1 ⵡⴻⴽⴽⵍⴻⵖ ⴰⵡⴻⵎ ⵓⵍⵜⵎⴰⵜⵏⴻⵖ ⴼⵓⴱⵉ, ⵜⴻⵏⵏⵉ ⴷ ⵜⴰⵎⵙⴻⵅⵅⴰⵔⵜ ⵏ ⵜⵎⴻⵙⵎⵓⵏⵜ ⴷⵉ ⴽⵉⵏⵅⵔⵉⵢⵓⵙ, 2 ⵃⵉⵎⴰ ⴰⴷ ⵣⵣⴰⵢⴻⵙ ⵜⴰⵔⴻⵃⵃⴱⴻⵎ ⴷⵉ ⵙⵉⴷⵉⵜⵏⴻⵖ, ⴰⵎ ⵎⴰⵎⵎⴻⵛ ⵉⵜⵜⵍⵉⵇ ⵉ ⵉⵎⵇⴻⴷⴷⴰⵙⴻⵏ, ⵓⵛⴰ ⴰⴷ ⵜⵜ ⵜⵄⴰⵡⵏⴻⵎ ⴷⵉ ⵎⴰⵔⵔⴰ ⵎⵉⵏ ⵣⵣⴰⵢⵡⴻⵎ ⵜᵉⵜⵜⴰⵔ ⵏⴻⵜⵜⴰⵜ, ⵎⵉⵏⵣⵉ ⴰⵇⴰ ⵜⵄⴰⵡⴻⵏ ⴰⵟⵟⴰⵙ, ⵓⵍⴰ ⵍⴰ ⴷ ⵏⴻⵛⵛ.

3 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴱⵔⵉⵙⴽⵉⵍⵍⴰ ⴷ ⴰⴽⵡⵉⵍⴰ, ⵉⵏⵏⵉ ⴷ ⵉⵎⵙⴻⵅⵅⴰⵔⴻⵏ ⴰⴽⵉⴷⵉ ⴷⵉ ⵢⴰⵙⵓⵄ ⵍⵎⴰⵙⵉⵃ, ◘16:3 ⵍⴻⵅ. 18:2, 26. 4 ⵏⵉⵜⵏⵉ ⵙⴻⴱⴱⵍⴻⵏ ⵜⵓⴷⴰⵔⵜ ⵏⵙⴻⵏ ⵅ ⵙⵙⵉⴱⴱⴻⵜ ⵉⵏⵓ. ⵡⴰⵔ ⴵⵉⵖ ⴷ ⵏⴻⵛⵛ ⵡⴰⵀⴰ ⵡⴻⵏⵏⵉ ⵜⴻⵏ ⵉⵜⵜⵇⴰⴷⴰⵏ, ⵎⴰⵛⴰ ⵄⴰⵡⴻⴷ ⵎⴰⵔⵔⴰ ⵜⵉⵎⴻⵙⵎⵓⵏⵉⵏ ⵏ ⵍⴻⴳⵏⵓⵙ.

5 ⵙⴻⴵⵎⴻⵎ ⵄⴰⵡⴻⴷ ⵙ ⵍⴻⵀⵏⴰ ⵅ ⵜⵎⴻⵙⵎⵓⵏⵜ ⵜⴻⵏⵏⵉ ⴷⵉ ⵜⴰⴷⴷⴰⵔⵜ ⵏⵙⴻⵏ.

ⵙⴻⴵⵎⴻⵎ ⵅ ⵉⴱⴰⵏⵉⵜⵓⵙ, ⴰⵎⵄⵉⵣⵣ ⵉⵏⵓ, ⵙ ⵍⴻⵀⵏⴰ. ⵏⴻⵜⵜⴰ ⴷ ⵚⵚⴰⴱⴻⵜ ⵜⴰⵎⴻⵣⵡⴰⵔⵓⵜ ⵏ ⴰⵅⴰⵢⴰ ⴷⵉ ⵍⵎⴰⵙⵉⵃ.

6 ⵙⴻⴵⵎⴻⵎ ⵅ ⵎⴰⵔⵉⵢⴰ ⵙ ⵍⴻⵀⵏⴰ. ⵏⴻⵜⵜⴰ ⵜⵓⵖⴰ ⵜᵉⵜⵜⴰⵎⴰⵔ ⴰⵟⵟⴰⵙ ⵅⴰⵡⴻⵎ.

7 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴰⵏⴷⵔⵓⵏⵉⴽⵓⵙ ⴷ ⵢⵓⵏⵉⵢⴰⵙ ⵉⵏⵏⵉ ⴷ ⵔⴰⴵ ⵉⵏⵓ ⴷ ⵉⵎⴻⵃⴱⴰⵙ ⴰⴽⵉⴷⵉ, ⴰⵇⴰ ⴰⵜⴻⵏ ⴷ ⵉⵔⵢⴰⵣⴻⵏ ⵉⵜⵜⵡⴰⵙⵙⵏⴻⵏ ⵖⴰⵔ ⵔⵔⵓⵙⵓⵍ, ⵜⵓⵖⴰ ⴰⵜⴻⵏ ⴷⵉ ⵍⵎⴰⵙⵉⵃ ⵇⴱⴻⵍ ⵅⴰⴼⵉ.

8 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴰⵎⴱⵍⵉⵢⴰⵙ, ⴰⵎⵄⵉⵣⵣ ⵉⵏⵓ ⴷⵉ ⵙⵉⴷⵉⵜⵏⴻⵖ.

9 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⵓⵔⴱⴰⵏⵓⵙ, ⵡⴻⵏⵏⵉ ⴷ ⴰⵎⵙⴻⵅⵅⴰⵔ ⴰⴽⵉⴷⵏⴻⵖ ⴷⵉ ⵍⵎⴰⵙⵉⵃ,

ⵓ ⵅ ⴰⵙⵜⴰⵅⵉⵙ ⴰⵎⵄⵉⵣⵣ ⵉⵏⵓ.

10 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴰⴱⵉⵍⵍⵉⵙ ⵡⴻⵏⵏⵉ ⵉⵜⵜⵡⴰⴼⴰⵔⵣⴻⵏ ⴷⵉ ⵙⵉⴷⵉⵜⵏⴻⵖ.

ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴰⵢⵜⴱⴰⴱ ⵏ ⵜⴰⴷⴷⴰⵔⵜ ⵏ ⴰⵔⵉⵙⵜⵓⴱⵓⵍⵓⵙ.

11 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⵀⵉⵔⵓⴷⵉⵢⵓⵏ ⵡⴻⵏⵏⵉ ⴷ ⵍⴰⴵ ⵉⵏⵓ.

ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴰⵢⵜⴱⴰⴱ ⵏ ⵜⴰⴷⴷⴰⵔⵜ ⵏ ⵏⴰⵔⴽⵉⵙⵙⵓⵙ ⵉⵏⵏⵉ ⵉⴵⴰⵏ ⴷⵉ ⵙⵉⴷⵉⵜⵏⴻⵖ. 12 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⵜⴰⵔⵉⴼⵉⵏⴰ ⴷ ⵜⴰⵔⵉⴼⵓⵙⴰ, ⵜⵉⵏⵏⵉ ⵉⵜⵜⴰⵎⴰⵔⴻⵏ ⴷⵉ ⵙⵉⴷⵉⵜⵏⴻⵖ.

ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴱⴰⵔⵙⵉⵙ, ⴰⵎⵄⵉⵣⵣ ⵉⵏⵓ, ⵡⴻⵏⵏⵉ ⵉⵜⵜⴰⵎⴰⵔⴻⵏ ⴰⵟⵟⴰⵙ ⴷⵉ ⵙⵉⴷⵉⵜⵏⴻⵖ.

13 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⵔⵓⴼⵓⵙ ⵡⴻⵏⵏⵉ ⵉⵜⵜⵡⴰⴼⴰⵔⵣⴻⵏ ⴷⵉ ⵙⵉⴷⵉⵜⵏⴻⵖ, ⵓⵍⴰ ⵅ ⵢⴻⵎⵎⴰⵙ ⵜⴻⵏⵏⵉ ⵄⴰⵡⴻⴷ ⴰⵎ ⵢⵉⵛⵜ ⵏ ⵢⴻⵎⵎⴰ ⵉ ⵏⴻⵛⵛ.

14 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴰⵙⵉⵏⴽⵔⵉⵜⵓⵙ, ⴼⵍⵉⴳⵓⵏ, ⵀⵉⵔⵎⴰⵙ, ⴱⴰⵜⵔⵓⴱⴰⵙ, ⵀⵉⵔⵎⵉⵙ ⵓⵛⴰ ⵅ ⵡⴰⵡⵎⴰⵜⴻⵏ ⵉⵏⵏⵉ ⴰⴽⵉⴷⵙⴻⵏ.

15 ⵙⴻⴵⵎⴻⵎ ⵙ ⵍⴻⵀⵏⴰ ⵅ ⴼⵉⵍⵓⵍⵓⵖⵓⵙ ⴷ ⵊⵓⵍⵉⵢⴰ ⴷ ⵏⵉⵔⵉⵢⵓⵙ ⴷ ⵓⵍⵜⵎⴰⵙ, ⴷ ⵓⵍⵉⵎⴱⴰⵙ ⴷ ⵎⴰⵔⵔⴰ ⵉⵎⵇⴻⴷⴷⴰⵙⴻⵏ ⵉⵏⵏⵉ ⴰⴽⵉⴷⵙⴻⵏ.

16 ⵙⴻⴵⵎⴻⵎ ⵅ ⵡⴰⵢⴰⵡⵢⴰ ⵙ ⵓⵙⵓⴷⴻⵎ ⵉⵇⴻⴷⴷⵙⴻⵏ.

ⵎⴰⵔⵔⴰ ⵜⵉⵎⴻⵙⵎⵓⵏⵉⵏ ⵏ ⵍⵎⴰⵙⵉⵃ ⵎⴰⵔⵔⴰ ⵜⵜⵙⴻⴵⴰⵎⴻⵏⵜ ⵅⴰⵡⴻⵎ. ◘16:16 1 ⴽⵓⵔ. 16:20; 2 ⴽⵓⵔ. 13:12; 1 ⵜⵙ. 5:26; 1 ⴱⵟ. 5:14.

17 ⵎⴰⵛⴰ ⵜⵜⵣⴰⵡⴰⴳⴻⵖ ⴽⴻⵏⵏⵉⵡ, ⴰ ⴰⵢⵜⵎⴰ, ⵎⴰⵃⴻⵏⴷ ⴰⴷ ⵜⴻⵃⴹⴰⵎ ⵣⵉ ⵡⵉ ⵉⵜⵜⴻⴳⴳⴻⵏ ⴰⵎⵙⴻⴱⴹⵉ ⴷ ⵜⵄⵉⵏⴽⵔⵉⴼⵉⵏ, ⴱⴰⵔⵔⴰ ⵉ ⵜⵖⵓⵔⵉ ⵉ ⵜⴻⵖⵔⵉⵎ. ⴱⴻⵄⵄⴷⴻⵎ ⵅⴰⵙⴻⵏ. ◘16:17 ⵎⵜ. 18:17; ⴽⵓⵍ. 2:8; 2 ⵜⵙ. 3:6; 2 ⵜⵉⵎ. 3:5; ⵜⵉⵜ. 3:10; 2 ⵢⵃ. 10. 18 ⵎⵉⵏⵣⵉ ⴰⵎ ⵢⵉⵏⴰ ⵡⴰⵔ ⵙⴻⵅⵅⴰⵔⴻⵏ ⵛⴰ ⵉ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ, ⵎⴰⵛⴰ ⵉ ⵓⵄⴻⴷⴷⵉⵙ ⵏⵙⴻⵏ. ⵙ ⵍⴻⵀⵔⵓⴷ ⵉⵚⴻⴱⵃⴻⵏ ⴷ ⵡⴰⵡⴰⵍⴻⵏ ⵉⵣⴻⵡⵡⵇⴻⵏ ⵅⴻⴷⴷⵄⴻⵏ ⵓⵍⴰⵡⴻⵏ ⵏ ⵉⵃⴰⴼⵉⵢⵢⴻⵏ. ◘16:18 ⵃⵉⵥ. 13:18; ⴼⵉⵍ. 3:19. 19 ⵎⵉⵏⵣⵉ ⵟⵟⴰⵄⴻⵜ ⵏⵡⴻⵎ ⵜᵉⵜⵜⵡⴰⵙⵙⴻⵏ ⵖⴰⵔ ⵎⴰⵔⵔⴰ ⵉⵡⴷⴰⵏ. ⵙ ⵓⵢⴻⵏⵏⵉ ⴼⴰⵔⵃⴻⵖ ⵣⵣⴰⵢⵡⴻⵎ, ⵎⴰⵛⴰ ⵅⵙⴻⵖ ⴰⴷ ⵜⵉⵍⵉⵎ ⴷ ⵉⵎⵉⵖⵉⵙⴻⵏ ⴷⵉ ⵜⵛⵓⵏⵉ ⵓⵍⴰ ⴷ ⵉⵎⴻⵣⴷⴰⴳⴻⵏ ⵣⵉ ⵍⵖⴰⵔ. ◘16:19 ⵎⵜ. 10:16; 1 ⴽⵓⵔ. 14:20. 20 ⴰⵔⴻⴱⴱⵉ ⵏ ⵍⴻⵀⵏⴰ ⴰⴷ ⵉⵜⴻⵃⵃⴰ ⵛⵛⵉⵟⴰⵏ ⵙⴰⴷⵓ ⵉⴹⴰⵔⴻⵏ ⵏⵡⴻⵎ ⴷⴻⵖⵢⴰ. ⴰⵔⴹⴰ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⴰⴷ ⴽⵉⵡⴻⵎ ⵢⵉⵍⵉ. ⴰⵎⵉⵏ.

21 ⵜⵉⵎⵓⵜⵉⵢⵓ, ⵡⴻⵏⵏⵉ ⴷ ⴰⵎⵙⴻⵅⵅⴰⵔ ⴰⴽⵉⴷⵉ, ⵉⵜⵜⵙⴻⴵⴰⵎ-ⴷⴷ ⵅⴰⵡⴻⵎ ⵙ ⵍⴻⵀⵏⴰ,

ⵓⵍⴰ ⴷ ⵉⵏⵏⵉ ⵣⵉ ⵍⴰⴵ ⵉⵏⵓ: ⵍⵓⴽⵉⵢⵓⵙ ⴷ ⵢⴰⵙⵓⵏ ⴷ ⵙⵓⵙⵉⴱⴰⵜⵔⵓⵙ. ◘16:21 ⵍⴻⵅ. 13;1; 16:1; 17:5; 20:4; ⴼⵉⵍ. 2:19; ⴽⵓⵍ. 1:1; 1 ⵜⵙ. 3:2; 1 ⵜⵉⵎ. 1:2.

22 ⵏⴻⵛⵛ, ⵜⴰⵔⵜⵉⵢⵓⵙ, ⵡⴻⵏⵏⵉ ⵢⵓⵔⴰⵏ ⵜⴰⴱⵔⴰⵜ-ⴰ, ⵜⵜⵙⴻⴵⴰⵎⴻⵖ ⵅⴰⵡⴻⵎ ⴷⵉ ⵙⵉⴷⵉⵜⵏⴻⵖ ⵙ ⵍⴻⵀⵏⴰ.

23 ⵉⵜⵜⵙⴻⴵⴰⵎ-ⴷⴷ ⵅⴰⵡⴻⵎ ⵅⴰⵢⵓⵙ ⵙ ⵍⴻⵀⵏⴰ. ⵏⴻⵜⵜⴰ ⵢⴰⵔⴻⵃⵃⴻⴱ ⵣⵣⴰⵢⵉ ⵓⵍⴰ ⵣⵉ ⵜⵎⴻⵙⵎⵓⵏⵜ ⵎⴰⵔⵔⴰ.

ⵜⵜⵙⴻⴵⴰⵎⴻⵏ-ⴷⴷ ⵅⴰⵡⴻⵎ ⵉⵔⴰⵙⵜⵓⵙ, ⵡⴻⵏⵏⵉ ⵅ ⵙⵙⴻⵏⴷⵓⵇ ⵏ ⵜⴻⵏⴷⵉⵏⵜ, ⴷ ⴽⵡⴰⵔⵜⵓⵙ, ⵜⴰⵡⵎⴰⵜ. ◘16:23 ⵍⴻⵅ. 19:22; 2 ⵜⵉⵎ. 4:20.

24 ⵉ ⵡⴻⵏⵏⵉ ⵖⴰⵔ ⵜⴻⴵⴰ ⵚⵚⵓⵍⵟⴰ ⵎⴰⵃⴻⵏⴷ ⴰⴷ ⴽⴻⵏⵏⵉⵡ ⵉⴹⵎⴻⵏ ⵄⵍⴰⵃⵙⴰⴱ ⵍ’ⵉⵏⵊⵉⵍ ⵉⵏⵓ - ⵍ’ⵉⵏⵊⵉⵍ ⵉ ⵉⵜⵜⵡⴰⴱⴰⵔⵔⵃⴻⵏ ⵣⵉ ⵊⵊⵉⵀⴻⵜ ⵏ ⵢⴰⵙⵓⵄ ⵍⵎⴰⵙⵉⵃ ⵄⵍⴰⵃⵙⴰⴱ ⴰⵙⴰⵔⴳⴰⴱ ⵏ ⵙⵙⵉⵔⵔ ⵏⵏⵉ ⵜⵓⵖⴰ ⵉⵏⵏⵓⴼⴰⵔⴻⵏ ⴷⵉ ⵣⵣⵎⴰⵏⴰⵜ ⵏ ⵣⵉⵛ, 25 ⵎⴰⵛⴰ ⴰⵇⴰ ⵉⵜⵜⵡⴰⵙⵙⴻⴹⵀⴰⵔ-ⴷⴷ ⵍⴻⵅⵅⵓ ⵙ ⵜⵉⵔⴰ ⵉⵇⴻⴷⴷⵙⴻⵏ ⵙ ⵓⴼⵓⵙ ⵏ ⵉⵏⴰⴱⵉⵢⵢⴻⵏ, ⵓⵛⴰ ⵉⵜⵜⵡⴰⵙⵙⵛⴻⵏ ⵉ ⵎⴰⵔⵔⴰ ⵍⴻⴳⵏⵓⵙ ⵄⵍⴰⵃⵙⴰⴱ ⵍⵓⵎⵓⵔ ⵏ ⴰⵔⴻⴱⴱⵉ, ⵡⴻⵏⵏⵉ ⵉⴵⴰⵏ ⵉ ⵍⴻⴱⴷⴰ, ⴰⵍⴰⵎⵉ ⴷ ⴰⵙ ⵖⴰ ⵟⵟⴰⵄⴻⵏ ⵍⴻⴳⵏⵓⵙ ⵙ ⵍ’ⵉⵎⴰⵏ - ◘16:25 ⴰⴼⴰ. 1:9; 3:9, 20; ⴽⵓⵍ. 1:26; 2 ⵜⵉⵎ. 1:10; ⵜⵉⵜ. 1:2; 1 ⴱⵟ. 1:20. 26 ⴰⵇⴰ ⵉ ⵏⴻⵜⵜⴰ ⵡⴻⵏⵏⵉ ⴷ ⴱⴰⴱ ⵏ ⵜⵉⵖⵉⵜ ⵡⴻⵃⵃⴷⴻⵙ, ⵉ ⵏⴻⵜⵜⴰ ⵓⵎⵉ ⵖⴰ ⵢⵉⵍⵉ ⵓⵄⵓⴵⵉ ⵙ ⵢⴰⵙⵓⵄ ⵍⵎⴰⵙⵉⵃ ⵉ ⵍⴻⴱⴷⴰ ⵇⴰⵄ. ⴰⵎⵉⵏ.

27 ⴰⵔⴹⴰ ⵏ ⵙⵉⴷⵉⵜⵏⴻⵖ ⵢⴰⵙⵓⵄ ⵍⵎⴰⵙⵉⵃ ⴰⴷ ⴽⵉⵡⴻⵎ ⵢⵉⵍⵉ ⵎⴰⵔⵔⴰ. ⴰⵎⵉⵏ.