25
ⵍⵃⴰⵔⴹ ⵡⵉⵙⵙ ⵜⵍⴰⵜⴰ ⵏ ⴱⵉⵍⴷⴰⴷ
1 ⵅⴰⵙ ⵓⵛⴰ ⵢⴰⵔⵔⴰ-ⴷⴷ ⴱⵉⵍⴷⴰⴷ, ⵉ ⴷⴷ-ⵢⵓⵙⵉⵏ ⵣⵉ ⵛⵓⵃⴰ, ⵉⵏⵏⴰ:
2 ⵚⵚⵓⵍⵟⴰ ⴷ ⵊⵊⴻⵀⴷ ⵉⵙⵙⴰⴳⴳⵯⴰⴷⴻⵏ
ⴰⵇⴰ ⴰⵜⴻⵏ ⵖⴰⵔⴻⵙ,
ⵏⴻⵜⵜⴰ ⵉⵜⵜⴻⴳⴳ ⵍⴻⵀⵏⴰ ⴷⵉ ⵍⵓⵄⵍⴰ ⵏⵏⴻⵙ.
3 ⵎⴰ ⵉⵣⴻⵎⵎⴰⵔ ⴰⴷ ⵃⴻⵙⴱⴻⵏ
ⵎⴻⵛⵃⴰⵍ ⵉ ⵖⴰⵔⴻⵙ ⵏ ⵍⵄⴻⵙⴽⴰⵔ?
ⵅ ⵎⴰⵏ ⵡⴰⵔ ⵜᵉⵜⵜⴳⴻⵄⵄⴻⴷ ⵜⴼⴰⵡⵜ ⵏⵏⴻⵙ?
4 ⵎⴰⵎⵎⴻⵛ ⵅⴻⵏⵏⵉ ⵉⵣⴻⵎⵎⴰⵔ ⴱⵏⴰⴷⴻⵎ
ⴰⴷ ⵢⵉⵍⵉ ⴷ ⴰⵎⵙⴻⴳⴳⴻⴷ ⵣⵣⴰⵜ ⵉ ⴰⵔⴻⴱⴱⵉ,
ⵎⴰⵎⵎⴻⵛ ⵉⵣⴻⵎⵎⴰⵔ
ⵡⴻⵏⵏⵉ ⴷⴷ-ⵉⵜⵜⵡⴰⵔⵡⴻⵏ ⵣⵉ ⵜⴻⵎⵖⴰⵔⵜ
ⴰⴷ ⵢⵉⵍⵉ ⴷ ⴰⵎⴻⵣⴷⴰⴳ? ◘25:4 ⴰⵢⵓⴱ 4:17, 18, 19; 15:14, 15, 16
5 ⵅⵣⴰⵔ, ⵄⴰⴷ ⵜⴰⵣⵉⵔⵉ ⵙⵉⵎⴰⵏⵜ ⵏⵏⴻⵙ
ⵡⴰⵔ ⵜᵉⵜⵜⵡⴻⵙⵙⴻⴳ ⵙ ⵍⴻⵚⴼⴰⵢⴻⵜ,
ⵉⵜⵔⴰⵏ ⵡⴰⵔ ⵚⴼⵉⵏ ⴷⵉ ⵜⵉⵟⵟⴰⵡⵉⵏ ⵏⵏⴻⵙ. ◘25:5 ⴰⵢⵓⴱ 15:15
6 ⴰⵀⵜⴰ ⵄⴰⴷ ⴱⵏⴰⴷⴻⵎ, ⵡⴻⵏⵏⵉ ⴷ ⴰⵡⴻⴽⴽⵉ,
ⵓ ⵎⵎⵉⵙ ⵏ ⴱⵏⴰⴷⴻⵎ, ⵡⴻⵏⵏⵉ ⴷ ⴰⴽⴻⵛⵛⴰⵡ. ◘25:6 ⴰⵢⵓⴱ 4:19; ⵉⵥⵀⴷ. 22:7