113
Anutuna andeeqara oosanara amooqia.
1 Yaaweena amooqiaqa.
Innee Yaaweena ainainira faiqiuqa mina amooqiaqa.
Yaaweena auqu amooqiaqa.
2 Maqee faqa naaru naaru faqa Yaaweena auqu amooqirafa kai mariani.
3 Suani ururee marinnai mariasa faqa suani keeqee marinnai mariasa faqa aiqamausa Yaaweena auqu amooqimamaqaaqa.
4 Mifa Yaaweefa aiqama maa maqa maaqanaki mariasa urinnaaqaranoo maridanoo rakisi nimaqaidanoo, mina qareenarafa innaaruna uriaaqaranoo maridanoo.
5 Sia moo fannoo Yaaweena maasa Anutuna fooqaafa maridanoo.
Mifa meerai innaaruna uraaqaranoo maridanoo.
6 Miqooqari mifa mara miami innaaruna faqa maqa faqa qafaidanoo.
7 Yaaweefa ainaina siaisa nikuqara madaanai marisa uqeereeqeenoo amiqiraqoo quqannisaidanoo.
Mifa sarau imariasa nári aupuraranakinaana uqeerannisaidanoo.
8 Uqeeraseenoo misa mareeqee uriqararausa faiqi namu aqoondikamma nimaqaidanoo.
Uqeerasaifaqa Yaaweena faiqi anaasee (Isaraee maqannaasa) uriqararausa misa aqoondi kidaqa.
9 Aafaikinoo marinna anaaseena Yaaweefa amiqimma amaqaseenoo.
Faiqi aanaaqi aranandaki rumasaifanoo minara asasidanoo.
Yaaweena amooqiaqa.