46
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵣⴻⴳ ⴰⵢⵜ ⵏ ⵇⵓⵔⴰⵃ. ⵙ ⵍⵀⴰⵔⴱⴰⵜ ⵉⵜⵜⵡⴰⵔⵔⵉⴳⵍⴰⵏ ⵖⴰⵔ ⵙⴻⵏⵏⴻⵊ. ⵉⵣⵍⵉ.
2 ⴰⵔⴻⴱⴱⵉ ⴷ ⴰⵎⵛⴰⵏ ⵏ ⵜⴰⵔⴻⵡⵍⴰ
ⴷ ⵊⵊⴻⵀⴷ ⵉ ⵏⴻⵛⵛⵉⵏ.
ⴰⵇⴰ ⵉⴱⴰⵏ-ⴷⴷ ⵉⵜⵜⵉⵛ ⴰⴼⵓⵙ ⴰⵟⵟⴰⵙ
ⴷⵉ ⵍⴻⵃⵚⴰⵔⴰⵜ.
3 ⵅ ⵓⵢⴰ ⵡⴰⵔ ⵏᵉⵜⵜⴻⴳⴳⵯⴻⴷ ⵛⴰ,
ⵡⴰⵅⵅⴰ ⴰⴷ ⵜⴱⴻⴷⴷⴻⵍ ⵜⴰⵎⵎⵓⵔⵜ,
ⴰⴷ ⵡⴹⴰⵏ ⵉⴷⵓⵔⴰⵔ ⴷⴻⴳ ⵡⵓⵍ ⵏ ⵍⴻⴱⵃⵓⵔ, ◘46:3 ⴰⵙⴰ. 16:18-21
4 ⴰⴷ ⵀⴰⵊⴰⵏⵜ ⵍⵃⴻⵎⵍⴰⵜ ⵏⵏⴻⵙ,
ⴰⴷ ⴳⴳⴻⵏⵜ ⴰⴽⵓⴼⴼⵓ,
ⴰⴷ ⵏⵀⴻⵣⵣⴻⵏ ⵉⴷⵓⵔⴰⵔ ⵙ ⵓⵏⵏⴻⵇⵍⴻⴱ ⵏⵏⴻⵙ! ⵙⵉⵍⴰⵀ.
5 ⵜⵉⵖⴻⵣⵔⴰⵜⵉⵏ ⵏ ⵉⵖⵣⴰⵔ
ⴰⴷ ⵙⵙⴼⴰⵔⵔⵃⴻⵏⵜ ⵜⴰⵏⴷⵉⵏⵜ ⵏ ⴰⵔⴻⴱⴱⵉ,
ⵣⵣⴰⵡⴻⵛⵜ ⵉⵇⴻⴷⴷⵙⴻⵏ
ⵏ ⵜⵣⴻⴷⴷⵉⵖⵉⵏ ⵏ ⵓⵎⵄⵓⴵⵉ ⵅ ⴽⵓⵍⵛⵉ. ◘46:5 ⴰⵙⴰ. 22:1
6 ⴰⵔⴻⴱⴱⵉ ⴰⵇⴰ-ⵜ ⴷⵉ ⵍⵡⴻⵙⵜ ⵏⵏⴻⵙ,
ⵡⴰⵔ ⵜᵉⵜⵜⴻⵏⵀⴻⵣⵣⴰ,
ⴰⵔⴻⴱⴱⵉ ⴰⴷ ⴰⵙ ⵉⵡⵛ ⴰⴼⵓⵙ
ⵅⵎⵉ ⴷⴷ ⵖⴰ ⵜⴻⵙⵙⵉⵊ ⵜⵓⴼⴼⵓⵜ. ◘46:6 ⴰⵙⴰ. 14:1; 21:22, 23; ⵣⴰⴽ.14:4-9
7 ⵍⴻⴳⵏⵓⵙ ⵎⵓⵣⵣⴰⵔⴻⵏ,
ⵜⵉⴳⴻⵍⴷⵉⵡⵉⵏ ⵏⵀⴻⵣⵣⴻⵏⵜ.
ⵏⴻⵜⵜⴰ ⵉⴳⴳⴰ ⵜⵎⵉⵊⵊⴰ ⵏⵏⴻⵙ ⴰⴷ ⵜᵉⵜⵜⵡⴰⵙⴻⵍ,
ⵜⴰⵎⵎⵓⵔⵜ ⴰⵇⴰ ⵜⴻⴼⵙⵉ.
8 ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⴰⵇⴰ-ⵜ ⴰⴽⵉⴷⵏⴻⵖ,
ⴰⵔⴻⴱⴱⵉ ⵏ ⵢⴰⵄⵇⵓⴱ
ⴷ ⵍⴱⵓⵔⵊ ⵏⵏⴻⵖ ⵢⵓⵄⵍⴰⵏ. ⵙⵉⵍⴰⵀ.
9 ⴰⵙⴻⵎ-ⴷⴷ, ⵅⵣⴰⵔⴻⵎ ⵜⵉⵎⴻⴳⴳⴰ ⵏ ⵙⵉⴷⵉ,
ⵏⴻⵜⵜⴰ ⵉ ⵉⴳⴳⵉⵏ ⴰⵏⴻⵅⵍⵉⵄ ⵅ ⵜⴻⵎⵎⵓⵔⵜ.
10 ⵏⴻⵜⵜⴰ ⵉⵙⵙⴱⴻⴷⴷⴰ ⵉⵎⴻⵏⵖⴰⵏ
ⴰⵍ ⴰⵏⴻⴳⴳⴰⵔ ⵏ ⵜⴻⵎⵎⵓⵔⵜ,
ⵏⴻⵜⵜⴰ ⴰⴷ ⵢⴰⵔⵥ ⵍⵇⴻⵡⵙ,
ⵉⵛⵛⴰⵜ ⵍⴰⵏⵙⴰ ⴷⵉ ⵉⵡⴻⵜⵡⵉⵜⴻⵏ,
ⵉⴽⴰⵔⵔⵓⵜⴻⵏ ⵉⵙⵙⴻⵛⵎⴰⴹ ⵉ-ⵜⴻⵏ ⵙ ⵜⵎⴻⵙⵙⵉ. ◘46:10 ⵎⵉⵅⴰ 4:3; ⴰⵙⴰ. 2:26-28;
11 ⵙⴱⴻⴷⴷ, ⵙⵏⴻⵎ ⵉⵍⵍⴰ ⴰⵇⴰ ⵏⴻⵛⵛ ⴷ ⴰⵔⴻⴱⴱⵉ.
ⵏⴻⵛⵛ ⴰⴷ ⵜⵜⵡⴰⵙⵙⴳⴻⵄⵄⴷⴻⵖ ⵊⴰⵔ ⵍⴻⴳⵏⵓⵙ,
ⵏⴻⵛⵛ ⴰⴷ ⵜⵜⵡⴰⵙⵙⴳⴻⵄⵄⴷⴻⵖ ⵅ ⵜⴻⵎⵎⵓⵔⵜ.
12 ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⴰⵇⴰ-ⵜ ⴰⴽⵉⴷⵏⴻⵖ,
ⴰⵔⴻⴱⴱⵉ ⵏ ⵢⴰⵄⵇⵓⴱ
ⴷ ⵍⴱⵓⵔⵊ ⵢⵓⵄⵍⴰⵏ ⵉ ⵏⴻⵛⵛⵉⵏ.
ⵙⵉⵍⴰⵀ.
◘46:3 46:3 ⴰⵙⴰ. 16:18-21
◘46:6 46:6 ⴰⵙⴰ. 14:1; 21:22, 23; ⵣⴰⴽ.14:4-9
◘46:10 46:10 ⵎⵉⵅⴰ 4:3; ⴰⵙⴰ. 2:26-28;