2 Ya Irkoy, haŋajer ay ŋuunuŋuunuyanoo se,

ay soolam iberoo ra kaŋ ay ga hunbur a!

3 Ay hallasi boro futu teekey alkuniyaa ra,

nda jamaa ra kaŋ ga šerretaray jaŋaa tee!

4 I na ngi deeney kaanandi sanda takuba,

ngi šenney ga hima nda biraw-ize kaŋ ga boro maray!

5 Ngi tugudogoo ra i ga boro laadirante kar,

i gʼa kar bila hunburay.

6 I ga cere gaabandi goy futu ga,

i ga cere guna ka tugu ka kumsayyaŋ hirri,

ka nee: «May no ma dii ey?»

7 I si haya kul miile kʼa tee kala goy futu,

i ga nee: «Ir soolu, goyoo ben!

Adamize kuneheroo nda binoo manʼti kala guusu kuku.»

8 Amma Irkoy ga biraw-ize kʼi warra,

i ga maray dogoo din da.

9 Ngi deeney kʼi kaŋandi,

boro kul kaŋ dii ey ga nga boŋoo zinji-zinji.

10 Adamizey kul ga hunbur,

i ga Irkoy teegoyey har,

i ga duu nga teegoyey ra fahamay.

11 Boro šerrante ga ɲaali Abadantaa ra ka nga boŋ talfi a ga,

borey kul kaŋ biney ga šerre, ngi boŋey ga jer.