2 Yala Abadantaa ma ni zaabi binemarayyan zaari hane ra,

yala Yakuba Koyoo maaɲoo ma ni hallasi!

3 Yala a ma faaba sanba ma ne ka hun nongu henanantaa ra,

yala a ma ni noo albarka kaŋ hun Siyoŋ koyraa ra.

4 Yala a ma honga ni taasu sargarey kul,

yala a ma ni sargari kukurantey taa.

5 Yala a ma ni noo hayaa kaŋ ni binoo ga bagʼa,

yala a ma yadda hayey kul ga kaŋ nʼga baa mʼi tee!

6 Ir ga kaati nda ɲaali ni hallasiroo maaganda,

ir ga liiliwaloo jer ir Koyoo maaɲoo ga,

Abadantaa ma hayey kul kaŋ nʼnʼi ŋaaray yakubar.

7 Sohõ ay bay kaŋ Abadantaa ga nga suubantaa kaŋ yonandi hallasi,

a ga tuuru a se ka hun nga beenaa nongu henanantaa ra

nda nga kabe gumaa albarkantaa faabaroo.

8 Boro fooyaŋ si wakkal kala bari torkawey ga,

affooyaŋ si wakkal kala baryey ga.

Ir, Abadantaa, ir Koyoo maaɲoo ga ir ga wakkal.

9 Ngi, i ga gunguma, i ga kaŋ,

ir, ir ga kay, ir ga albarka.

10 Abadantaa, kokoyoo hallasi!

Yala a ma tuuru ir se han kaŋ ir nʼa ŋaaray!