21
Kokoyoo ga nga naanaa daŋ Abadantaa ra
1 Donkey boŋkoynoo ka woo don. Woo ti Dawda zabur foo.
2 Abadantaa, kokoyoo ga ɲaali nda ni albarkaa.
Ni hallasiroo ga hanse kʼa yafarhã!
3 Nʼnʼa noo woo kaŋ binoo ga bagʼa,
mana hayaa wanji a se kaŋ miɲoo nʼa wiri.
Kay-kayna
4 Zama ni kaa a jine nda gomni albarkanteyaŋ,
nʼga wura alhakiika kokoy fuula daŋ boŋoo ra.
5 A na hunayan wiri ni ga, nʼnʼa noo a se,
nda aloomur kuku waati kul hala abada.
6 Nga daržaa ga beeri ni hallasiroo maaganda,
nʼnʼa taalam nda hini nda beeray.
7 Nʼnʼa tee albarkahaya kaŋ si ben,
nʼnʼa too nda ɲaali ni jine.
8 Zama kokoyoo ga nga naanaa daŋ Abadantaa ra,
Koy Jerantaa borohennataraa ra a si hun dogoo ra.
9 Kokoyoo, ni kaboo ga too ni iberey kul do,
ni kabe gumaa ga duu borey kaŋ ga konna ni.
10 Nʼgʼi tee sanda alforon konna,
han kaŋ nʼna ni boŋ cebe,
Abadantaa gʼi derandi nga futuroo ra,
nuune gʼi tuusu.
11 Nʼga ngi izey derandi laboo ga
ka ngi hayroo tuusu kʼi kaa adamizey ra.
12 Zama i ceeci ngi ma ifutu tee ma ne,
i na bone biiri ma ne, amma a mana duu alfayda,
13 zama nʼga kate i ma duma bere,
nʼga ni biraa ka kara i ra.
14 Abadantaa, tun ka ni gaaboo cebe!
Ir ga zaburyaŋ don ma ne ni hinoo maaganda se.