56
Irkoy ga lakkal daŋ nga ganakey se
1 Donkey boŋkoynoo ka woo don. Takaa kaŋ nda a ga doonoo woo don se i ga nee «Tuuzun dangayantaa kaŋ ga mooru». Woo ti Dawda bayti foo. A mana doonoo woo don kala waatoo kaŋ ra Filisti borey koy a dii Gat koyraa ra*56.1 Samiyel 1na 21.11–16..
2 Ya Irkoy, alhormo tee ya ne, zama adamizeyaŋ gʼay zaa ka kay,
zaaroo kul i gʼay wongu, i gʼay kankam.
3 Ay Koyoo kaŋ goo beene, zaaroo kul agay iberey gʼay zaa ka kay,
i ga boobo, i gʼay wongu†56.3 Ay Koyoo kaŋ goo beene, zaaroo kul agay iberey gʼay zaa ka kay, i ga boobo, i gʼay wongu, Ebere šenni ra, almaganaa faa ti Zaaroo kul agay iberey gʼay zaa ka kay, i ga hiiši kʼay wongu..
4 Han kaŋ ay hunbur,
agay, ay gʼay naanaa daŋ ni ra.
5 Irkoy sabbu se ay ga Irkoy šennoo saabu,
Irkoy ra ay nʼay naanaa daŋ, ay si hunbur,
macin no boro ga hin kʼa tee ya ne?
6 Zaaroo kul i mmʼay šenney šiirandi,
haya futu de no i gʼa miile ay ga.
7 I ga hawandifutay ay ga, i gʼay monno,
i gʼay dira takaa kul laasaabu,
zama i ga baa ngi mʼay hundoo kaa.
8 Ifutu no ma hin kʼi feeri wala?
Ya Irkoy, ni futuroo ra jamawey kaŋandi!
9 Nʼgʼay cee diraa kabu,
ay mundawey daŋ ni hunbaroo ra,
i kul nka mana hantumandi ni citaaboo ra wala?
10 Han kaŋ ay kaati ka ni cee, agay iberey ga yee banda.
Ay ga haya foo bay kaŋ ti Irkoy goo ay bande.
11 Irkoy sabboo se ay ga nga šennoo saabu,
Abadantaa sabboo se ay ga nga šennoo saabu.
12 Irkoy ra ay nʼay naanaa daŋ, ay si hunbur,
macin no adamize ga hin kʼa tee ya ne?
13 Ya Irkoy, meefurey kaŋ ay nʼi zaa ma ne, ay gʼi bana,
nda albarka daŋyan sargariyaŋ kaŋ ay gʼi kaa ma ne.
14 Zama nʼnʼay hundoo kaa buuyan ra.
Mana yadda ay cewey ma kati,
hala ya dira Irkoy jine baahunantey gaayoo ra.