121
Yaaweefa maasa itita qimaqee marifa.
1 Qinee aaqanai qifu maqasee, qini dadaaqirafa yaindari fee aniannoo fee qidaqa.
2 Qini dadaaqirafa Yaawee finaindari kai aniannoo.
Maa maqana faqa innaaruna faqa auqu quqoo finnaindari kai aniannoo.
3 Mifa sia aniara qinana aqufinnaranoo.
Ani rakisi amaqee marifa aiqama kari afu maqaida maridanoo.
4 Isaraee maqannaasasaa rakisinnimaqee marifa sia moo kari qaunduarinoo sia faiqaidannoo.
5 Yaaweefa ani rakisi amaqaannoo.
Mifa ani itita amaqarara ani aaqa maridanoo.
6 Suani fannoo faasaana sia naruannoo.
Kafaa eendaki quqoona fannoo sia naruannoo.
7 Yaaweefa aiqama mandainainaki innisaa ititamma nimaqaannoo.
Mifa inni nariranasaa itita nimaqasee innisaa rakisiannoo.
8 Mifa kai inni firannai anirannaira rakisi nimaqaannoo.
Maqee faqa naaru naaru faqa rakisi nimaqaannoo.