2
ⵜⴰⵖⵓⵔⵉ ⵏ ⵚⵚⴰⵃ
1 ⵎⴰⵛⴰ ⵛⴻⴽ, ⵙⵉⵡⴻⵍ ⵎⵉⵏ ⵉⵜⵜⵍⵉⵇⴻⵏ ⵉ ⵜⵖⵓⵔⵉ ⵏ ⵚⵚⴰⵃ.
2 ⵙⴻⵍⵎⴻⴷ ⵉⵎⵖⴰⵔⴻⵏ ⵎⴰⵃⴻⵏⴷ ⴰⴷ ⵉⵍⵉⵏ ⴼⴰⵇⴻⵏ, ⴰⴷ ⵓⵢⵓⵔⴻⵏ ⵙ ⵜⵙⴻⵅⵅⴰⵢⵜ ⴷ ⵜⴰⵣⴷⵓⴳⵉ ⴷ ⵍ’ⵉⵎⴰⵏ ⵏ ⵚⵚⴰⵃ ⵓ ⵙ ⵜⴰⵢⵔⵉ ⴷ ⵚⵚⴱⴰⵔ. 3 ⵙⴻⵍⵎⴻⴷ ⵜⵉⵡⴻⵙⵙⵓⵔⴰ ⵄⴰⵡⴻⴷ ⴰⵎⵎⵓ, ⵎⴰⵃⴻⵏⴷ ⴰⴷ ⴳⴳⵓⵔⴻⵏⵜ ⴰⵎ ⴷⴷ-ⵉⵜⵜⵍⵉⵇ ⴰⴽ-ⴷ ⵜⵉⴳⴳⵯⵓⴷⵉ ⵣⵉ ⴰⵔⴻⴱⴱⵉ, ⵡⴰⵔ ⵜⵜⵛⴻⵇⵇⵉⴼⴻⵏⵜ ⵛⴰ, ⵡⴰⵔ ⵡⵛⵉⵏⵜ ⵉ ⴱⵉⵏⵓ, ⵎⴰⵛⴰ ⴻⵊⵊ ⵉ-ⵜⴻⵏⵜ ⴰⴷ ⵙⵙⵍⴻⵎⴷⴻⵏⵜ ⵎⵉⵏ ⵉⵚⴻⴱⵃⴻⵏ, ◘2:3 1 ⵜⵉⵎ. 2:9; 5:13; 1 ⴱⵟ. 3:3. 4 ⵃⵉⵎⴰ ⴰⴷ ⵛⴻⵊⵊⵄⴻⵏⵜ ⵜⵉⴱⵍⵉⵖⵉⵏ ⴰⴷ ⵓⵢⵓⵔⴻⵏⵜ ⵙ ⵓⵡⴻⵇⵇⴰⵔ, ⴰⴷ ⵅⵙⴻⵏⵜ ⵉⵔⵢⴰⵣⴻⵏ ⵏⵙⴻⵏⵜ ⴷ ⵜⴰⵔⵡⴰ ⵏⵙⴻⵏⵜ, 5 ⵓⵛⴰ ⴰⴷ ⴷⴰⵢⵙⴻⵏⵜ ⵢⵉⵍⵉ ⵓⵜⴻⴱⴱⴻⵜ ⴷ ⵜⵇⴻⴷⴷⴰⵙⵜ, ⴰⴷ ⵡⵛⴻⵏⵜ ⵜⴰⵢⵏⵉⵜ ⵉ ⴰⵢⵜ ⴱⴰⴱ ⵏ ⵜⴰⴷⴷⴰⵔⵜ ⵏⵙⴻⵏⵜ, ⴰⴷ ⴳⴳⴻⵏⵜ ⴰⵔⵔⴰⵢ ⵉ ⵢⴻⵔⵢⴰⵣⴻⵏ ⵏⵙⴻⵏⵜ, ⵃⵉⵎⴰ ⵓⵍⴰ ⴷ ⵉⵊⵊ ⵡⴰⵔ ⵉⵜⵜⵛⴻⵇⵇⴰⴼ ⵛⴰ ⴷⴻⴳ ⵡⴰⵡⴰⵍ ⵏ ⴰⵔⴻⴱⴱⵉ. ◘2:5 ⴰⵎⵥ. 3:16; 1 ⴽⵓⵔ. 14:34; ⴰⴼⴰ. 5:22; ⴽⵓⵍ. 3:18; 1 ⴱⵟ. 3:1.
6 ⵛⴻⵊⵊⵄⴻⵜ ⵄⴰⵡⴻⴷ ⵉⴱⵍⵉⵖⴻⵏ ⵃⵉⵎⴰ ⴰⴷ ⵓⵢⵓⵔⴻⵏ ⵙ ⵜⵙⴻⵅⵅⴰⵢⵜ. 7 ⴻⴳⴳ ⵉⵅⴻⴼ ⵏⵏⴻⵛ ⴷⵉ ⵎⴰⵔⵔⴰ ⴷ ⵍⵎⵉⵜⴰⵍ, ⴷⵉ ⵎⴰⵔⵔⴰ ⵍⴻⵅⴷⴰⵢⴻⵎ ⵜⵉⵚⴻⴱⵃⴰⵏⵉⵏ, ⵓ ⵅⵎⵉ ⵜⴻⵙⵙⵍⴻⵎⴷⴻⴷ, ⵃⴹⴰ ⵎⴰⵃⴻⵏⴷ ⴰⴷ ⵢⵉⵍⵉ ⵡⴰⵡⴰⵍ ⵏⵏⴻⵛ ⴷ ⵚⵚⴻⵃ, ◘2:7 1 ⵜⵉⵎ. 4:12; 1 ⴱⵟ. 5:3. 8 ⵙ ⵍⴻⵚⴼⴰⵢⴻⵜ ⴱⵍⴰ ⵍⵖⴻⵛⵛ, ⵓⵛⴰ ⵡⴰⵔ ⵜ ⵉⵙⵙⴻⵃⵇⴰⵔ ⵓⵍⴰ ⴷ ⵉⵊⵊ, ⴰⵍ ⵖⴰ ⵉⵙⴻⴹⵃⴰ ⵡⴻⵏⵏⵉ ⴷ ⴰⵏⴻⵖ ⵉⵜⵜⵄⴻⴽⴽⴰⵙⴻⵏ ⵓⵎⵉ ⵡⴰⵔ ⵉⵣⴻⵎⵎⴰⵔ ⴰⴷ ⵅⴰⵏⴻⵖ ⵉⵙⵙⵉⵡⴻⵍ ⵙ ⵓⵍⴰ ⴷ ⵉⵊⵊ ⵏ ⵡⴰⵡⴰⵍ ⵉⵙⵙⴼⴻⵟⵟⴰⵃⴻⵏ. ◘2:8 1 ⴱⵟ. 2:12, 15; 3:16.
9 ⵉⵜⵜⵅⴻⵚⵚⴰ ⵉ ⵉⵎⵙⴻⵅⵅⴰⵔⴻⵏ ⵃⵉⵎⴰ ⴰⴷ ⵟⵟⴰⵄⴻⵏ ⵉ ⴰⵢⵜⴱⴰⴱ ⵏⵙⴻⵏ ⴷⵉ ⵎⴰⵔⵔⴰ, ⴰⴷ ⴰⵙⴻⵏ ⴰⵔⴹⴰⵏ, ⵡⴰⵔ ⵜⴻⵏ ⵜⵜⵄⴻⴽⴽⵙⴻⵏ. ◘2:9 ⴰⴼⴰ. 6:5; ⴽⵓⵍ. 3:22; 1 ⵜⵉⵎ. 6:1, 2; 1 ⴱⵟ. 2:18. 10 ⵡⴰⵔ ⵉⵄⴻⴷⴷⴻⵍ ⴰⴷ ⴰⵛⴰⵔⴻⵏ, ⵎⴰⵛⴰ ⴻⵊⵊ ⵉ-ⵜⴻⵏ ⴰⴷ ⵙⵙⴻⵛⵏⴻⵏ ⵍⵎⴰⵏⴻⵜ ⵏⵙⴻⵏ ⵉⵛⵏⴰⵏ, ⵃⵉⵎⴰ ⴰⴷ ⵉⵜⵜⵡⴰⴳⴳ ⵛⵛⴰⵏ ⵉ ⵜⵖⵓⵔⵉ ⵏ ⴰⵔⴻⴱⴱⵉ, ⵡⴻⵏⵏⵉ ⴷ ⴰⵏⴻⵖ ⵉⵜⵜⵉⵛⴻⵏ ⵜⵓⴷⴰⵔⵜ.
11 ⵎⵉⵏⵣⵉ ⴰⵔⴹⴰ ⵏ ⴰⵔⴻⴱⴱⵉ ⵉ ⵉⵙⵙⴰⴽⴽⵡⴰⴹⴻⵏ ⴰⵙⴻⵏⵊⴻⵎ ⵉ ⵎⴰⵔⵔⴰ, ⴰⵇⴰ ⵉⴼⴼⴻⵖ-ⴷⴷ ⵉ ⵎⴰⵔⵔⴰ ⵉⵡⴷⴰⵏ. 12 ⴰⵔⴹⴰ ⵏⵏⵉ ⵉⵜⵜⴰⵔⴻⴱⴱⴰ ⴰⵏⴻⵖ ⵎⴰⵃⴻⵏⴷ ⴰⴷ ⵏᵉⵜⵜⴻⵊⵊ ⵍⴻⵇⵊⴰⵃⴻⵜ ⴷ ⵏⵏⴻⵛⵡⴰⵜ ⵏ ⴷⴷⵓⵏⴻⵛⵜ, ⵎⴰⵃⴻⵏⴷ ⴰⴷ ⵏⴻⴷⴷⴰⵔ ⴷⵉ ⴷⴷⵓⵏⴻⵛⵜ-ⴰ ⵙ ⵜⵙⴻⵅⵅⴰⵢⵜ ⴷ ⵜⵙⴻⴳⴷⴰ ⵓ ⵙ ⵜⵉⴳⴳⵯⵓⴷⵉ ⵣⵉ ⴰⵔⴻⴱⴱⵉ. ◘2:12 ⴰⴼⴰ. 1:4. ⴽⵓⵍ. 1:22; 2 ⵜⵉⵎ. 1:9; 1 ⵢⵃ. 2:16. 13 ⴰⵎⵎⵓ ⵉ ⵏⴻⵜⵜⵔⴰⵊⴰ ⴰⵙⵉⵜⴻⵎ ⵉⵜⵜⵡⴰⴱⴰⵔⴽⴻⵏ ⵓⵍⴰ ⴷ ⴰⵙⴰⵔⴳⴻⴱ ⵏ ⵓⵄⵓⴵⵉ ⵏ ⴰⵔⴻⴱⴱⵉ ⴰⵎⴻⵇⵇⵔⴰⵏ ⴷ ⵡⴻⵏⵏⵉ ⴷ ⴰⵏⴻⵖ ⵉⵜⵜⵉⵛⴻⵏ ⵜⵓⴷⴰⵔⵜ: ⵢⴰⵙⵓⵄ ⵍⵎⴰⵙⵉⵃ. ◘2:13 1 ⴽⵓⵔ. 1:7; ⴼⵉⵍ. 3:20. 14 ⵏⴻⵜⵜⴰ ⴷ ⵡⴻⵏⵏⵉ ⵉ ⵅⴰⵏⴻⵖ ⵉⵡⵛⵉⵏ ⵉⵅⴻⴼ ⵏⵏⴻⵙ ⴷⴻⴳ ⵡⴻⵎⵛⴰⵏ ⵏⵏⴻⵖ, ⵎⴰⵃⴻⵏⴷ ⴰⴷ ⴰⵏⴻⵖ ⵉⵙⴻⵍⵍⴻⴽ ⵣⵉ ⵎⴰⵔⵔⴰ ⵍⵎⵓⵄⵚⵉⵢⵢⴻⵜ, ⵃⵉⵎⴰ ⴰⴷ ⵉⵙⵙⵉⵣⴷⴻⴳ ⵉ ⵢⵉⵅⴻⴼ ⵏⵏⴻⵙ ⵉⵊⵊ ⵏ ⵍⴳⴻⵏⵙ ⵉⵎⴻⵃⵃⴹⴻⵏ ⵉ ⵍⴻⵅⴷⴰⵢⴻⵎ ⵜⵉⵚⴻⴱⵃⴰⵏⵉⵏ. ◘2:14 ⴳⴰⵍ. 1:4; 2:20; ⴰⴼⴰ. 2:10; 5:2; ⵄⴱⵔ. 9:14.
15 ⵙⵉⵡⴻⵍ ⵅ ⵎⴰⵏ ⴰⵢⴰ, ⵣⵉⵢⵢⴰⵔ ⵓ ⵡⴻⴱⴱⴻⵅ ⵙ ⵎⴰⵔⵔⴰ ⵊⵊⴻⵀⴷ, ⵡⴰⵔ ⵜⵜⴻⵊⵊⵉ ⵃⴻⴷ ⴰⴷ ⵛⴻⴽ ⵉⵙⵙⴻⵃⵇⴰⵔ. ◘2:15 1 ⵜⵉⵎ. 4:12.
◘2:3 2:3 1 ⵜⵉⵎ. 2:9; 5:13; 1 ⴱⵟ. 3:3.
◘2:5 2:5 ⴰⵎⵥ. 3:16; 1 ⴽⵓⵔ. 14:34; ⴰⴼⴰ. 5:22; ⴽⵓⵍ. 3:18; 1 ⴱⵟ. 3:1.
◘2:7 2:7 1 ⵜⵉⵎ. 4:12; 1 ⴱⵟ. 5:3.
◘2:8 2:8 1 ⴱⵟ. 2:12, 15; 3:16.
◘2:9 2:9 ⴰⴼⴰ. 6:5; ⴽⵓⵍ. 3:22; 1 ⵜⵉⵎ. 6:1, 2; 1 ⴱⵟ. 2:18.
◘2:12 2:12 ⴰⴼⴰ. 1:4. ⴽⵓⵍ. 1:22; 2 ⵜⵉⵎ. 1:9; 1 ⵢⵃ. 2:16.
◘2:13 2:13 1 ⴽⵓⵔ. 1:7; ⴼⵉⵍ. 3:20.
◘2:14 2:14 ⴳⴰⵍ. 1:4; 2:20; ⴰⴼⴰ. 2:10; 5:2; ⵄⴱⵔ. 9:14.
◘2:15 2:15 1 ⵜⵉⵎ. 4:12.