85
Aafia wɛ́kɛna Ludaa
Kora burinↄ lɛ̀ɛ.
N arubarikaa dà n bùsun, Dikiri,
n su kũ Yakubu burinↄ ń gwena zĩn.
N n gbɛ̃nↄ taarinↄ gòḿma,
n ń durunnanↄ kɛ̃̀ḿma pínki.
N n pↄ kpã̀kpãa tò pínki,
n n pↄfɛ̃ pãsĩ tò.
 
Ǹ su kũoo ó gwena zĩn, Luda ó Surabari,
ǹ pɛ̃tɛ̃ kũ n kɛ̀ kũoo lago.
N pↄ nigↄ̃ fɛ̃nawái gↄrↄ sĩnda pínkin yá?
Ĩnigↄ̃ n pↄfɛ̃gↄrↄ gága wɛ̃̀ kũ wɛ̃̀ɛon yá?
Ĩni ɛra ǹ n gbɛ̃nↄ kunna kɛkɛ ǹ kɛńnɛ dↄ,
de ń pↄ le à kɛmma nnaroo?
Dikiri, ǹ n gbɛ̃kɛ mↄwɛrɛ,
ǹ ó sura ba kũ n gbãnao.
 
Ma sã dↄ Dikiri Luda yã'onaaa,
zaakũ àdi aafia lɛ́ sɛ́ a yãmarinↄnɛ,
tó odi ɛra ò sù ń yↄ̃̀nkↄyãnↄaro.
A vĩnakɛrinↄ surabanaa gↄrↄ zã̀ro,
de a gakuri le àgↄ̃ kú ó bùsun yãi.
 
10 Gbɛ̃kɛ kũ náanio dì dakarɛ,
yãzɛde kũ aafiaao dì ↄ kpákↄ̃a.
11 Náani dì ↄ poro musu,
yãzɛde dì ↄ nↄnↄ zĩtɛ.
12 Dikiri ni yã mana kɛwɛrɛ,
ó zĩtɛ ni pↄ́ble kɛ.
13 Yãzɛde dìgↄ̃ tɛ́ a arɛ,
àdi zɛ́ kɛkɛnɛ.