1 Lêro omulêbi Eliya anacizûka nka muliro, ebinwa byâge bwakâyôca nka ngoke. 2 Ye wabahamagaliraga ecizombo, n’omu bushiru bwâge, abahungumula. 3 Oku luderho lwa Nyamuzinda, àhangamya enkuba, kasharhu koshi àmanula omuliro emalunga. 4 Eliya nêci wali ojire irenge omu birhangâzo byâwe! ndi muntu wa­nkaba n’obucîbone bw’okucîgerera kuli we? 5 We wakûlaga omuntu omu nfune z’olufù, wamurhenza ekuzimu, oku luderho lw’Ow’Enyanya. 6 We washabiraga abâmi, abakulu wabarhenza oku ntebe. 7 We wayumvagya obukali oku Sînayi, n’irhegeko ly’olwihôlo oku Horebu, 8 washîga abâmi b’okucîhôla amavurha, washîga n’abakûla bâwe amavurha g’obulêbi, 9 wahêkwa muli kalemêra w’omuliro*48, 9 By’omuliro: lolà 1 Bâm 2, 1-11., oku ngâlè, y’ebihêsi by’omuliro, 10 we wacishogeragwa obukali bwayisha, mpu obè murhûliriza w’obukù­nizi embere buyishe, mpu oshubize omurhima gw’îshe w’omwâna oku mwâna†48, 10 Oku mwâna: lolà Mal 3, 24., onayinamule emilala ya Yakôbo. 11 Iragi lyabayishikubona, n’abafânîne obuzigire, bulya nîrhu rhwayish’ibà n’obuzîne.

12 Ntyo kwo Eliya ali, ye muntu wahekagwa muli kalemêra. Omûka gwâge gwayunjuza Elishaʿ; omu nsiku z’akalamo kâge, ntà murhegesi wakamuyâshire, ntâye wakamugombize. 13 Ntâco camuyabiraga, ciru abîre ali n’ekuzimu omubiri gwâge gwagalilêba!‡48, 13 Ali n’ekuzimu: lolà 1 Bâm 13, 20-21, kandi rhwanaderha nti: «owalêbaga ciru ali n’ekuzimu». 14 Amango àli azîne ajira ebirhangâzo, anabire amâfa ajira n’ebisômerîne.

15 Byâbà ntyo, ci omurhima gw’olubaga gurhagalukaga, basera oku byâha byâbo, balinda balulizibwa kuli n’ecihugo câbo, bàbasha­ndabanya omu igulu lyoshi. 16 Hasigala amâhûngà g’olwali lubaga, n’omurhambo w’oku mulala gwa Daudi. Muli bo, baguma baguma basîmîsa Nyamuzinda, ci abandi bashubikaluza ebyâha.

17 Hezekiyahu azibuhya ecishagala, ahisa amîshi omu lugo lwâge, arhula ibuye n’ecûma, ayûbaka iriba ly’amîshi. 18 Mw’ago mango, Senakeribu amera omu muherho, arhuma Rabushakè, naye Rabushakè omu bucîbone bwâge, arhêra Siyoni. 19 Lêro bajuguma amaboko n’omurhima, balumwa nka mukazi wajà aha lubako§48, 19 Aha lubako: okujà aha lubako kuli kuhûrha. , 20 bayâkûza Nyamuzinda w’obwonjo, bamurhega amaboko, Omwimâna abayumva kurhenga empingu, abaciza n’okuboko kwa Yesha’yahu. 21 alasa ebihando by’ab’e Sîriya, malahika wâge abahungumula.

22 Byabà ntyo bulya Hezekiyahu amâsîmîsa Nyamuzinda, acîyêrekana muzibu omu kukulikira enjira y’îshe Daudi, nk’oku omulêbi Yesha’yahu ali amurhegesire, Yesha’yahu mukulu na mutabêsha omu bulêbi bwâge. 23 Omu nsiku zâge, iziûba lyàgenda cinyumanyumà, n’akalamo ka mwâmi*48, 23 Akalamo ka Mwâmi kayûshûka: lolà 1 Bâm 20, 4-11; Iz 38, 4-8. kayûshûka. 24 Abonera omu buhashe bwa Mûka oku ensiku zahwire, arhûliriza abagogomîrwe b’e Siyoni, 25 amanyîsa ebyâyisha binaciri kuli omu mwizimya gw’ensiku n’amango, n’ebifulike abimanyîsa embere bibonekane.