45
Gɑri yi Yeremi u Bɑruku
sɔ̃ɔwɑ
1 Sɑnɑm mɛ Bɑruku Nɛriyɑn bii u gɑri yi yoruɑ tireru sɔɔ yi Yeremi u nùn sɔ̃ɔwɑ Yoyɑkimu, Yosiɑsin bii, Yudɑbɑn sinɑ bokon bɑndun wɔ̃ɔ nnɛse sɔɔrɑ mi. Yen biru Yeremi u Bɑruku sɔ̃ɔwɑ u nɛɛ,
2 wee ye Gusunɔ Isirelibɑn Yinni, u geruɑ wunɛn sɔ̃.
3 U nɛɛ, ɑ gerumɔ ɑ mɔ̀, ɑ kɑm kuɑwɑ domi wi, Yinni Gusunɔ u wunɛn wɑhɑlɑ sosimɔ. Mɑ ɑ weeweenu mɔ̀ sere ɑ wɑsirɑ. Adɑmɑ ɑ biɑ mi kɑɑ wɛ̃rɑ.
4 Wee, ye Yinni Gusunɔ u nɛɛ n nun sɔ̃. U nɛɛ,
u koo ye u rɑɑ bɑnɑ kɔsukuwɑ,
kpɑ u ye u rɑɑ duurɑ wukiri.
Yen tubusiɑnɑ, u koo tem mɛ kpuro sɑnku.
5 U mɑɑ nɛɛ,
gɑ̃ɑ bɑkɑnɑ ɑ kɑsu wunɛn tiin sɔ̃?
A ku be nu kɑsu.
Domi u koo de kɔ̃sɑ yu nɑ yu tɔmbu kpuro wɔri.
Adɑmɑ wunɛ u koo wunɛn wɑ̃ɑru yɑrɑ mi ɑ dɑ kpuro.
Terɑ tɑ ko n sɑ̃ɑ nge wunɛn ɑrumɑni ye ɑ gurɑ tɑbu sɔɔ.