12
Na Kinera Vinahesi
Koasa rane asa si kote zama si agoi:
“Zihova, maqu vahesi Igo.
Na bugoro nau Goi si arau,
ba ele rizu taloa sa Mua tinaṉaziri
meke kamahire si va manotau Goi si arau.
Hinokara na qua hinarupu sa Tamasa;* Ekd 15:2; Sam 118:14
Kote raṉea arau meke lopu kote koa matagutu.
E Zihova, e Zihova, sa qua ṉiniraṉira meke sa qua kinera;
Asa si na qua hinarupu.”
Pa qinetuqetu si kote kave vagi kolo napo si goi
koasa berukehe tinaharupu!
Koasa rane asa si kote zama si agoi:
“Zama leana la koe Zihova, tepa tinokae koasa Pozana;
tozi va avoso lani koari na butubutu sari Nana tinavete,
mamu va lavatia sa Pozana.
Mi kera la koe Zihova, sina sari na tinavete variva magasadi si taveti Sa;
vata gilana nia koasa doduruna sa kasia popoa sa inavoso hie.
Mi kukili vala beto na kera qetuqetu, gamu tie pa Zaione,
ura tava lavata si Asa pu Hopena pa Izireli pu koa pa vari korapa mia.”

*12:2 Ekd 15:2; Sam 118:14