Abadantaa, ni no ay ga ni cee.

Ni ti ay Tondoo, masi banda bere ya ne ka dangay!

Nda nʼga dangay, nʼsi tuuru ya ne,

ay ga hima nda borey kaŋ ga zunbu saaraa guusoo ra.

2 Haŋajer ay suurandiyaney se waati kaŋ ay ga kaati ka faaba ceeci ni ga,

waati kaŋ ay gʼay kabey jer ni nongu henanantaa gundoo ra.

3 Masi agay, nda boro laaley,

nda wey kaŋ ga šerretaray jaŋay tee, tee affoo kʼay halaci,

ngi kaŋ alaafiya šenni goo miɲey ra ngi cinawey se,

ka gar ifutu bara biney ra.

4 I dii ka sawa nda ngi teegoyey,

ka sawa nda ngi kabey goy futawey,

i bana nda woo kaŋ i nʼa tee cinaa alhakoo.

5 Zama i si Abadantaa teegoyey bay,

maanaa nga kabe teegoyey.

A mʼi kaŋandi ganda, a masʼi tunandi koyne!

6 Albarka ma bara Abadantaa se,

zama a ga maa ay suurandiyaney se!

7 Abadantaa ti ay gaaboo nda ay koraa,

nga ga ay binoo ga talfi,

ay ga duu faabari.

Ay binoo ga ɲaali,

ay gʼa saabu nda ay doonoo.

8 Abadantaa manʼti kala nga ganakey albarkaa,

a manʼti kala nongu gaabantaa nda hallasidoo

nga suubantaa kaŋ yonandi se.

9 Ni jamaa hallasi, ma albarka daŋ borey ra kaŋ ti ni wane!

Mʼi kur kʼi faaba hala abada!