74
1 ⴰⵅⴻⵎⵎⵉ ⵏ ⴰⵙⴰⴼ.
ⵎⴰⵢⴻⵎⵎⵉ, ⴰ ⴰⵔⴻⴱⴱⵉ, ⵜⴻⵏⴹⴰⵔⴻⴷ ⵉ ⵍⴻⴱⴷⴰ?
ⵎⴰⵢⴻⵎⵎⵉ ⵖⴰ ⵢⴰⵔⵖ ⵡⴻⵖⴹⴰⴱ ⵏⵏⴻⵛ
ⵅ ⵡⵓⴵⵉ ⵏ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵏⵏⴻⵛ?
2 ⵅⴻⵎⵎⴻⵎ ⴷⵉ ⵜⵎⴻⵙⵎⵓⵏⵜ ⵏⵏⴻⵛ
ⵏⵏⵉ ⵜⵓⵖⴰ ⵜⴽⴻⵙⴱⴻⴷ ⵣⴻⴳ ⵡⴻⵛⵃⴰⵍ ⵓⵢⴰ,
ⵜⴰⵇⴱⵉⵍⵜ ⵏ ⵜⴻⵙⵖⴰⵔⵜ ⵏ ⵍⵡⴰⵔⵜ ⵏⵏⴻⵛ ⵜⴻⵏⵏⵉ ⵜⴻⴼⴷⵉⴷ,
ⴰⴷⵔⴰⵔ ⵏ ⵚⵉⵀⵢⵓⵏ ⵡⴻⵏⵏⵉ ⵅ ⵜⵓⵖⴰ ⵜⵣⴻⴷⴷⵖⴻⴷ.
3 ⵙⴳⴻⵄⵄⴻⴷ ⵉⵚⵓⵔⴰⴼ ⵏⵏⴻⵛ
ⵖⴰⵔ ⵎⵉⵏ ⵢⴰⵔⴻⴷⴷⴵⴻⵏ ⵉ ⵍⴻⴱⴷⴰ.
ⵍⴻⵄⴷⵓ ⵢⴰⵔⵔⴰ ⵎⴰⵔⵔⴰ ⴷ ⵍⵅⴰⵔⴱⴻⵜ
ⴷⵉ ⵣⵣⴰⵡⴻⵛⵜ ⵉⵇⴻⴷⴷⵙⴻⵏ.
4 ⵉⵏⵏⵉ ⵜⵓⵖⴰ ⵛⴻⴽ ⵉⵃⴻⵚⵚⴰⵔⴻⵏ ⵙⵙⴱⵓⵄⵔⵓⵜⴻⵏ
ⴷⵉ ⵍⵡⴻⵙⵜ ⵏ ⵡⴻⵎⵛⴰⵏ ⵏⵏⴻⵛ ⵏ ⵓⵎⵙⴰⴳⴰⵔ,
ⵙⵙⴱⴻⴷⴷⴰⵏ ⵍⴻⵄⵍⴰⵎⴰⵜ ⵏⵙⴻⵏ ⴷ ⵍⴻⵄⵍⴰⵎⴰⵜ.
5 ⴰⵇⴰ ⵏⴻⵜⵜⴰ ⵉⴷⵡⴻⵍ ⵉⵜⵜⵡⴰⵙⵙⴻⵏ ⴰⵎ ⵢⵉⵊⵊⴻⵏ
ⵉⵙⵙⴳⴻⵄⵄⴰⴷ ⵛⵛⵡⴰⵇⴰⵔ ⴷⵉ ⵛⴱⴰⵔⵇ ⵉⵇⵇⵏⴻⵏ,
6 ⵓ ⵅⴻⵏⵏⵉ ⴰⵔⵥⵉⵏ
ⵎⴰⵔⵔⴰ ⵉⵏⵇⴰⵛⴻⵏ ⵏⵏⴻⵙ ⵊⵎⵉⵄ,
ⵙ ⵛⵛⴰⵇⵓⵔ ⴷ ⵉⴼⴹⵉⵙⴻⵏ.
7 ⵏⵉⵜⵏⵉ ⵇⵇⴻⴷⴻⵏ ⵜⵉⵎⴻⵙⵙⵉ
ⵉ ⵜⵣⴰⵡⵉⵢⵢⵉⵏ ⵏⵏⴻⵛ ⵉⵇⴻⴷⴷⵙⴻⵏ,
ⴰⵇⴰ ⵄⴰⵔⵔⴰⵏ ⵜⴰⵣⴻⴷⴷⵉⵖⵜ ⵏ ⵢⵉⵙⴻⵎ ⵏⵏⴻⵛ
ⴰⵍ ⵜⴰⵎⵎⵓⵔⵜ. ◘74:7 2 ⵉⵊ. 25:9
8 ⵏⵉⵜⵏⵉ ⵏⵏⴰⵏ ⴷⴻⴳ ⵡⵓⵍ ⵏⵙⴻⵏ:
“ⴻⵊⵊ ⴰⵏⴻⵖ ⴰⴷ ⵜⴻⵏⵜ ⵏⴰⵔⴻⴷⴷⴻⴵ ⵎⴰⵔⵔⴰ!”
ⴰⵎⵎⵓ ⵉ ⵙⵙⴰⵔⵖⴻⵏ ⵏⵉⵜⵏⵉ
ⵎⴰⵔⵔⴰ ⵉⵎⵓⵛⴰⵏ ⵏ ⵓⵎⵙⴰⴳⴰⵔ ⵏ ⴰⵔⴻⴱⴱⵉ
ⴷⵉ ⵜⴻⵎⵎⵓⵔⵜ.
9 ⵍⴻⵄⵍⴰⵎⴰⵜ ⵏⵏⴻⵖ ⵡⴰⵔ ⵜⴻⵏⵜ ⵏⴻⵜⵜⵡⵉⵍⵉ ⵄⴰⴷ,
ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵏ ⵓⵏⴰⴱⵉ ⵄⴰⴷ,
ⵓⵛⴰ ⵓⵍⴰ ⴷ ⵉⵊⵊ ⵊⴰⵔ ⴰⵏⴻⵖ ⵉⵙⵙⴻⵏ
ⴰⵍ ⵎⴻⵍⵎⵉ ⵄⴰⴷ.
10 ⴰⵍ ⵎⴻⵍⵎⵉ, ⴰ ⴰⵔⴻⴱⴱⵉ,
ⴰⴷ ⵣⵣⴰⵢⴻⴽ ⵉⵙⵜⴻⵀⵣⴰ ⵡⴻⵏⵏⵉ ⵉⵃⴻⵚⵚⴰⵔⴻⵏ?
ⵎⴰ ⴰⴷ ⵉⵛⴻⵇⵇⴻⴼ ⵍⴻⵄⴷⵓ ⵉ ⵍⴻⴱⴷⴰ
ⴷⴻⴳ ⵢⵉⵙⴻⵎ ⵏⵏⴻⵛ?
11 ⵎⴰⵢⴻⵎⵎⵉ ⵉ ⵜᵉⵜⵜⴻⴳⴳⴻⴷ
ⴰⴷ ⴷⴰⵢⵏⴻⵖ ⵉⵙⵎⴻⵃ ⴰⴼⵓⵙ ⵏⵏⴻⵛ,
ⴰⴼⵓⵙ ⵏⵏⴻⵛ ⴰⴼⵓⵙⵉ?
ⵙⵓⴼⴼⵓⵖ ⵉ-ⵜ ⵣⴻⴳ ⵡⴻⵃⵙⵉⵏ
ⵏ ⵓⴱⴰⵔⵜⴻⵙⵙⵓ ⵏⵏⴻⵛ,
ⵇⴹⴰ ⵅⴰⵙⴻⵏ. ◼74:11 ⴰⵃⵙⵉⵏ-ⵏⵉⵖ ‘ⴰⴱⴻⵃⵔⵓⵔ’.
12 ⵣⴻⴳ ⵡⴻⵛⵃⴰⵍ ⵓⵢⴰ
ⴰⵇⴰ ⴰⵔⴻⴱⴱⵉ ⴷ ⴰⵊⴻⴵⵉⴷ ⵉⵏⵓ.
ⵏⴻⵜⵜⴰ ⴷ ⵡⴻⵏⵏⵉ ⵉ ⴷⴷ-ⵉⵜⵜⴰⵡⵢⴻⵏ
ⵉⵙⴻⵏⵊⴰⵎⴻⵏ ⴷⵉ ⵍⵡⴻⵙⵜ ⵏ ⵜⴻⵎⵎⵓⵔⵜ.
13 ⵙ ⵜⵣⴻⵎⵎⴰⵔ ⵏⵏⴻⵛ ⵜⴼⴻⵜⵇⴻⴷ ⵍⴻⴱⵃⴰⵔ,
ⵉⵣⴻⴵⵉⴼⴻⵏ ⵏ ⵍⵀⴰⵢⵛⴰⵜ
ⵜⴻⴷⴷⵣⴻⴷ ⵉ-ⵜⴻⵏ ⵅ ⵡⴰⵎⴰⵏ. ◘74:13 ⵓⴼ. 14:21-31
14 ⵛⴻⴽ ⵜⵍⴻⴱⵣⴻⴷ ⵉⵣⴻⴵⵉⴼⴻⵏ ⵏ ‘ⵍⵉ$ⵉⵢⴰⵜⴰⵏ’,
ⵜⴻⵡⵛⵉⴷ ⵉ-ⵜ ⴷ ⵎⴰⵛⵛⴰ ⵉ ⵍⴻⵡⵃⵓⵛ ⵏ ⵍⴻⵅⵍⴰ. ◼74:14 ⵍⴻⵡⵃⵓⵛ ⵏ ⵍⴻⵅⵍⴰ-ⵉⵜⵜⵅⴻⵚⵚⴰ ⴰⵏⴻⵖ ⴰⴷ ⵏⴼⴻⴽⴽⴰⵔ ⴷⴻⴳ ⵉⵙⴻⵍⵎⴰⵏ ⵉⵎⴻⵇⵇⵔⴰⵏⴻⵏ ⵏ ⵍⴻⴱⵃⴰⵔ ⵉⵏⵏⵉ ⵉⵛⵛⵉⵏ ⵍⵅⴻⵛⴱⴰⵜ ⵏ ⵉⵎⵉⵚⵔⵉⵢⵢⴻⵏ ⵜⵉⵏⵏⵉ ⵉⵡⴹⴻⵏⵜ ⵖⴰⵔ ⵜⵎⴰ ⵏ ⵍⴻⴱⵃⴰⵔ ⵏ ⵓⵖⴰⵏⵉⵎ (ⵅⵥⴰⵔ ⵓⴼ. 14:30).
15 ⵛⴻⴽ ⵜⴼⴻⴵⵇⴻⴷ ⵍⵄⵓⵏⵚⴰⵔ ⴷ ⵜⴻⵖⵣⴰⵔⵜ,
ⵛⴻⴽ ⵜⴻⵙⵙⵉⵥⵖⴻⴷ ⵉⵖⴻⵣⵔⴰⵏ ⵉⵜⵜⴰⵣⵣⵍⴻⵏ
16 ⴰⵙⵙ ⵏⵏⴻⵛ, ⵏⵏⴻⵛ ⵓⵍⴰ ⴷ ⴵⵉⵍⴻⵜ,
ⵛⴻⴽ ⵜⴻⴳⴳⵉⴷ ⴷⵉⵏ ⵜⴰⴼⴰⵡⵜ ⴷ ⵜⴼⵓⵛⵜ. ◘74:16 ⴰⵎⵥ. 1:14-19
17 ⵛⴻⴽ ⵜⴻⵙⵙⵎⴻⵜⵏⴻⴷ
ⵎⴰⵔⵔⴰ ⵉⵢⵎⵉⵔⴻⵏ ⵏ ⵜⴻⵎⵎⵓⵔⵜ,
ⴰⵏⴻⴱⴷⵓ ⴷ ⵜⴳⴻⵔⵙⵜ
ⴰⵇⴰ ⵜⴻⴳⴳⵉⴷ ⴰⵙⴻⵏ ⵜⵉⴼⵔⴰⵙ ⵏⵙⴻⵏ.
18 ⵄⵇⴻⵍ ⵅ ⵎⴰⵏ ⴰⵢⴰ:
ⵍⴻⵄⴷⵓ ⵉⵙⵙⴻⵃⵇⴰⵔ ⵙⵉⴷⵉ,
ⵉⵊⵊ ⵏ ⵍⴳⴻⵏⵙ ⴰⴱⵓⵀⴰⵍⵉ ⵉⵛⴻⵇⵇⴻⴼ
ⴷⴻⴳ ⵢⵉⵙⴻⵎ ⵏⵏⴻⵛ.
19 ⵡⴰⵔ ⵜⵜⵉⵛ ⵍⴻⵄⵎⴰⵔ ⵏ ⵜⴻⵊⵍⵉⵍⵍⴻⵃⵜ ⵏⵏⴻⵛ
ⵉ ⵍⴻⵡⵃⵓⵛ,
ⵡⴰⵔ ⵜᵉⵜⵜⵓ ⵉ ⵍⴻⴱⴷⴰ
ⵜⵓⴷⴰⵔⵜ ⵏ ⵍⵎⵓⵙⴰⴽⵉⵏ ⵏⵏⴻⵛ.
20 ⵅⵣⴰⵔ ⵖⴰⵔ ⵍⵄⴰⵀⴷ,
ⵎⴰⵖⴰⵔ ⴷⴻⴳ ⵉⵎⵓⵛⴰⵏ ⵏ ⵟⵟⵍⴰⵎ ⴷⵉ ⵜⴻⵎⵎⵓⵔⵜ
ⴰⵇⴰ ⴷⴰⵢⵙⴻⵏ ⵜⵓⴷⵔⵉⵏ ⵄⴻⵎⵎⴰⵔⴻⵏⵜ ⵙ ⵍⵄⵓⵏⴼ.
21 ⵡⴰⵔ ⵜⵜⴻⵊⵊⵉ ⵡⴻⵏⵏⵉ ⵉⵜⵜⵡⴰⵃⴻⵚⵚⴰⵔⴻⵏ
ⴰⴷ ⴷⴷ-ⵉⵄⵇⴻⴱ ⵙ ⵓⵙⴻⴹⵃⵉ,
ⴻⵊⵊ ⵍⵎⴻⵙⴽⵉⵏ ⴷ ⵓⵎⴻⵣⵍⴰⴹ
ⴰⴷ ⵚⴻⴱⴱⵃⴻⵏ ⵉⵙⴻⵎ ⵏⵏⴻⵛ.
22 ⴽⴽⴰⵔ ⴱⴻⴷⴷ, ⴰ ⴰⵔⴻⴱⴱⵉ,
ⴱⴻⵍⵍⴻⵄ ⴷⴷⴻⵄⵡⴻⵜ ⵏⵏⴻⵛ,
ⵅⴻⵎⵎ ⵎⴰⵎⵎⴻⵛ ⵛⴻⴽ ⵉⵙⵙⴻⵃⵇⴰⵔⴰⵏ
ⵉⴱⵓⵀⴰⵍⵉⵢⵢⴻⵏ ⴰⵙⵙ ⵉⵎⵓⵏ.
23 ⵡⴰⵔ ⵜⵜᵉⵜⵜⵓ ⵛⴰ ⴰⵖⵓⵢⵢⵉ ⵏ ⵉⵖⵔⵉⵎⴻⵏ ⵏⵏⴻⵛ,
ⴰⵙⴱⵓⵄⴰⵔ ⵏ ⵢⵉⵏⵏⵉ ⵉ ⵅⴰⴽ ⵉⵖⴻⵡⵡⵖⴻⵏ
ⵉⵜⵜⴳⴻⵄⵄⴰⴷ ⵖⴰⵔ ⵓⵊⴻⵏⵏⴰ ⴱⵍⴰ ⴰⵇⴻⵟⵟⵓ.
◘74:7 74:7 2 ⵉⵊ. 25:9
◼74:11 74:11 ⴰⵃⵙⵉⵏ-ⵏⵉⵖ ‘ⴰⴱⴻⵃⵔⵓⵔ’.
◘74:13 74:13 ⵓⴼ. 14:21-31
◼74:14 74:14 ⵍⴻⵡⵃⵓⵛ ⵏ ⵍⴻⵅⵍⴰ-ⵉⵜⵜⵅⴻⵚⵚⴰ ⴰⵏⴻⵖ ⴰⴷ ⵏⴼⴻⴽⴽⴰⵔ ⴷⴻⴳ ⵉⵙⴻⵍⵎⴰⵏ ⵉⵎⴻⵇⵇⵔⴰⵏⴻⵏ ⵏ ⵍⴻⴱⵃⴰⵔ ⵉⵏⵏⵉ ⵉⵛⵛⵉⵏ ⵍⵅⴻⵛⴱⴰⵜ ⵏ ⵉⵎⵉⵚⵔⵉⵢⵢⴻⵏ ⵜⵉⵏⵏⵉ ⵉⵡⴹⴻⵏⵜ ⵖⴰⵔ ⵜⵎⴰ ⵏ ⵍⴻⴱⵃⴰⵔ ⵏ ⵓⵖⴰⵏⵉⵎ (ⵅⵥⴰⵔ ⵓⴼ. 14:30).
◘74:15 74:15 ⵓⴼ. 17:5, 6; ⵍⵅⵍ. 20:11; ⵢⴰⵛ. 3:13; ⵉⵥⵀⴷ. 105:41; ⵉⵛⴰ. 48:21
◘74:16 74:16 ⴰⵎⵥ. 1:14-19