1 Hali bisharhu omurhima gwâni gucîfinja, birhahimwa kusîmîsa Nyamuzinda n’abantu; okuyumvanya kw’abaguma, enyumpa omulume na mukâge bayumvanyamwo. 2 Haligi na bantu basharhu omurhima gwâni gurhabonakwo, na nkayumva oku ho bacibà nnânshologorhwe; omukenyi w’obucîbone, omugale munywesi, omushosi w’enkonola-masù bagwârha omu mwa bene.

3 Amango orhabikaga ociri musole, bici wabonage okola mushosi? 4 Alà nka zayinjiha emvi zigwêrhe ihano! Okumanya ihano kw’abakulûkulu nako kuyinjiha. 5 Alà nka bwayinjiha oburhimanya bw’abashosi, n’obukengêre bwinjà bw’abakulu b’er’igulu. 6 Irenge ly’abashosi kuli kulya kubà «Babwîne binji», okulimba kwâbo kunali kulya «Babwîne binji», okulimba kwâbo kunali kulya kurhînya Nyamuzinda. Okurhînya Nyamuzinda bwône bukulu 7 Hali bintu mwenda nkengîre*25, 7 Abashombanyi bahirime: Nnawîrhu Yezu Kristu arhegesire rhuzigire abantu boshi, ciru n’abashombanyi bîrhu, lolà Mat 5, 44; Luk 6, 27-35., nambwîne oku birimwo iragi, n’eca kali ikumi nakubwiraco: Omuntu obona omwîshingo omw’iburha lyâge, ye obona omu kalamo kâge oku abashombanyi bâge baherêrekera; 8 Iragi lyâge ojira omukazi mwîrhonzi, omuntu orhahingan’empanzi na punda, omuntu erhasâgijira ecâha omu nderho, omuntu wabwîne omushigo mwinjà. 9 Iragi lyâge owahisire oku bwîrhonzi, n’obwîra owayumva. 10 Nêci, ali mukulu owahisire oku burhimanya, ci ntâye ocilushire orhînya Nyamuzinda. 11 Okurhînya Nyamuzinda kurhalusire byoshi, owahisire aho, bici ankagererwakwo?

12 Okurhînya Nyakasane gwo gubà murhondêro gw’obuzigire bwâge, ci, oku buyêmêre barhondêrera n’okumusêrako. 13 Oyâgalike ci orhayâgalikaga omurhima! oshimbe obumînya, ci orhashimânaga obumînya bw’omukazi! 14 Bubè buhanya, ci burhabâga bwa kuhubuka emw’omubisha! bubè bulyâlya, ci burhabâga bwa kuhubuka emw’omushombanyi! 15 Ntà bwôge bubî kulusha amanjokanjokà, ntà nshombo nkulu kulusha ey’omubisha. 16 Okubêra haguma n’empangaza erhi enkuba-joka, kwo kukulu aha kubêra nyumpa nguma n’omukazi mumînya. 17 Obumînya bw’omukazi bunamuhindule obusù, abange enzizi, omanye mpu akola ciryanyi. 18 Oku ibà ali oku mêza haguma n’abalungu bâge, erhi adwîrhe adwîra n’omu nda nk’ihiri. 19 Obumînya bwoshi ntabwo buhisire oku buminya bw’omukazi: mâshi! abona eci abanya-byâha babona! 20 Nsinga ya mushenyi omu magulu g’omushosi, ye mukazi w’akalimi aha mw’omulume w’omurhûla. 21 Omanye warhebwa n’iranga ly’omukazi, orhahîra okaleka omukazi akubuza murhima. 22 Kurhahimwa kujira omuntu burhè, kumubulîse obukenge, kunamubonêse nshonyi, okuyumva mpu mukà lebè yekola obîka ibà. 23 Burhè omu murhima, burhè emalanga, cibande cifulike, gwo mukolo gw’omukazi mumînya. Maboko gahozire, madwî gakomanya, ye mukazi ohanyagaza îba. 24 Ecâha oku mukazi càrhondêreraga, na mukazi warhumire rhweshi rhukafà. 25 Orhasîkûliraga amîshi, orhahâga n’omukazi mumînya oluhyà lw’okuderha. 26 Akabà arhayumvîrhiri oku munwe erhi omu masù, omuyâke.