1 ⵖⴰⵔ ⵉⵖⴻⵣⵔⴰⵏ ⵏ ⴱⴰⴱⵉⵍ,

ⴷⵉⵏⵏⵉ ⵉ ⵜⵓⵖⴰ ⵏⴻⵜⵜⵖⵉⵎⴰ,

ⵏⵔⵓ ⵄⴰⵡⴻⴷ ⵅⵎⵉ ⵜⵓⵖⴰ ⵏⴻⵜⵜⵉⴷⴰⵔ ⵚⵉⵀⵢⵓⵏ.

2 ⵏⵓⵢⴻⵍ ⵍⴳⴰⵎⴱⵔⵉⵢⴰⵜ ⵏⵏⴻⵖ

ⵖⴰⵔ ⵉⵚⴻⴼⵚⴰⴼⴻⵏ ⵉ ⵉⴵⴰⵏ ⴷⵉ ⵍⵡⴻⵙⵜ ⵏⵏⴻⵙ.

3 ⵎⴰⵖⴰⵔ ⵉⵏⵏⵉ ⴷ ⴰⵏⴻⵖ ⵉⵃⴻⴱⴱⵙⴻⵏ

ⵜⵜⴰⵔⴻⵏ ⵣⵣⴰⵢⵏⴻⵖ ⴷⵉⵏⵏⵉ

ⴰⴷ ⵏⵖⴻⵏⵏⴻⵊ ⴰⵡⴰⵍⴻⵏ ⵏ ⵉⵊⵊ ⵏ ⵢⴻⵣⵍⵉ,

ⵉⵏⵏⵉ ⴷ ⴰⵏⴻⵖ ⵉⵃⴻⵚⵚⴰⵔⴻⵏ

ⵜⵜⴰⵔⴻⵏ ⵛⴰ ⵏ ⵍⵃⴰⵊⵊⴻⵜ ⵉⵙⵙⴻⴼⵔⴰⵃⴻⵏ.

ⵏⵉⵜⵏⵉ ⵏⵏⴰⵏ: “ⵖⴻⵏⵏⵊⴻⵎ ⵣⴻⵄⵎⴰ

ⵉⵊⵊ ⵣⴻⴳ ⵉⵣⵍⴰⵏ ⵏ ⵚⵉⵀⵢⵓⵏ ⵉ ⵏⴻⵛⵛⵉⵏ!” ◘137:3 ⵉⵥⵀⴷ. 79:1

4 ⵎⴰⵎⵎⴻⵛ ⵏⵣⴻⵎⵎⴰⵔ ⴰⴷ ⵏⵖⴻⵏⵏⴻⵊ

ⵉⵊⵊ ⵏ ⵢⴻⵣⵍⵉ ⵏ ⵙⵉⴷⵉ ⴷⵉ ⵜⴻⵎⵎⵓⵔⵜ ⵏ ⵎⵉⴷⴷⴻⵏ?

5 ⵎⴰⵍⴰ ⵏⴻⵛⵛ ⵜⵜⵓⵖ ⵛⴻⵎ, ⴰ ⵓⵔⵛⴰⵍⵉⵎ,

ⴻⵊⵊ ⵅⴻⵏⵏⵉ ⴰⴷ ⵉⵜⵜⵓ ⵓⴼⵓⵙ ⴰⴼⵓⵙⵉ ⵉⵅⴻⴼ ⵏⵏⴻⵙ.

6 ⴻⵊⵊ ⴰⴷ ⴰⵢⵉ ⵉⵍⵚⴻⵇ ⵉⵍⴻⵙ ⵉⵏⵓ ⵅ ⵡⴰⵏⴻⵖ ⵉⵏⵓ,

ⵎⴰⵍⴰ ⵡⴰⵔ ⵛⴻⵎ ⵜⵜⵉⴷⴰⵔⴻⵖ,

ⵎⴰⵍⴰ ⵡⴰⵔ ⵙⵙⵄⵓⴵⵉⵖ ⵓⵔⵛⴰⵍⵉⵎ

ⵅ ⵍⴻⴼⵔⴰⵃⴻⵜ ⵉⵏⵓ ⵜⴰⵎⴻⵇⵇⵔⴰⵏⵜ ⵇⴰⵄ.

7 ⴰ ⵙⵉⴷⵉ, ⵄⵇⴻⵍ ⵅ ⴰⵢⵜ ⵏ ⵉⴷⵓⵎ,

ⴷⴻⴳ ⵡⴰⵙⵙ ⵏ ⵓⵔⵛⴰⵍⵉⵎ,

ⵉⵏⵏⵉ ⵉⵇⵇⴰⵔⴻⵏ: “ⵄⴰⵔⵔⴰⵎ ⵜⵜ, ⵄⴰⵔⵔⴰⵎ ⵜⵜ,

ⴰⵍ ⴷⵙⴰⵙ ⵏⵏⴻⵙ!” ◘137:7 ⵉⵔⵎ. 49:7; ⵃⵉⵥ. 25:12

8 ⴰ ⵢⴻⴵⵉⵙ ⵏ ⴱⴰⴱⵉⵍ,

ⵛⴻⵎ ⵜⴻⵏⵏⵉ ⵉⵜⵜⵡⴰⵙⵙⵃⵓⵣⴻⵏ ⵉ ⵡⴰⵔⴻⴷⴷⴻⴵ,

ⵙⵙⴻⵄⴷ ⵏ ⵢⵉⵏⵏⵉ ⴷ ⴰⵎ

ⵉ ⵖⴰ ⵉⵅⴻⴵⵚⴻⵏ ⵜⴰⵎⴻⴳⴳⵉⵜ ⵉⵄⴻⴼⴼⵏⴻⵏ

ⵉ ⴷⴰⵢⵏⴻⵖ ⵜⴻⴳⴳⵉⴷ. ◘137:8 ⵉⵔⵎ. 50:15, 29; ⴰⵙⴰ. 18:6

9 ⵙⵙⴻⵄⴷ ⵏ ⵡⴻⵏⵏⵉ ⵉ ⵖⴰ ⵉⵟⵟⴼⴻⵏ

ⵉⵃⴻⵏⵊⵉⵔⴻⵏ ⵏⵡⴻⵎ ⵉⵎⴻⵥⵢⴰⵏⴻⵏ,

ⴰⴷ ⵜⴻⵏ ⵉⵍⴱⴻⵣ ⵅ ⵜⴻⵚⴹⴰⵔⵜ. ◘137:9 ⵉⵛⴰ. 13:16