6
ⵍⵉⵅⴹⴰⵔⴻⵜ ⵏ ⵙⴻⴱⵄⴰ ⵉⵎⵙⴻⵅⵅⴰⵔⴻⵏ ⵏ ⵍⵎⵓⵎⵉⵏⵉⵏ
1 ⴷⴻⴳ ⵡⵓⵙⵙⴰⵏ ⵏⵏⵉ, ⵍⴰⵎⵉ ⵜⵓⵖⴰ ⴽⵜⴰⵔⴻⵏ ⵉⵎⴻⵃⴹⴰⵔⴻⵏ ⴰⵟⵟⴰⵙ, ⴰⵇⴰ ⵉⵎⴻⵃⴹⴰⵔⴻⵏ ⵉⵏⵏⵉ ⵖⴰⵔⵙⴻⵏ ⵉⵍⴻⵙ ⵏ ⵉⵢⵓⵏⴰⵏⵉⵢⵢⴻⵏ ⵄⴻⴽⵙⴻⵏ ⵉⵏⵏⵉ ⵖⴰⵔⵙⴻⵏ ⵉⵍⴻⵙ ⵏ ⵜⵄⵉⴱⵔⴰⵏⵉⵜ ⵎⵉⵏⵣⵉ ⵜⵉⵊⵊⴰⵍ ⵏⵙⴻⵏ ⴼⴰⵔⵔⴹⴻⵏ ⴷⴰⵢⵙⴻⵏⵜ ⴷⵉ ⵜⵙⴻⵅⵅⴰⵔⵜ ⵏ ⵣⵣⴰⴷ ⵏ ⴽⵓⵍ ⴰⵙⵙ. 2 ⵙ ⵓⵢⴰ ⵍⴰⵖⴰⵏ ⵜⴻⵏⵄⴰⵛ ⵏ ⵔⵔⵓⵙⵓⵍ ⵅ ⵎⴰⵔⵔⴰ ⴰⴳⵔⴰⵡ ⵏ ⵉⵎⴻⵃⴹⴰⵔⴻⵏ ⵎⴰⵃⴻⵏⴷ ⴰⴷ ⵎⵓⵏⴻⵏ, ⵏⵏⴰⵏ ⴰⵙⴻⵏ: “ⵡⴰⵔ ⵉⵄⴻⴷⴷⴻⵍ ⴰⴷ ⵏⵙⴻⵅⵅⴰⵔ ⵟⵟⵡⴰⴱⴻⵍ ⵉ ⵎⴰⵛⵛⴰ ⴰⵎ ⵏᵉⵜⵜⴻⵊⵊⴰ ⴷⴻⴳ ⵡⴰⵡⴰⵍ ⵏ ⴰⵔⴻⴱⴱⵉ. ◘6:2 ⵓⴼ. 18:17. 3 ⴰⵔⵣⵓⵎ ⵅⴻⵏⵏⵉ, ⴰ ⴰⵢⵜⵎⴰ, ⵓ ⵅⴹⴰⵔⴻⵎ ⵙⴻⴱⵄⴰ ⵏ ⵢⴻⵔⵢⴰⵣⴻⵏ ⵣⵣⴰⵢⵡⴻⵎ ⵉⵏⵏⵉ ⵖⴰⵔ ⵜⴻⴵⴰ ⵛⵛⵀⴰⴷⴻⵜ ⵜⴻⵛⵏⴰ, ⵛⵛⵓⵔⴻⵏ ⵙ ⴰⵔⵔⵓⵃ ⵏ ⵙⵉⴷⵉ ⴷ ⵜⵉⵖⵉⵜ, ⵓⵛⴰ ⵏⴻⵛⵛⵉⵏ ⴰⴷ ⵜⴻⵏ ⵏⴽⴻⵍⵍⴻⴼ ⵅⴻⵏⵏⵉ ⵙ ⵜⵎⴻⵙⵍⴰⵛⵜ-ⴰ. ◘6:3 ⴰⵄⵡⴷ. 1:13; ⵍⴻⵅ. 1:21; 16:2; 1 ⵜⵉⵎ. 3:7. 4 ⵎⴰⵛⴰ ⵏⴻⵛⵛⵉⵏ ⴰⴷ ⵏⴻⵚⴱⴰⵔ ⴷⵉ ⵜⵥⴰⴵⵉⵜ ⵓ ⴷⵉ ⵜⵙⴻⵅⵅⴰⵔⵜ ⵏ ⵡⴰⵡⴰⵍ.” 5 ⵉⵄⵊⴻⴱ ⵡⴰⵡⴰⵍ-ⴰ ⵉ ⵎⴰⵔⵔⴰ ⵍⵖⴰⵛⵉ ⵓⵛⴰ ⵏⵉⵜⵏⵉ ⵉⵅⴹⴰⵔⴻⵏ ⵙⵜⵉⴼⴰⵏⵓⵙ, ⵉⵊⵊ ⵏ ⵡⴻⵔⵢⴰⵣ ⵉⵛⵛⵓⵔⴻⵏ ⵙ ⵍ’ⵉⵎⴰⵏ ⴷ ⴰⵔⵔⵓⵃ ⵉⵇⴻⴷⴷⵙⴻⵏ, ⵅⴻⵏⵏⵉ ⴼⵉⵍⵉⴱⴱⵓⵙ ⴷ ⴱⵔⵓⵅⵓⵔⵓⵙ ⴷ ⵏⵉⴽⴰⵏⵓⵔ ⴷ ⵜⵉⵎⵓⵏ ⴷ ⴱⴰⵔⵎⵉⵏⴰⵙ ⴷ ⵏⵉⴽⵓⵍⴰⵙ, ⵉⵊⵊ ⵏ ⵓⵎⵄⴰⵛⴰⵔ ⵏ ⴷⴷⵉⵏ ⵏ ⵡⵓⴷⴰⵢⴻⵏ ⵣⵉ ⴰⵏⵜⵉⵢⵓⵅⵉⵢⴰ. ◘6:5 ⵍⴻⵅ. 11:24; 21:8. 6 ⵙⵙⴱⴻⴷⴷⴻⵏ ⵜⴻⵏ ⵇⵉⴱⴰⵍⵜ ⵉ ⵔⵔⵓⵙⵓⵍ ⵓⵛⴰ, ⴰⵡⴰⵔⵏⵉ ⵍⴰⵎⵉ ⵥⵥⵓⴵⴻⵏ, ⵙⵙⴰⵔⵙⴻⵏ ⵅⴰⵙⴻⵏ ⵉⴼⴰⵙⵙⴻⵏ ⵏⵙⴻⵏ. ◘6:6 ⵍⴻⵅ. 1:23; 8:17; 13:3; 1 ⵜⵉⵎ. 4:14; 5:22; 2 ⵜⵉⵎ. 1:6.
7 ⵜⵓⵖⴰ ⴰⵡⴰⵍ ⵏ ⴰⵔⴻⴱⴱⵉ ⵉⴳⴳⴰⵎ ⵓ ⵍⵇⴻⴷⴷ ⵏ ⵉⵎⴻⵃⴹⴰⵔⴻⵏ ⴷⵉ ⵓⵔⵛⴰⵍⵉⵎ ⵜⵓⵖⴰ ⵉⵎⴻⵇⵇⴰⵔ ⴰⵟⵟⴰⵙ. ⵉⵊⵊ ⵏ ⵓⴱⴰⵔⵔⵓ ⴷ ⴰⵎⴻⵇⵇⵔⴰⵏ ⵏ ⵡⵓⴷⴰⵢⴻⵏ ⵉⵟⴰⵄ ⵉ ⵍ’ⵉⵎⴰⵏ. ◘6:7 ⵍⴻⵅ. 19:20.
ⵓⴹⵓⴼ ⵏ ⵙⵜⵉⴼⴰⵏⵓⵙ
8 ⵙⵜⵉⴼⴰⵏⵓⵙ, ⵉⵛⵛⵓⵔ ⵙ ⴰⵔⴹⴰ ⴷ ⵊⵊⴻⵀⴷ, ⵜⵓⵖⴰ ⵉⵜⵜⴻⴳⴳ ⵍⴻⵄⵍⴰⵎⴰⵜ ⴷ ⵍⴻⵄⵊⴰⵢⴻⴱ ⵎⵖⴰⵔⴻⵏⵜ ⵊⴰⵔ ⵍⴳⴻⵏⵙ. 9 ⴽⴽⴰⵔⴻⵏ ⵢⴻⵔⵢⴰⵣⴻⵏ ⵣⵉ ⵜⴻⵎⵣⵉⴷⴰ ⵓⵎⵉ ⵇⵇⴰⵔⴻⵏ ‘ⴰⵍⵉⴱⴻⵔⵜⵉⵏⵓ’, ⵉⵔⵢⴰⵣⴻⵏ ⵣⵉ ⵇⴰⵢⵔⴰⵡⴰⵏ ⴷ ⵉⵙⴽⴰⵏⴷⴰⵔⵉⵢⵢⴰ, ⵓⵍⴰ ⵣⵉ ⴽⵉⵍⵉⴽⵉⵢⴰ ⴷ ⴰⵙⵉⵢⴰ, ⵓⵛⴰ ⵏⵉⵜⵏⵉ ⵜⵓⵖⴰ ⵜⵜⵇⴰⵛⴰⵃⴻⵏ ⵙⵜⵉⴼⴰⵏⵓⵙ. ◼6:9 ⴰⵍⵉⴱⴻⵔⵜⵉⵏⵓ - ⵉⵡⴷⴰⵏ ⵇⵇⴰⵔⴻⵏ ⴱⴻⵍⵍⵉ ⵉⵍⵉⴱⵉⵔⵜⵉⵏⵉⵢⵢⴻⵏ ⴷ ⵛⴰ ⵏ ⵉⵙⵔⴰⵉⵍⵉⵢⵢⴻⵏ ⵉ ⵜⵓⵖⴰ ⵃⴻⴱⴱⵙⴻⵏ-ⵜⴻⵏ ⵉⵔⵓⵎⴰⵏⵉⵢⵢⴻⵏ ⵉⵡⵢⴻⵏ ⵜⴻⵏ ⵖⴰⵔ ⵜⴻⵏⴷⵉⵏⵜ ⵏ ⵔⵓⵎⴰ. ⵎⴻⵏⴱⴰⵄⴷ ⴹⴻȓⵇⴻⵏ-ⴰⵙⴻⵏ-ⴷⴷ, ⵙⵙⵓⴼⵖⴻⵏ-ⵜⴻⵏ ⵣⵉ ⵔⵓⵎⴰ, ⵓⵛⴰ ⵄⴻⵇⴱⴻⵏ-ⴷⴷ ⵖⴰⵔ ⵉⵙⵔⴰⵉⵍ ⴷ ⵉⵎⵓⵛⴰⵏ ⵏⵏⴻⵖⵏⵉ. (ⵍⴻⵅ. 6:9). 10 ⵎⴰⵛⴰ ⵡⴰⵔ ⵣⴻⵎⵎⴰⵔⴻⵏ ⴰⴷ ⵄⴻⴽⵙⴻⵏ ⵜⵉⵖⵉⵜ ⴷ ⴰⵔⵔⵓⵃ ⵉ ⵣⵣⴰⵢⴻⵙ ⵜⵓⵖⴰ ⵉⵙⵙⴰⵡⴰⵍ. ◘6:10 ⵓⴼ. 4:12; ⵉⵛⴰ. 54:17; ⵍⴽ. 21:15. 11 ⵍⴻⵅⴷⴻⵏⵏⵉ ⵙⵙⴻⴽⴽⴻⵏ ⵉⵔⵢⴰⵣⴻⵏ, ⵄⴰⵔⵔⵏⴻⵏ ⵜⴻⵏ ⵎⴰⵃⴻⵏⴷ ⴰⴷ ⵉⵏⵉⵏ: “ⴰⵇⴰ ⵏⴻⵙⵍⴰ ⴰⵙⴻⵏ ⵙⵙⴰⵡⴰⵍⴻⵏ ⵙ ⵡⴰⵡⴰⵍⴻⵏ ⵉⵛⴻⵇⵇⴼⴻⵏ ⴷⵉ ⵎⵓⵙⴰ ⵓ ⴷⵉ ⴰⵔⴻⴱⴱⵉ!” ◘6:11 ⵎⵜ. 26:59. 12 ⴰⵇⴰ ⵙⵙⵖⴻⵡⵡⵖⴻⵏ ⵍⴳⴻⵏⵙ ⴷ ⵉⵎⵖⴰⵔⴻⵏ ⵏ ⵍⴳⴻⵏⵙ ⴷ ⵉⵎⵙⴻⵍⵎⴰⴷⴻⵏ ⵏ ⵉⴷⵍⵉⵙⴻⵏ ⵓⵛⴰ ⵓⵎⵉ ⵅⴰⵙ ⴷⴷ-ⴷⴷⵓⵇⵇⵣⴻⵏ, ⵟⵟⴼⴻⵏ ⵜ, ⵏⴻⴷⵀⴻⵏ ⵜ ⵖⴰⵔ ⵊⵎⴰⵄⴻⵜ ⵜⴰⵎⴻⵇⵇⵔⴰⵏⵜ. 13 ⴳⴳⵉⵏ ⵍⴻⵛⵀⵓⴷ ⵉⵙⵙⵅⴰⵔⵔⵉⵇⴻⵏ, ⵉⵏⵏⵉ ⵉⵏⵏⴰⵏ: “ⴱⵏⴰⴷⴻⵎ-ⴰ ⵡⴰⵔ ⵉⵙⵙⴱⴻⴷⴷⵉ ⴰⴷ ⵉⵛⴻⵇⵇⴻⴼ ⴷⵉ ⵛⵛⴰⵔⵉⵄⴰ ⵓ ⴷⴻⴳ ⵡⴻⵎⵛⴰⵏ-ⴰ ⵉⵇⴻⴷⴷⵙⴻⵏ, 14 ⵎⵉⵏⵣⵉ ⵏⴻⵙⵍⴰ ⴰⵙ ⵉⵇⵇⴰⵔ ⴱⴻⵍⵍⵉ ⵢⴰⵙⵓⵄ ⵏⵏⴰⵚⵉⵔⵉ ⵡⴰⵏⵉⵜⴰ ⴰⴷ ⵢⴰⵔⴻⴷⴷⴻⴵ ⴰⵎⵛⴰⵏ-ⴰ, ⴰⴷ ⵉⴱⴻⴷⴷⴻⵍ ⵟⵟⴱⴰⵢⴻⵄ ⵉ ⴷ ⴰⵏⴻⵖ ⵉⵡⵛⴰ ⵎⵓⵙⴰ.”
15 ⵎⴰⵔⵔⴰ ⵉⵏⵏⵉ ⵜⵓⵖⴰ ⵖⴰⵔ ⵉⴵⴰ ⵍⴽⵓⵔⵙⵉ ⴷⵉ ⵊⵎⴰⵄⴻⵜ ⵜⴰⵎⴻⵇⵇⵔⴰⵏⵜ, ⵃⴻⴽⴽⴰⵔⴻⵏ ⴷⴰⵢⴻⵙ ⵓ ⵥⵔⵉⵏ ⴰⵖⴻⵎⴱⵓⴱ ⵏⵏⴻⵙ ⴰⵎ ⵓⵖⴻⵎⴱⵓⴱ ⵏ ⵉⵊⵊ ⵏ ⵍⵎⴰⵍⴰⴽ.
◘6:3 6:3 ⴰⵄⵡⴷ. 1:13; ⵍⴻⵅ. 1:21; 16:2; 1 ⵜⵉⵎ. 3:7.
◘6:5 6:5 ⵍⴻⵅ. 11:24; 21:8.
◘6:6 6:6 ⵍⴻⵅ. 1:23; 8:17; 13:3; 1 ⵜⵉⵎ. 4:14; 5:22; 2 ⵜⵉⵎ. 1:6.
◘6:7 6:7 ⵍⴻⵅ. 19:20.
◼6:9 6:9 ⴰⵍⵉⴱⴻⵔⵜⵉⵏⵓ - ⵉⵡⴷⴰⵏ ⵇⵇⴰⵔⴻⵏ ⴱⴻⵍⵍⵉ ⵉⵍⵉⴱⵉⵔⵜⵉⵏⵉⵢⵢⴻⵏ ⴷ ⵛⴰ ⵏ ⵉⵙⵔⴰⵉⵍⵉⵢⵢⴻⵏ ⵉ ⵜⵓⵖⴰ ⵃⴻⴱⴱⵙⴻⵏ-ⵜⴻⵏ ⵉⵔⵓⵎⴰⵏⵉⵢⵢⴻⵏ ⵉⵡⵢⴻⵏ ⵜⴻⵏ ⵖⴰⵔ ⵜⴻⵏⴷⵉⵏⵜ ⵏ ⵔⵓⵎⴰ. ⵎⴻⵏⴱⴰⵄⴷ ⴹⴻȓⵇⴻⵏ-ⴰⵙⴻⵏ-ⴷⴷ, ⵙⵙⵓⴼⵖⴻⵏ-ⵜⴻⵏ ⵣⵉ ⵔⵓⵎⴰ, ⵓⵛⴰ ⵄⴻⵇⴱⴻⵏ-ⴷⴷ ⵖⴰⵔ ⵉⵙⵔⴰⵉⵍ ⴷ ⵉⵎⵓⵛⴰⵏ ⵏⵏⴻⵖⵏⵉ. (ⵍⴻⵅ. 6:9).
◘6:10 6:10 ⵓⴼ. 4:12; ⵉⵛⴰ. 54:17; ⵍⴽ. 21:15.