7
Sa Inavoso te Ehazi sa Baṉara pa Ziuda
Sipu koa baṉara pa Ziuda se Ehazi sa tuna e Zotamu sapu sa tuna e Uzaea, si topue la pude raza ia sa sa vasileana Zerusalema se Rezini sa baṉara pa Siria, meke e Peka sa tuna e Remalia, sa baṉara pa Izireli, ba lopu boka va kilasia rini si asa.* 2 Baṉ 16:5; 2 Koron 28:5-6
Ego sa baṉara pa Ziuda si ta tozi sapu, “Sa qeto minate te Siria si ele variva egoi la koari pa Iparemi,” gua. Ke sa bulona e Ehazi meke tadi kasa nana tinoni si neneqara, na matagutu, gua ri na huda sapu niniu totoso givusi.
Ke zama se Zihova koe Aisea, “Mu la, agoi meke sa tumu koreo se Seara Zasubi* Sa ginuana sa pozana Seara Zasubi si “Sari tie koa holadi si kaqu pule mae.”, mamu tutuvia se Ehazi pa siraṉa la pa vasina ṉuzapa va popa poko vulu vaquradi sari tie, tata koasa gineli kolo sapu vagi kolo koasa Kopi Kali Sage. Mamu tozi nia si asa, ‘Mu kopu, mamu lopu matagutu. Lopu talotaṉa nia sa tinaṉaziri tadi Rezini meke Peka, sari karua huda itito matedi arini. Uve, sari baṉara pa Siria meke Izireli si ele kuhana nigo rini, meke zama, “Aria mada la rapatia si pa Ziuda; mada la teuru pania meke vari paqaha rua nia pude na nada, meke mada va baṉaria sa tuna e Tabili vasina,” gua.’ Ba gua hie si zama nia e Zihova Baṉara:
‘Sa rinapata si lopu kaqu gorevura,
lopu kaqu ta evaṉa si asa.
Ura sa ṉiniraṉira te Siria si pa Damasikasi mo, sa nana vasileana nomana,
meke sa ṉiniraṉira te Damasikasi si koe Rezini, sa nana baṉara.
Meke pa korapana onomo ṉavulu lima vuaheni,
si kote ta huara inete se Izireli, meke lopu kote koa hola guana butubutu tinoni.
Sa ṉiniraṉira te Izireli si koe Sameria, sa nana vasileana nomana,
meke sa ṉiniraṉira te Sameria si koasa nana baṉara, se Peka sa tuna koreo e Remalia.
Be lopu turu va ṉiṉira si agoi koasa mua rinaṉeraṉe,
si lopu kaqu boka va turu va nabu igo Arau,’ gua si Asa.”
Sa Vina Gilagilana sa Pozana Imanuela
10 Meke zama pule se Zihova koe Ehazi, 11 “Mu tepa la nia koe Zihova si keke vina gilagila, be lohi hola nia sa sa popoa tadi tie matedi, babe ululu hola nia sa maṉauru.”
12 Ba olaṉa se Ehazi, “Lopu kaqu tepa si rau; na koroqu podekia rau se Zihova.”
13 Ke zama se Aisea: Va avoso, agoi sa tuna Devita! Vegua, lopu ele pada mo sapu hoke va maboi goi sari tie? Vegua kaqu va maboa tugo goi sa Tamasa? 14 Ego, e Zihova telena kote poni igo si keke vina gilagila: Keke vineki vaqura* Sa zinama Hiburu sapu ta ilirae vineki vaqura sa ginuana sa si boka la gua pa barikaleqe vaqura meke vineki vaqura tugo. Sa ginuana vineki tavilolosona si mae gua pa zinama Quriki koari na Kinubekubere Hope Vaqura. si kote aritiana meke kote podoa sa si keke tuna koreo, meke kote poza nia Imanuela* Sa ginuana sa pozana Imanuela si, “Tamasa si koa koa gita.” sa si Asa.* Mt 1:23 15 Kote napo meleke meke hena zipale* Zama nia Aisea sapu lopu sana kote podalae si keke totoso tasuna. Pa binalabala tadirini meleke meke zipale sina ginani leadi pu kote henai sa koburu sina lopu soku tie koa holadi koasa popoa. si asa pana ele tumae nia sa pude veko pania sapu seana meke vizatia sapu toṉoto. 16 Ba sipu lopu ele tumae nia sa koreo pude veko pania sapu seana meke vizatia sapu toṉoto, si sari pepeso tadi karua baṉara saripu matagutu ni goi si kote ta huara ilasa. 17 “Meke kote va kamo nia e Zihova koa goi, mua butubutu, meke koasa mua tatamana, si keke totoso sapu lopu ele gua, seunae gua paqaha se Iparemi koe Ziuda. Kote garunu mae nia Sa sa baṉara pa Asiria.”
18 Koasa rane asa si kote hiovo la se Zihova, meke tioki sari dodoa pa kali tototolo pa Izipi meke sari na zipale pa popoa Asiria. 19 Kote rovana mae si arini meke koa koari na tabahoara, na bae patu, na hiqohiqo rakihi, meke tata koari na kopi. 20 Koasa rane asa si kote tabaria e Zihova si keke tie kotokoto kalu pa kali la pa Ovuku Iuparetisi, sa baṉara pa Asiria, pude neri ia sa batumu meke sari kalu pa nenemu, meke pude pana pania sa gumimu tugo. 21 Koasa rane asa si pude bokaboka keke tie, meke kote boka kopu nia na va toa hola ia si keke bulumakao meke karua qoti. 22 Gua ba kote soku pada mo sa meleke ta vagi koa rini, meke kote hena meleke nadina si asa. Arini pu koa hola pa pepeso si kote hena meleke nadina meke zipale. 23 Koasa rane asa, koari na inuma vaeni taguedi, sapu koa i na tina vaeni sapu pada keke tina siliva hinoludi, si kote toqolo siṉi na hiqohiqo rakihi. 24 Na tie hukue si kote la vasina, taṉini na dia bokala na tupi, ura sa pepeso si kote tale hiqohiqo rakihina. 25 Sari na toqere sapu masurudi meke hoke koa i na inuma si kote koa i na hiqohiqo rakihi; kote na vasina tadi na bulumakao, sipi, meke qoti pude koa gani duduli.

*7:1 2 Baṉ 16:5; 2 Koron 28:5-6

*7:3 Sa ginuana sa pozana Seara Zasubi si “Sari tie koa holadi si kaqu pule mae.”

*7:14 Sa zinama Hiburu sapu ta ilirae vineki vaqura sa ginuana sa si boka la gua pa barikaleqe vaqura meke vineki vaqura tugo. Sa ginuana vineki tavilolosona si mae gua pa zinama Quriki koari na Kinubekubere Hope Vaqura.

*7:14 Sa ginuana sa pozana Imanuela si, “Tamasa si koa koa gita.”

*7:14 Mt 1:23

*7:15 Zama nia Aisea sapu lopu sana kote podalae si keke totoso tasuna. Pa binalabala tadirini meleke meke zipale sina ginani leadi pu kote henai sa koburu sina lopu soku tie koa holadi koasa popoa.