29
Abadantaa jinde šennoo
1 Woo ti Dawda zabur foo.
Irkoy izʼarey*29.1 Šintinoo 6.2; Zaburey 82.1; 89.7., wa Abadantaa beerandi,
wa daržaa nda beeray daŋ Abadantaa ga!
2 Wa Abadantaa maaɲoo noo nga daržaa!
Wa sujudu Abadantaa jine henanyanoo gaayoo ra!
3 Abadantaa jindoo goo harey boŋ,
Koy daržantaa ga jiŋjiŋ,
Abadantaa goo hari beerey boŋ.
4 Abadantaa jindoo ga fatta nda hini,
Abadantaa jindoo ga fatta nda darža.
5 Abadantaa jindoo ga sedere tuurey kayri,
Abadantaa ga Libaŋ gandaa sedere tuurey kayri-kayri,
6 A gʼi sarandi sanda yagaw,
a ga Libaŋ nda Siryoŋ†29.6 Hermoŋ tondi hondoo maa faa no, Alhukumoo 3.9. tondi hondoo sarandi sanda ganjihaw.
7 Abadantaa jindoo ga nuune deeneyaŋ fattandi.
8 Abadantaa jindoo ga saajoo jijirandi.
Abadantaa ga Kadeš saajoo jijirandi.
9 Abadantaa jindoo ga jeerey hayandi,
a ga hawsawey koonandi.
Nga hugoo ra,
hayaa kul ga nee: «Darža ma bara Abadantaa se!»
10 Abadantaa si goro kala hari beeri ra,
Abadantaa ga goro sanda kokoy waati kul.
11 Abadantaa ma nga jamaa noo hini,
Abadantaa ma albarka daŋ nga jamaa ra kʼi noo alaafiya.