120
Dadaaqiani fee innaaru.
1 Qinee manda ummaaraki maridaqa Yaaweena aaraunanoo mifa eedoo qimasee dadaaqinoo.
2 Oo Yaawee unnaqimariasa faqa ueeqee mariasa faqa nisaukukinaana mareeqee kaqinni quqaqisaa.
3 Innee unna qimariasa Anutufa inni naqaa fee mannimaqaannoo.
Mifa naqimmaseenoo fee inni aupurarana nimiannoo fee.
4 Sundia rakira feefannoo faqa fidika arira idaurunnai faqa naruannoo.
5 Inni qambaanai marirafa kaasau maqannaa aamina maqannaasa qambaanara foora mandaikiqa maridaqa.
6 Qinee asooaranara fidiaqaa imariasaki kisaaqasaa uqanna mariaafanausa maridaqa.
7 Qinee asooaranara qimarunaqa misa rakiranara kai qidaqa.