99
Anutufa uriqarara karaambaiqa.
1 Yaaweefa karaambaiqa marifaqa aiqama fasiqa anaasee rufiaafanoo naindiri raidanoo.
Mifa angiroouqa oorinnaaqaree meeraqoo narí ufa irira qaarisaa ooqufaaqee marifanoo maqa kasidanoo.
2 Yaweefa Sioona maqusaki afeeka faqaafa maridanoo.
Aiqama maqannaa fasiqa anaasee urinnaaqaramafi maridanoo.
3 Minara aiqamausa mina firaa uriqarara auquara amoo qifaranoo.
Mifa kaaqa naaquqarafa maridanoo.
4 Afeeka faqaa karaambaiqa anee andeeqaranara kai aidimarifa mariananoo.
Anee andeeqarana kai Isaraee maqa maaqaki quqaananoo.
Anee andeeqarana faqa amana amana kai rainannimaqarana faqa maree mini quqaananoo.
5 Yaaweena maasa Anutuna amooqiaqa.
Mina ufa irira qaari aaqa oonuree minara innaaru qiaqa.
Mina andeeqarafa naaquqarafa maridanoo.
6 Mooseesa Aaroonasa mina aanaiqikira fasiqaqara mariqau.
Samueerafa faqa Anutunara innaaru qimarufa marinau.
Minamusa Yaaweena innaaru kiqari aaroofanoo iriseenoo nári qimanniminau.
7 Yaaweefa oonnamukiqari misa ufa qimanniminau.
Misa mina naamuaqira ufa faqa sanda ufa faqa iriseeqa mimau kai fimariqau.
8 Oo Yaawee maasa Anutu ani faiqí anaasee aniara innaaru qiafana anee qimannimiananoo.
Anee aaqarana akiiqara minninnisee marianafa mariannana misa uqannifiqaa. Anee misa aaqarana akiiqara aupurarana nimi mariannana faqa uqannifiqaa.
9 Minara innee Yaaweena maasa Anutuna amooqiaqa.
Mina naaquqara aaqanasaa mina amooqiaqa.
Yaaweefa maasa Anutufa andeeqarafa naaquqarafa maridanoo.