1 ⴰⵣⴻⵀⵀⴻⴷ ⵏ ⴷⴰⵡⵓⴷ.

ⴰ ⵙⵉⴷⵉ, ⵎⴰⵏ ⵡⴻⵏ ⵉ ⵖⴰ ⵉⵇⵇⵉⵎⴻⵏ

ⴷⴻⴳ ⵓⵇⵉⴹⵓⵏ ⵏⵏⴻⵛ?

ⵎⴰⵏ ⵡⴻⵏ ⵉ ⵖⴰ ⵉⵣⴻⴷⵖⴻⵏ

ⵅ ⵡⴻⴷⵔⴰⵔ ⵏⵏⴻⵛ ⵉⵇⴻⴷⴷⵙⴻⵏ? ◘15:1 ⵉⵥⵀⴷ. 7:4-6; ⴰⵢⵓⴱ 31:1-34.

2 ⵡⴻⵏⵏⵉ ⵉⴳⴳⵓⵔⴻⵏ

ⴷⵉ ⵍⴻⴽⵎⴰⵍⴻⵜ ⵏ ⵜⵓⴷⴰⵔⵜ ⵏⵏⴻⵙ

ⵡⴻⵏⵏⵉ ⵉⵜⵜⴻⴳⴳⴻⵏ ⵜⴰⵙⴻⴳⴷⴰ,

ⵡⴻⵏⵏⵉ ⵉⵙⵙⴰⵡⴰⵍⴻⵏ ⵜⵉⴷⴻⵜⵜ ⴷⴻⴳ ⵡⵓⵍ ⵏⵏⴻⵙ. ◘15:2 ⵉⵥⵀⴷ. 24:4; ⵉⵛⴰ. 33:15-17

3 ⵡⴻⵏⵏⵉ ⵡⴰⵔ ⵉⵜⵜⵛⴻⵇⵇⴰⴼⴻⵏ ⵙ ⵢⵉⵍⴻⵙ ⵏⵏⴻⵙ,

ⵡⴻⵏⵏⵉ ⵡⴰⵔ ⵉⵜⵜⴻⴳⴳⴻⵏ ⵍⵖⴰⵔ ⵉ ⵉⵎⵄⴰⵛⴰⵔⴻⵏ ⵏⵏⴻⵙ,

ⵓ ⵡⴰⵔ ⵉⵜⵜⵣⴰⵡⴰⵔ ⴰⵊⵊⴰⵔ ⵏⵏⴻⵙ.

4 ⵡⴻⵏⵏⵉ ⵉⵎⵎⴻⵏⴹⴰⵔⴻⵏ ⵣⵉ ⴰⵔⴻⴱⴱⵉ

ⴰⵇⴰ ⵉⵜⵜⵡⴰⵙⵙⴻⵃⵇⴰⵔ ⴷⵉ ⵜⵉⵟⵟⴰⵡⵉⵏ ⵏⵏⴻⵙ,

ⵎⴰⵛⴰ ⵉⵏⵏⵉ ⵉⵜⵜⴻⴳⴳⵯⴻⴷⴻⵏ ⵙⵉⴷⵉ,

ⵉⵜⵜⵡⴻⵇⵇⴰⵔ ⵉ-ⵜⴻⵏ.

ⵎⴰⵍⴰ ⵉⵊⵊⵓⴵ ⵏⴻⵜⵜⴰ ⵉ ⵜⵅⴻⵙⵙⴰⵔⵜ ⵏⵏⴻⵙ,

ⵡⴰⵔ ⵜ ⵉⵜⵜⴱⴻⴷⴷⵉⵍ.

5 ⵡⴻⵏⵏⵉ ⵡⴰⵔ ⵉⵜⵜⵉⵛⴻⵏ

ⵜⴰⵎⴻⵏⵢⴰⵜ ⵏ ⵏⵏⵓⵇⴰⵔⵜ ⵏⵏⴻⵙ ⵙ ⴰⵔⵔⵉⴱⴰ,

ⵡⴻⵏⵏⵉ ⵡⴰⵔ ⵉⵜⵜⴻⵟⵟⴼⴻⵏ ⴰⵔⵔⴻⵛⵡⴻⵜ

ⴹⵉⴷⴷ ⵏ ⵢⵉⵏⵏⵉ ⵡⴰⵔ ⵉⴳⴳⵉⵏ ⵙ ⵛⴰ.

ⵡⴻⵏⵏⵉ ⵉⵜⵜⴻⴳⴳⴻⵏ ⵎⴰⵏ ⴰⵢⴰ,

ⵡⴰⵔ ⵉⴼⴰⵔⵔⴻⵖ ⵉ ⵍⴻⴱⴷⴰ.