1 ⴱⵓⵍⵓⵙ, ⵔⵔⴰⵙⵓⵍ ⵏ ⵢⴰⵙⵓⵄ ⵍⵎⴰⵙⵉⵃ ⵄⵍⴰⵃⵙⴰⴱ ⵍⵅⴰⴹⴰⵔ ⵏ ⴰⵔⴻⴱⴱⵉ, ⵄⵍⴰⵃⵙⴰⴱ ⵍⵡⴰⵄⴷ ⵏ ⵜⵓⴷⴰⵔⵜ ⵉ ⴷⵉⵏ ⵉⴵⴰⵏ ⴷⵉ ⵢⴰⵙⵓⵄ ⵍⵎⴰⵙⵉⵃ. ◼1:1 ⵔⵔⴰⵙⵓⵍ-ⵏⵉⵖ ‘ⴰⵎⴰⵥⴰⵏ’.

2 ⵉ ⵜⵉⵎⵓⵜⵉⵢⵓ, ⵎⵎⵉ ⵉⵄⵉⵣⵣⴻⵏ: ⴰⵔⴹⴰ ⴷ ⴰⵔⵔⴻⵃⵎⴻⵜ ⴷ ⵍⴻⵀⵏⴰ ⵣⵉ ⴰⵔⴻⴱⴱⵉ, ⴱⴰⴱⴰⵜⵏⴻⵖ, ⵓ ⵣⵉ ⵢⴰⵙⵓⵄ ⵍⵎⴰⵙⵉⵃ, ⵙⵉⴷⵉⵜⵏⴻⵖ. ◘1:2 ⴳⴰⵍ. 1:3; 1 ⵜⵉⵎ. 1:2; 1 ⴱⵟ. 1:2.

3 ⵏⴻⵛⵛ ⵜⵜⵇⴰⴷⵉⵖ ⴰⵔⴻⴱⴱⵉ ⵡⴻⵏⵏⵉ ⵓⵎⵉ ⵄⴻⴱⴷⴻⵖ ⴰⵎ ⵍⴻⵊⴷⵓⴷ ⵉⵏⵓ ⵙ ⵜⵏⴻⴼⵙⴻⵛⵜ ⵜⴻⵣⴷⴻⴳ, ⴰⵎ ⵜⵜⵉⴷⴰⵔⴻⵖ ⵛⴻⴽ ⴱⵍⴰ ⵇⴻⵟⵟⵓ ⴷⵉ ⵜⵥⴰⴵⵉⵜⵉⵏ ⵉⵏⵓ ⴰⵙⵙ ⴷ ⴵⵉⵍⴻⵜ. ◘1:3 ⵍⴻⵅ. 22:3; ⵔⵓⵎ. 1:9; 1 ⵜⵙ. 1:2; 3:10. 4 ⵡⴻⵃⵃⵛⴻⵖ ⴰⴷ ⵛⴻⴽ ⵥⴰⵔⴻⵖ, ⵅⵎⵉ ⵜⵜⴼⴻⴽⴽⴰⵔⴻⵖ ⴷⴻⴳ ⵉⵎⴻⵟⵟⴰⵡⴻⵏ ⵏⵏⴻⵛ ⵓ ⵜⵜⵡⴰⵛⵛⵓⵔⴻⵖ ⵙ ⵍⴻⴼⵔⴰⵃⴻⵜ, 5 ⵓⵎⵉ ⵜⵜⵉⴷⴰⵔⴻⵖ ⴷⵉ ⵍ’ⵉⵎⴰⵏ ⵏⵏⴻⵛ ⴱⵍⴰ ⵏⵏⵉⴼⴰⵇ, ⵍ’ⵉⵎⴰⵏ ⵏⵏⵉ ⵜⵓⵖⴰ ⵉⵣⴻⴷⴷⵖⴻⵏ ⴰⵎⴻⵣⵡⴰⵔ ⴷⵉ ⵃⴻⵏⵏⴰⵛ ⵍⵓⵡⵉⵙ ⵓ ⴷⴻⴳ ⵢⴻⵎⵎⴰⵛ ⵓⵏⵉⴽⵉ, ⵓⵛⴰ, ⴰⵇⴰ ⵙⵙⵏⴻⵖ ⵏⵉⵛⴰⵏ ⴱⴻⵍⵍⵉ ⵉⵣⴷⴻⵖ ⴷⴰⵢⴻⴽ ⵄⴰⵡⴻⴷ. 6 ⵙ ⵓⵢⴻⵏⵏⵉ ⵙⵙⵄⴻⵇⵍⴻⵖ ⵛⴻⴽ ⴰⴷ ⵜⴻⵙⵙⴻⴽⴽⴰⵔⴻⴷ ⵜⴰⵡⵀⵉⴱⵜ ⵏ ⴰⵔⴻⴱⴱⵉ ⵜⴻⵏⵏⵉ ⴷⴰⵢⴻⴽ ⵙ ⵡⴻⴱⵔⵉⴷ ⵏ ⵡⴻⵙⵔⵓⵙⵉ ⵏ ⵉⴼⴰⵙⵙⴻⵏ ⵉⵏⵓ ⵅⴰⴽ. ◘1:6 ⵍⴻⵅ. 6:6; 8:17; 13:3; 19:6, 7; 1 ⵜⵉⵎ. 4:14; 5:22.

7 ⵎⵉⵏⵣⵉ ⴰⵔⴻⴱⴱⵉ ⵡⴰⵔ ⴷ ⴰⵏⴻⵖ ⵉⵡⵛⵉ ⴰⵔⵔⵓⵃ ⵏ ⵍⵄⵓⵔⵔⴻⵜ, ⵎⴰⵛⴰ ⴰⵔⵔⵓⵃ ⵏ ⵊⵊⴻⵀⴷ ⴷ ⵜⴰⵢⵔⵉ ⴷ ⵓⵜⴻⴱⴱⴻⵜ. ◘1:7 ⵔⵓⵎ. 8:15. 8 ⵙ ⵓⵢⴰ ⵡⴰⵔ ⵜⵜⵙⴻⴹⵃⵉ ⵛⴰ ⵃⵉⵎⴰ ⴰⴷ ⵜⴻⵡⵛⴻⴷ ⵛⵛⵀⴰⴷⴻⵜ ⵅ ⵙⵉⴷⵉⵜⵏⴻⵖ, ⵓ ⵡⴰⵔ ⵜⵜⵙⴻⴹⵃⵉ ⵣⵣⴰⵢⵉ ⵏⴻⵛⵛ, ⵡⴻⵏⵏⵉ ⴷ ⴰⵎⴻⵃⴱⵓⵙ ⵏⵏⴻⵙ, ⵎⴰⵛⴰ ⴽⵙⵉⵎ ⵎⴰⵔⵔⴰ ⵍⵖⴰⵔ ⴷⵉ ⵟⵟⵡⴻⵄ ⵏ ⵍ’ⵉⵏⵊⵉⵍ ⵙ ⵊⵊⴻⵀⴷ ⵏ ⴰⵔⴻⴱⴱⵉ, ◘1:8 ⵍⴻⵅ. 21:33; ⵔⵓⵎ.1:16; ⴰⴼⴰ. 3:1; 4:1; ⴽⵓⵍ. 4:18; ⴼⵍⵎⵏ. 1, 9, 13. 9 ⵡⴻⵏⵏⵉ ⴰⵇⴰ ⵉⵡⵛⴰ ⴰⵏⴻⵖ ⵜⵓⴷⴰⵔⵜ ⵓⵛⴰ ⵉⵍⴰⵖⴰ ⴰⵏⴻⵖ-ⴷⴷ ⵙ ⵜⵍⴰⵖⵉⵜ ⵉⵇⴻⴷⴷⵙⴻⵏ, ⵡⴰⵔ ⵉⴵⵉ ⵄⵍⴰⵃⵙⴰⴱ ⵍⴻⵅⴷⴰⵢⴻⵎ ⵏⵏⴻⵖ, ⵎⴰⵛⴰ ⵄⵍⴰⵃⵙⴰⴱ ⵍⵅⴰⴹⴰⵔ ⵏⵏⴻⵙ ⴷ ⴰⵔⴹⴰ ⵏⵏⵉ ⵉ ⴷ ⴰⵏⴻⵖ ⵉⵎⵎⴻⵡⵛⴻⵏ ⴷⵉ ⵢⴰⵙⵓⵄ ⵍⵎⴰⵙⵉⵃ ⵇⴱⴻⵍ ⵍⵡⴻⵇⵜ ⵏ ⵣⵣⵎⴰⵏⴰⵜ. ◘1:9 ⴰⴼⴰ. 1:3; ⵜⵉⵜ. 3:4, 5, 6. 10 ⴰⵇⴰ ⴰⵔⴹⴰ-ⵢⴰ ⵉⵜⵜⵡⴰⵙⵙⴻⴹⵀⴰⵔ ⵍⴻⵅⵅⵓ ⵙ ⵓⵅⴻⵛⵛⵉ ⵏ ⵡⴻⵏⵏⵉ ⴷ ⴰⵏⴻⵖ ⵉⵜⵜⵉⵛⴻⵏ ⵜⵓⴷⴰⵔⵜ, ⵢⴰⵙⵓⵄ ⵍⵎⴰⵙⵉⵃ, ⵡⴻⵏⵏⵉ ⵜⵓⵖⴰ ⵉⴱⴻⴹⵍⴻⵏ ⵍⵎⴻⵡⵜ ⵓⵛⴰ ⵉⵙⵙⴻⴹⵀⴰⵔ ⵜⵓⴷⴰⵔⵜ ⵡⴰⵔ ⵉⴼⴻⵏⵏⵉⵏ ⵙ ⵍ’ⵉⵏⵊⵉⵍ. ◘1:10 ⵉⵛⴰ. 25:8; ⵔⵓⵎ. 16:25; ⴰⴼⴰ. 1:9; 3:9; ⴽⵓⵍ. 1:26; ⵜⵉⵜ. 1:2; ⵄⴱⵔ. 2:14; 1 ⴱⵟ. 1:20. 11 ⵣⵣⴰⵢⴻⵙ ⵜⵜⵡⴰⵙⵙⴳⴻⵄⵄⴷⴻⵖ ⵏⴻⵛⵛ ⴷ ⴰⵎⴱⴰⵔⵔⴻⵃ ⴷ ⵔⵔⴰⵙⵓⵍ ⴷ ⵓⵎⵙⴻⵍⵎⴰⴷ ⵏ ⵍⴻⴳⵏⵓⵙ. ◘1:11 ⵍⴻⵅ. 9:15; 13:2; 22:21; ⴳⴰⵍ. 1:15; 2:8; ⴰⴼⴰ. 3:8; 1 ⵜⵉⵎ. 2:7. 12 ⵅ ⵙⵙⵉⴱⴱⴻⵜ-ⴰ ⵄⴰⵡⴻⴷ ⴽⵙⵉⵖ ⴰⵔⵎⴻⵃ ⵓ ⵡⴰⵔ ⵜⵜⵙⴻⴹⵃⵉⵖ ⵛⴰ, ⵎⵉⵏⵣⵉ ⵙⵙⵏⴻⵖ ⵎⴰⵏ ⵡⴻⵏ ⵉ ⵣⵉ ⵜⵜⴰⵎⵏⴻⵖ ⵓⵛⴰ ⴰⵇⴰ ⵜⵜⵡⴰⵙⵙⵇⴻⵏⵄⴻⵖ ⴱⴻⵍⵍⵉ ⵏⴻⵜⵜⴰ ⴰⵇⴰ ⵖⴰⵔⴻⵙ ⵚⵚⵓⵍⵟⴰ, ⵎⴰⵃⴻⵏⴷ ⴰⴷ ⵉⵃⴹⴰ ⵉ ⵏⴻⵛⵛ ⴰⴹⵎⴰⵏ ⵉⵏⵓ ⴰⵍ ⴰⵙⵙ ⵏⵏⵉ. 13 ⴻⵊⵊ ⴰⴷ ⵖⴰⵔⴻⴽ ⵉⵇⵇⵉⵎ ⵍⵎⵉⵜⴰⵍ ⵏ ⵡⴰⵡⴰⵍⴻⵏ ⵉⵚⴻⵃⵃⴻⵏ ⵉ ⵣⵣⴰⵢⵉ ⵜⴻⵙⵍⵉⴷ ⵙ ⵍ’ⵉⵎⴰⵏ ⴷ ⵜⴰⵢⵔⵉ ⵉ ⵉⴵⴰⵏ ⴷⵉ ⵢⴰⵙⵓⵄ ⵍⵎⴰⵙⵉⵃ. ◘1:13 2 ⵜⵉⵎ. 3:14. 14 ⵃⴹⴰ ⴰⴹⵎⴰⵏ ⴰⵚⴻⴱⵃⴰⵏ ⵉ ⴷ ⴰⵛ ⵉⵜⵜⵡⴰⵡⴻⴽⴽⵍⴻⵏ ⵙ ⴰⵔⵔⵓⵃ ⵉⵇⴻⴷⴷⵙⴻⵏ ⵏⵏⵉ ⴷⴰⵢⵏⴻⵖ ⵉⵣⴻⴷⴷⵖⴻⵏ.

15 ⴰⵇⴰ ⵜⴻⵙⵙⵏⴻⴷ ⴱⴻⵍⵍⵉ ⵎⴰⵔⵔⴰ ⵉⵏⵏⵉ ⵉⴵⴰⵏ ⴷⵉ ⴰⵙⵉⵢⴰ ⵊⵊⵉⵏ ⴰⵢⵉ, ⵣⵣⴰⵢⵙⴻⵏ ⴼⵉⵅⵉⵍⵓⵙ ⴷ ⵀⵉⵔⵎⵓⵅⵉⵏⵉⵙ. ◘1:15 ⵍⴻⵅ. 19:10. 16 ⴰⴷ ⵢⴰⵔⵣⴻⴼ ⵙⵉⴷⵉⵜⵏⴻⵖ ⵙ ⴰⵔⵔⴻⵃⵎⴻⵜ ⴷⵉ ⵜⴰⴷⴷⴰⵔⵜ ⵏ ⵓⵏⵉⵙⵉⴼⵓⵔⵓⵙ, ⵎⵉⵏⵣⵉ ⵜⵓⵖⴰ ⵉⵙⵙⴰⵔⴻⵢⵢⴻⵃ ⴰⵢⵉ ⴰⵟⵟⴰⵙ ⵏ ⵜⵡⴰⵍⴰⵡⵉⵏ ⵓⵛⴰ ⵡⴰⵔ ⵉⵙⴻⴹⵃⵉ ⵛⴰ ⵣⵉ ⵙⵙⵏⴰⵙⴻⵍ ⵏ ⵜⵎⴻⵃⴱⴰⵙⵜ ⵉⵏⵓ. ◘1:16 2 ⵜⵉⵎ. 4:19. 17 ⵎⴰⵖⴰⵔ ⵍⴰⵎⵉ ⴷⴷ-ⵢⵓⵙⴰ ⵖⴰⵔ ⵔⵓⵎⴰ, ⵜⵓⵖⴰ ⵢⴰⵔⴻⵣⵣⵓ ⵅⴰⴼⵉ ⵙ ⵛⴹⴰⵔⴻⵜ ⴰⵟⵟⴰⵙ ⵓⵛⴰ ⵢⵓⴼⴰ ⴰⵢⵉ. 18 ⴰⴷ ⴰⵙ ⵉⵡⵛ ⵙⵉⴷⵉⵜⵏⴻⵖ, ⴰⵇⴰ ⴰⴷ ⵢⴰⴼ ⴰⵔⵔⴻⵃⵎⴻⵜ ⵖⴰⵔ ⵙⵉⴷⵉⵜⵏⴻⵖ ⴷⴻⴳ ⵡⴰⵙⵙ ⵏⵏⵉ. ⵓⵛⴰ ⵎⴻⵛⵃⴰⵍ ⵉⵙⴻⵅⵅⴰⵔ ⴰⵢⵉ ⴷⵉ ⴰⴼⴰⵙⵓⵙ, ⵛⴻⴽ ⵜⴻⵙⵙⵏⴻⴷ ⴽⵜⴰⵔ.