63
Irkoy borohennataraa bisa haya kul
1 Woo ti Dawda zabur foo. A mana doonoo woo don kala waatoo kaŋ ra a goo Žuda saajoo ra*63.1 Samiyel 1na 23.14; 24.2..
2 Ya Irkoy, ni ti ay Koyoo,
ay ga ni ceeci, ay hundoo ga jaw nda ni,
ay kunturoo ga ni wiri,
sanda labu koga kaŋ ra hari sii.
3 Woo se, ni nongu henanantaa ra ay si fay nda ka ni guna,
ka dii gaaboo nda ni daržaa.
4 Zama ni borohennataraa bisa hunayan,
ay miɲoo ga ni saaburoo har.
5 Woo se ay ga albarka daŋ ma ne ay hunayanoo kul ra,
kʼay kabey jer ni maaɲoo ga.
6 Ay ga kungu, ni mma nee boro kaŋ na haya kaanayaŋ ŋaa.
Ay ga kaati nda ɲaali, ay miɲoo ga ni saabu.
7 Waati kaŋ ay hongu ni ay kanidogoo ra,
cijinoo kuuroo kul ra, ay ga miile ni ga.
8 Zama ni ti ay faabakaa,
ay ga kaati nda ɲaali ni fatawey biyoo cire.
9 Ay hundoo ga hawa ni ga,
ni kabe gumaa kʼay faaba.
10 Amma borey kaŋ ga ceeci ngi mʼay hundoo kaa kʼay halaci,
borey din ga koy laboo guusey ra.
11 Takuba gʼi wii,
i ga tee ganjihanšey ŋaahayaa.
12 Haya kaŋ ti kokoyoo, a ga ɲaali nda Irkoy,
boro kul kaŋ žee nda Irkoy maaɲoo, boraa boŋoo ga jer,
zama taariharkey miɲey ga kaa ka daabandi.