93
Anutufa karaambaiqa maridanoo.
1 Yaaweefa karaambaiqa maridanoo.
Mina afeeka faqa kaaqa uriqarara andeeqara oosana faqa mina qamunnara foora afisinoo maridanoo.
Maa maqa maaqafa mapukinoo maridanoo sia amana furufariannoo.
2 Oo Yaawee, ani ufa irira qaari ooqai oosana arooqooqari afeekaikinoo maridanoo.
Maa maqa maaqafa sia marunaki anee ooqai naaru naaru mariranaki marunafa mariananoo.
3 Oo Yaaweefa, ooruku nammari fannoo amakauridanoo firaaqoo ufa qidanoo.
Mi amakaurirafa firaaqoo narisaa narisaa arinoo darara qidanoo.
4 Uriqarara Yaaweefa firaa afeekannoo innaarunaindaraa ainaina rakisidanoo, ooruku nammari amakaurirana faqa arusee uriqararafa uqanna maridanoo.
Ooruku nammari firaaqoo amakauri mari afeekana Yaaweefa uraaqararafa maridanoo.
5 Oo Yaawee, ani sanda ufa naaruara marifa maridanoo.
Ani amaana maqa naaquqarafa naaru naaru marianinafa maridanoo.