1 Okenge munganga, nk’oku akwânîne okukengwa erhi mikolo yâge erhuma, bulya naye Nyamuzinda wamulemaga. 2 Okufuma emwa Ow’Enyanya kurhenga, kwo kuyisha nka nshôkano y’ebwâmi. 3 Obumanye bwa munganga bwo burhuma akananda, bwo bunasômeza abagale. 4 Nyamuzinda analengeze abanyinyi, omuntu wabona arhabagayaguza. 5 Kali karhî lushâli kayinjihagya amîshi*38, 5 Obukulu omu mîshi: lolà Lub 15, 23: ecisômerine c’e Mara., kayêrekana obuhashe. 6 Nyamuzinda ye hà kandi abantu obukengêre, kandi ye hà abantu obuhashe, mpu bacîtakîrîre ebinja by’obuhashe bwâge. 7 Anabikolêse, oku kubuka n’okurhûliriza, omufumu anarhôle atuntumire haguma kwône. 8 Ntyo emikolo yâge erhahwa, ye lumîza n’aminjà omu igulu. 9 Mwâna wâni, mango walwâla, oleke okulumbwîja, shenga Nyamuzinda akafumya. 10 Oleke obubî bwâwe, onalange n’enfune zâwe omu bucêse, onashuke omurhima gwâwe ko ebyâha. 11 N’akakengêzo k’obwâso bw’enshâno, orhûle nk’oku obugale bwâwe bunali. 12 Kandi ojè emwa munganga, bulya naye Nyamuzinda wamulemaga, orhamulahiraga, omulagirîrekwo., 13 Hali amango okufuma kuli omu maboko ga bamuganga. 14 Nabo bakolaga bashenga Nyamuzinda, mpu abashobôze engalo y’okurhûliriza, n’ey’okufumya lyo bamanyigalukira abandi. 15 Omuntu ojira ecâha omu masù ga Lulema, akumbe omu maboko ga muganga.

16 Mwâna wâni, olakire owâwe ofîre, olake omutula gwâwe, ci oku bwage omubiri gwâge guli mukembûle, o­rhayîbagiraga n’okukâkenga ecûsho câge. 17 Olake bwenêne, olake omutula gwâwe, oshîbe nk’oku nyakufà anakwânîne†38, 17 Ekanwa ebâbwa: hali ebihugo bijira enkômedu erhi wakabula bulakira omuntu ofîre, banakushobeke mpu we muyisire., lusiku luguma erhi ibiri, bulya ekanwa k’abantu ebâbwa, buzinda omutula gwâwe gurhûlirire. 18 Bulya omutula gunayîrhe, omurhima gwamarhoga ntà buzibu gucigwêrhe. 19 Wamabisha omuntu wâwe, oyîbagirage omutula gwâwe, omutula gurhalamirwakwo. 20 Orhabîkiriraga omutula emurhima, ogurhenze, kengêra okuhwa kw’a­ kalamo kâwe. 21 Orhayîbagiraga, ejibwa ci erharhengwa‡38, 21 Erhagalukwa: ekuzimu., emirenge yâwe erhagalule nyakufà: nâwe wêne kucîbabaza ocîbabazize. 22 Kengêra aka kanwa kâni, kabà kâwe nâwe: «injo erhi nie ene ali we». 23 Mango wamabisha omuntu wâwe, orhingiba nka waleka okumukengêra, obu omûka gwamurhenziremwo, orhûlirirage nâwe.

24 Oburhimanya bw’omwandisi buyîgwa amango g’okurhamûka, n’orhaliko mmanja ye bà murhimanya. 25 Kurhi akabà murhimanya omuntu ozukira oku ngâlè y’okuhinga, omuntu irenge lyâge lyoshi liri omu kufumbarha akarhi k’okuyâbula, omuntu ojà atunda empanzi anaziregerereko, ôrhaderha ogurhali gwa nkâfu!§38, 25 Empanzi: omuntu orhagerêreza bindi bici ogurhali mukolo gwâge gwône, erya nkômedu n’erya nka masini, acibuzire akantu; oburhimanya buhûnyire omuntu acîdôse «cici cirhuma njira ntya?» 26 Omurhima gwâge guli omu by’okuhinga, n’ebijingo byoshi erhi ayâhirira amanina. 27 Kwo na kuguma n’abanyakasi n’abanya bushanja boshi, bali oku kasi buca-buyira, barhagoheka, abajira obulenga bw’okubinja ebimanyîso*38, 27 Ebimanyîso: kantu kamanyîsa nn’akantu bakananisirekwo, kandi erhi kashè., bahindulage ene n’irhondo ecimanyîso babijirire: mpu lyo bayumanyanya n’ecisiki, balâle oku cîko mpu lyo bashwinja obushanja bwâbo. 28 Kwo na kuguma n’abatuzi eluganda: obone arhole ecûma, idûrhu ly’omuliro limuyûdukire omubiri, yêshi arhûbanukirwe; okutôrha kw’enyundo kumufuke amarhwîri, arhasinza handi, cirya cûma cône; omurhima gwoshi kwa gulya mukolo gunali, oku cîko alâla mpu lyo ayunjuza. 29 Kwo na kuguma na nababûmbi, aha bushanja bwâge, ayôkoleze n’a­magulu; obushanja bumuli aha nyomvu, n’okucîbûnda guli mulâli; 30 amaboko gabûmbe ibûmba, amagulu galilabarhe, emurhima kukombêza bwinjà kwône, na ngasi bijingo kuhyajira amasiga. 31 Abo bantu boshi bacîkubagire amaboko gâbo, ngasi muguma ali mulenga omu bushanja bwâge. 32 Buzira bo, ntà lugo lwankayûbakwa, ntâye wankabalama erhi kujiyûbaka handi. 33 Ci kwône orhabashimâne omu ihano ly’ecihugo, barhali n’omu lugero lw’abakulu b’endêko. Barhali bazûzi, barhanayumva irhegeko oku ligenda. 34 Barhali bayigîriza, barhali ba kugerêreza bwenêne, barhali b’omu murhwe gw’abajizi b’emigani. Ci kwône bali mutungo omu igulu, n’omusengero gwâbo gubà guyêrekîre obushanja-bwâbo.