵢⴰⵔⵛⴻⵎ ⵜⴰⵇⵓⵔⴰⵛⵜ ⵅ ⵡⵓⴷⴻⵎ ⵏ ⵡⴰⵎⴰⵏ,
ⴰⵍ ⵜⵎⴰ ⵏ ⵜⴼⴰⵡⵜ ⴰⴽ-ⴷ ⵜⴰⴵⴻⵙⵜ. ◘26:10 ⴰⵎⵥ. 1:9; ⴰⵢⵓⴱ 38:8; ⵉⵥⵀⴷ. 33:7; 104:9; ⴰⵡⵍⵏ. 8:29; ⵉⵔⵎ. 5:22
11 ⵉⴱⵉⵍⴰⵔⴻⵏ ⵏ ⵓⵊⴻⵏⵏⴰ ⵜⵜⴰⵔⵊⵉⵊⵉⵏ,
ⵜⵜⵏⴻⵅⵍⴰⵄⴻⵏ ⵣⴻⴳ ⵓⵡⴻⴷⴷⴻⴱ ⵏⵏⴻⵙ.
12 ⵙ ⵊⵊⴻⵀⴷ ⵏⵏⴻⵙ ⵉⵙⵙⵀⴰⵊ ⵍⴻⴱⵃⴰⵔ,
ⵙ ⵍⴻⴼⵀⴰⵎⴻⵜ ⵏⵏⴻⵙ ⵉⵍⴱⴻⵣ ⵔⴰⵀⴰⴱ. ◘26:12 ⵉⵛⴰ. 51:15
13 ⵙ ⴰⵔⵔⵓⵃ ⵏⵏⴻⵙ ⵉⵜⵜⵉⵙⵙⵉⵇ ⵓⵊⴻⵏⵏⴰ
ⴰⵎ ⵡⵓⴷⴻⵎ ⵏ ⵜⴻⵏⵏⵉ ⵡⴰⵔ ⵉⵜⵜⵍⴻⵃⵃⵉⴼⴻⵏ,
ⴰⴼⵓⵙ ⵏⵏⴻⵙ ⵉⵙⵙⵏⵓⵇⵇⴻⴱ
ⴰⴼⵉⵖⴰⵔ ⵉⵜⵜⴻⵃⵍⵓⴵⵓⴹⴻⵏ ⵙ ⵜⴰⵣⵍⴰ. ◘26:13 ⵉⵥⵀⴷ. 33:6
14 ⵅⵣⴰⵔ, ⵎⴰⵏ ⴰⵢⴰ ⵡⴰⵀⴰ
ⵉⵅⴻⴼ ⵏ ⵉⴱⵔⵉⴷⴻⵏ ⵏⵏⴻⵙ,
ⵏⴻⵙⵍⴰ ⵎⵖⵉⵔ ⵜⴰⵃⴻⵙⵙⴻⵛⵜ
ⵏ ⵛⴰ ⵏ ⵡⴰⵡⴰⵍⴻⵏ ⵣⵣⴰⵢⴻⵙ.
ⵡⵉ ⵉⵣⴻⵎⵎⴰⵔⴻⵏ ⵅⴻⵏⵏⵉ
ⴰⴷ ⵉⵙⵙⴻⵏ ⴰⵊⵊⴰⵊ ⵏ ⵊⵊⵀⴻⴷ ⵏⵏⴻⵙ?
◘26:6 26:6 ⵉⵥⵀⴷ. 139:8, 11; ⴰⵡⵍⵏ. 15:11; ⵄⴱⵔ. 4:13
◘26:7 26:7 ⵉⵥⵀⴷ. 104:2
◘26:9 26:9 ⴰⵢⵓⴱ 9:8; ⵉⵥⵀⴷ. 104:2, 3
◘26:10 26:10 ⴰⵎⵥ. 1:9; ⴰⵢⵓⴱ 38:8; ⵉⵥⵀⴷ. 33:7; 104:9; ⴰⵡⵍⵏ. 8:29; ⵉⵔⵎ. 5:22
◘26:12 26:12 ⵉⵛⴰ. 51:15
◘26:13 26:13 ⵉⵥⵀⴷ. 33:6