Η Καινή Διαθήκη ΑΠΟΚΑΛΥΨΙΣ ΙΩΑΝΝΟΥ 21

The New Heaven and the New Earth

1 Καὶ εἶδον οὐρανὸν καινὸν καὶ γῆν καινήν· ὁ γὰρ πρῶτος οὐρανὸς καὶ ἡ πρώτη γῆ *ἀπῆλθον, καὶ ἡ θάλασσα οὐκ ἔστιν ἔτι. 2 Καὶ †τὴν πόλιν τὴν ἁγίαν, Ἱερουσαλὴμ καινήν, εἶδον καταβαίνουσαν ‡ἐκ τοῦ οὐρανοῦ ἀπὸ τοῦ Θεοῦ, ἡτοιμασμένην ὡς νύμφην κεκοσμημένην τῷ ἀνδρὶ αὐτῆς. 3 Καὶ ἤκουσα φωνῆς μεγάλης ἐκ τοῦ §οὐρανοῦ, λεγούσης, Ἰδού, ἡ σκηνὴ τοῦ Θεοῦ μετὰ τῶν ἀνθρώπων, καὶ σκηνώσει μετ᾽ αὐτῶν, καὶ αὐτοὶ *λαὸς αὐτοῦ ἔσονται, καὶ αὐτὸς ὁ Θεὸς †μετ᾽ αὐτῶν ἔσται· 4 καὶ ‡ἐξαλείψει ἀπ᾽ αὐτῶν πᾶν δάκρυον §ἀπὸ τῶν ὀφθαλμῶν αὐτῶν, καὶ ὁ θάνατος οὐκ ἔσται ἔτι· οὔτε πένθος, οὔτε κραυγή, οὔτε πόνος οὐκ ἔσται ἔτι· *ὅτι τὰ πρῶτα †ἀπῆλθεν.

5 ‡Εἶπεν §ὁ καθήμενος ἐπὶ τῷ θρόνῳ, Ἰδού, *πάντα καινὰ ποιῶ. Καὶ †λέγει, Γράψον· ὅτι οὗτοι οἱ λόγοι ‡πιστοὶ καὶ ἀληθινοὶ τοῦ θεοῦ εἰσι. 6 Καὶ εἶπέ μοι, §Γέγονα τὸ *Ἄλφα καὶ τὸ Ὦ, †καὶ ἡ ἀρχὴ καὶ τὸ τέλος. Ἐγὼ τῷ διψῶντι δώσω ‡αὐτῷ ἐκ τῆς πηγῆς τοῦ ὕδατος τῆς ζωῆς δωρεάν. 7 Ὁ νικῶν—§δώσω αὐτῷ ταῦτα, καὶ ἔσομαι *αὐτῷ Θεός, καὶ αὐτὸς ἔσται μοι υἱός. 8 †Τοῖς δὲ δειλοῖς καὶ ἀπίστοις ‡καὶ ἁμαρτωλοῖς καὶ ἐβδελυγμένοις καὶ φονεῦσι καὶ πόρνοις καὶ §φαρμάκοις καὶ εἰδωλολάτραις, καὶ πᾶσι τοῖς ψευδέσι, τὸ μέρος αὐτῶν ἐν τῇ λίμνῃ τῇ καιομένῃ *πυρὶ καὶ θείῳ, ὅ ἐστιν †ὁ θάνατος ὁ δεύτερος.

The New Jerusalem

9 Καὶ ‡ἦλθεν εἷς §ἐκ τῶν ἑπτὰ ἀγγέλων τῶν ἐχόντων τὰς ἑπτὰ φιάλας *γεμούσας τῶν ἑπτὰ πληγῶν τῶν ἐσχάτων, καὶ ἐλάλησε μετ᾽ ἐμοῦ, λέγων, Δεῦρο, δείξω σοι τὴν †γυναῖκα τὴν νύμφην τοῦ ἀρνίου. 10 Καὶ ἀπήνεγκέ με ἐν πνεύματι ‡ἐπ᾽ ὄρος μέγα καὶ ὑψηλόν, καὶ ἔδειξέ μοι τὴν πόλιν τὴν §ἁγίαν Ἱερουσαλήμ, καταβαίνουσαν ἐκ τοῦ οὐρανοῦ *ἐκ τοῦ Θεοῦ, 11 ἔχουσαν τὴν δόξαν τοῦ Θεοῦ· †ὁ φωστὴρ αὐτῆς ὅμοιος λίθῳ τιμιωτάτῳ, ὡς λίθῳ ἰάσπιδι ‡κρυσταλλίζοντι· 12 §ἔχουσα τεῖχος μέγα καὶ ὑψηλόν, *ἔχουσα πυλῶνας δώδεκα, καὶ ἐπὶ τοῖς πυλῶσιν ἀγγέλους †δεκαδύο, καὶ ὀνόματα ἐπιγεγραμμένα, ἅ ἐστιν ‡ὀνόματα τῶν δώδεκα φυλῶν §υἱῶν Ἰσραήλ. 13 *Ἀπὸ †ἀνατολῶν, πυλῶνες τρεῖς· ‡καὶ ἀπὸ βορρᾶ, πυλῶνες τρεῖς· §καὶ ἀπὸ νότου, πυλῶνες τρεῖς· *καὶ ἀπὸ δυσμῶν, πυλῶνες τρεῖς. 14 Καὶ τὸ τεῖχος τῆς πόλεως †ἔχον θεμελίους ‡δώδεκα, καὶ §ἐπ᾽ αὐτῶν *δώδεκα ὀνόματα τῶν δώδεκα ἀποστόλων τοῦ ἀρνίου.

15 Καὶ ὁ λαλῶν μετ᾽ ἐμοῦ εἶχε †μέτρον κάλαμον χρυσοῦν, ἵνα μετρήσῃ τὴν πόλιν καὶ τοὺς πυλῶνας ‡αὐτῆς. 16 Καὶ ἡ πόλις τετράγωνος κεῖται, καὶ τὸ μῆκος αὐτῆς §ὅσον τὸ πλάτος. Καὶ ἐμέτρησε τὴν πόλιν *τῷ καλάμῳ ἐπὶ †σταδίους ‡δώδεκα χιλιάδων· §δώδεκα τὸ μῆκος καὶ τὸ πλάτος καὶ τὸ ὕψος αὐτῆς ἴσα ἐστί. 17 *Καὶ τὸ τεῖχος αὐτῆς †ἑκατὸν τεσσαράκοντα τεσσάρων πηχῶν, μέτρον ἀνθρώπου, ὅ ἐστιν ἀγγέλου. 18 Καὶ ‡ἦν ἡ §ἐνδόμησις τοῦ τείχους αὐτῆς ἴασπις· καὶ ἡ πόλις χρυσίον καθαρόν, *ὅμοιον †ὑέλῳ καθαρῷ. 19 ‡Οἱ θεμέλιοι τοῦ τείχους τῆς πόλεως παντὶ λίθῳ τιμίῳ κεκοσμημένοι. Ὁ θεμέλιος ὁ πρῶτος, ἴασπις· ὁ δεύτερος, §σάπφειρος· ὁ τρίτος, χαλκηδών· ὁ τέταρτος, σμάραγδος· 20 ὁ πέμπτος, *σαρδόνυξ· ὁ ἕκτος, †σάρδιον· ὁ ἕβδομος, χρυσόλιθος· ὁ ὄγδοος, βήρυλλος· ὁ ‡ἔνατος, τοπάζιον· ὁ δέκατος, χρυσόπρασος· ὁ ἑνδέκατος, ὑάκινθος· ὁ δωδέκατος, §ἀμέθυσος. 21 Καὶ οἱ δώδεκα πυλῶνες, δώδεκα μαργαρῖται· ἀνὰ εἷς ἕκαστος τῶν πυλώνων ἦν ἐξ ἑνὸς μαργαρίτου· καὶ ἡ πλατεῖα τῆς πόλεως χρυσίον καθαρόν, ὡς *ὕελος †διαυγής.

22 Καὶ ναὸν οὐκ εἶδον ἐν αὐτῇ· ὁ γὰρ Κύριος ὁ Θεὸς ὁ παντοκράτωρ ναὸς αὐτῆς ἐστι, καὶ τὸ ἀρνίον. 23 Καὶ ἡ πόλις οὐ χρείαν ἔχει τοῦ ἡλίου, οὐδὲ τῆς σελήνης, ἵνα φαίνωσιν ‡αὐτῇ· §ἡ γὰρ δόξα τοῦ Θεοῦ ἐφώτισεν αὐτήν, καὶ ὁ λύχνος αὐτῆς τὸ ἀρνίον. 24 Καὶ *περιπατήσουσι τὰ ἔθνη διὰ τοῦ φωτὸς αὐτῆς· καὶ οἱ βασιλεῖς τῆς γῆς φέρουσιν †αὐτῷ δόξαν καὶ τιμὴν τῶν ἐθνῶν εἰς αὐτήν. 25 Καὶ οἱ πυλῶνες αὐτῆς οὐ μὴ κλεισθῶσιν ἡμέρας—νὺξ γὰρ οὐκ ἔσται ἐκεῖ— 26 καὶ οἴσουσι τὴν δόξαν καὶ τὴν τιμὴν τῶν ἐθνῶν εἰς ‡αὐτήν· 27 καὶ οὐ μὴ εἰσέλθῃ εἰς αὐτὴν πᾶν §κοινόν, *καὶ ὁ ποιῶν βδέλυγμα καὶ ψεῦδος· εἰ μὴ οἱ γεγραμμένοι ἐν τῷ βιβλίῳ τῆς ζωῆς τοῦ ἀρνίου.

* 21:1 απηλθον 𝔐K [41.5%] ¦ παρηλθε 𝔐A,C PCK TR [43.5%] ¦ απηλθε MSS [9.5%] ¦ απηλθαν NA SBL TH WH [2%] † 21:2 την πολιν την αγιαν ιερουσαλημ καινην ειδον 𝔐A,C,K [87.2%] ¦ την πολιν την αγιαν ιερουσαλημ καινην ιδον MSS [8.4%] ¦ εγω ιωαννης ειδον την πολιν την αγιαν ιερουσαλημ καινην TR [1%] ‡ 21:2 εκ του ουρανου απο του θεου 𝔐K [58.6%] ¦ απο του θεου εκ του ουρανου 𝔐A,C PCK TR [35%] § 21:3 ουρανου 𝔐A,C,K 96.1% ¦ θρονου ECM† NA SBL TH WH 1.3% * 21:3 λαος 𝔐C,K 72.3% ¦ λαοι 𝔐A ECM† NA SBL TH TR WH 25.5% † 21:3 μετ αυτων εσται 𝔐K 36.4% ¦ εσται μετ αυτων 𝔐A−,C PCK RP 26.3% ¦ εσται μετ αυτων θεος αυτων 𝔐A+ TR 22.9% ¦ μετ αυτων εσται αυτων θεος ECM† NA TH 1.7% ‡ 21:4 εξαλειψει απ αυτων 𝔐K 30.4% ¦ εξαλειψει 𝔐A+,C CT PCK RP 51.3% ¦ εξαλειψει ο θεος 𝔐A− TR 16.5% ¦ εξαλειψει απ αυτων ο θεος ANT 0% § 21:4 απο 𝔐A,C,K 94.3% ¦ εκ NA SBL TH WH 5.2% * 21:4 οτι τα 𝔐A+,C,K 71.1% ¦ τα 𝔐A− ECM SBL TH WH 14.9% ¦ τα γαρ 𝔐A− 6% † 21:4 απηλθεν 𝔐K 42.9% ¦ απηλθον 𝔐A,C ANT ECM† PCK RP TR 54.4% ¦ απηλθαν NA SBL TH WH 0.9% ‡ 21:5 ειπεν 𝔐K+ [24.1%] ¦ και ειπεν 𝔐A,C,K− ANT CT HF PCK RP TR [73.4%] § 21:5 ο καθημενος επι τω θρονω 𝔐A+,K [56.7%] ¦ ο καθημενος επι του θρονου 𝔐A−,C PCK TR [31%] ¦ ο εν τω θρονω καθημενος 𝔐A− [6.4%] ¦ ο καθημενος εν τω θρονω MSS [5.4%] * 21:5 παντα καινα ποιω 𝔐K [44.3%] ¦ καινα ποιω παντα 𝔐C ANT CT PCK [31%] ¦ καινοποιω παντα 𝔐A+ [13.3%] ¦ καινα παντα ποιω 𝔐A− TR [9.9%] † 21:5 λεγει 𝔐K [36.9%] ¦ λεγει μοι 𝔐A,C ANT PCK RP TR [58.6%] ‡ 21:5 πιστοι και αληθινοι του θεου εισι 𝔐K [39.9%] ¦ αληθινοι και πιστοι εισι 𝔐A,C PCK RP TR [41.4%] ¦ πιστοι και αληθινοι εισι ANT CT [10.8%] ¦ αληθινοι και πιστοι εισι του θεου MSS [5.9%] § 21:6 γεγονα 𝔐C,K 42.9% ¦ γεγονα εγω 𝔐A ECM 31.9% ¦ γεγονασιν εγω ειμι MSS 8% ¦ γεγονε MSS 7.6% ¦ γεγονεν εγω ειμι TR 3.4% ¦ γεγοναν εγω ειμι NA TH 1.3% ¦ γεγοναν εγω SBL WH 0.4% ¦ γεγονεν εγω ANT 0% * 21:6 αλφα ¦ Α ANT TR † 21:6 και η αρχη και το 𝔐K 29.1% ¦ η αρχη και το 𝔐A+ ANT CT RP TR 35% ¦ αρχη και 𝔐A−,C PCK 33.3% ‡ 21:6 αυτω 𝔐K 37.7% ¦ — 𝔐A,C ANT CT PCK RP TR 61.5% § 21:7 δωσω αυτω ταυτα 𝔐K [42%] ¦ κληρονομησει ταυτα 𝔐A,C CT PCK RP [48.5%] ¦ κληρονομησει παντα TR [6.9%] ¦ εσται αυτω ταυτα ANT [0%] * 21:7 αυτω θεος και αυτος εσται μοι υιος 𝔐C,K [58.9%] ¦ αυτων θεος και αυτοι εσονται μοι υιοι 𝔐A [13.7%] ¦ αυτω θεος και αυτος εσται μου υιος MSS [13.7%] ¦ αυτω θεος και αυτος εσται μοι ο υιος TR [1%] † 21:8 τοις δε δειλοις 𝔐A,C,K [90%] ¦ δειλοις δε TR [7%] ‡ 21:8 και αμαρτωλοις 𝔐C,K [70.6%] ¦ — 𝔐A ANT CT TR [29.4%] § 21:8 φαρμακοις 𝔐A,C,K [98%] ¦ φαρμακευσι TR [1.5%] * 21:8 πυρι 𝔐A,C,K [98.5%] ¦ εν πυρι ANT [1.5%] † 21:8 ο θανατος ο δευτερος 𝔐C,K [60.7%] ¦ ο δευτερος θανατος 𝔐A [15.9%] ¦ θανατος ο δευτερος MSS [7%] ¦ θανατος δευτερος MSS [6.5%] ¦ δευτερος θανατος TR [5%] ‡ 21:9 ηλθεν 𝔐A,C,K [99%] ¦ ηλθε προς με TR [1%] § 21:9 εκ 𝔐C,K [66.3%] ¦ — 𝔐A ANT TR [29.7%] * 21:9 γεμουσας 𝔐C,K 55.8% ¦ τας γεμουσας 𝔐A− ANT TR 22.3% ¦ των γεμοντων 𝔐A+ CT 18% † 21:9 γυναικα την νυμφην του αρνιου 𝔐C,K 51.9% ¦ νυμφην του αρνιου την γυναικα 𝔐A TR 26.2% ¦ νυμφην την γυναικα του αρνιου ANT CT 12.7% ‡ 21:10 επ 𝔐A,C,K [88.7%] ¦ επι CT [10.4%] § 21:10 αγιαν 𝔐K [48.3%] ¦ μεγαλην και αγιαν 𝔐A [33%] ¦ μεγαλην την αγιαν 𝔐C PCK RP TR [16.7%] * 21:10 εκ 𝔐K [38.9%] ¦ απο 𝔐A,C ANT CT PCK RP TR [55.2%] † 21:11 ο 𝔐A+,C,K [77.1%] ¦ και ο 𝔐A− TR [15.4%] ‡ 21:11 κρυσταλλιζοντι 𝔐K+ [46%] ¦ κρυσταλιζοντι 𝔐A,C,K− PCK [52%] § 21:12 εχουσα 𝔐A+,C,K [82.3%] ¦ εχουσα τε 𝔐A− [8.9%] ¦ εχουσαν MSS [6.4%] ¦ εχουσαν τε TR [0%] * 21:12 εχουσα 𝔐A,C,K [89.7%] ¦ εχουσαν TR [8.9%] † 21:12 δεκαδυο 𝔐K [31.4%] ¦ δωδεκα 𝔐A,C ANT NA PCK RP SBL TH TR WH [43.6%] ¦ ιβ΄ ECM [15.2%] ¦ {omit δωδεκα και επι τοις πυλωσιν αγγελους δεκαδυο} [8.3%] ‡ 21:12 ονοματα 𝔐K 43.5% ¦ τα ονοματα NA TH 9.1% ¦ — 𝔐A ECM PCK SBL TR WH 45.3% § 21:12 υιων 𝔐K [44.1%] ¦ των υιων 𝔐A−,C ANT PCK RP TR [29.2%] ¦ του 𝔐A+ [20.3%] * 21:13 απο ¦ απ ANT TR † 21:13 ανατολων ¦ ανατολης CT TR ‡ 21:13 και ¦ — TR § 21:13 και ¦ — TR * 21:13 και ¦ — ST † 21:14 εχον ¦ εχων NA SBL TH WH ‡ 21:14 δωδεκα ¦ ιβ΄ ECM § 21:14 επ αυτων ¦ εν αυτοις TR * 21:14 δωδεκα ¦ — TR † 21:15 μετρον ¦ — Αν TR ‡ 21:15 αυτης 𝔐C,K 49.4% ¦ αυτης και το τειχος αυτης 𝔐A ANT CT HF RP TR 48.1% § 21:16 οσον ¦ τοσουτον εστιν οσον και TR ¦ οσον και ANT NA TH * 21:16 τω ¦ εν τω Αν ANT † 21:16 σταδιους ¦ σταδιων Αν ECM† NA TR WH ‡ 21:16 δωδεκα ¦ δεκαδυο K HF § 21:16 δωδεκα ¦ — ANT CT TR * 21:17 και 𝔐K 40% ¦ και εμετρησε 𝔐A,C ANT CT PCK RP TR 51.7% ¦ και εμετρισε MSS 7.8% † 21:17 εκατον τεσσαρακοντα τεσσαρων ¦ ρμδ΄ ECM TH ¦ εκατον τεσσερακοντα τεσσαρων NA SBL WH ‡ 21:18 ην 𝔐A,C,K 90.4% ¦ — NA SBL TH WH 8.3% § 21:18 ενδομησις ¦ ενδωμησις NA SBL TH WH * 21:18 ομοιον ¦ ομοια Αν TR † 21:18 υελω ¦ υαλω ANT CT TR ‡ 21:19 οι ¦ και οι Αν PCK TR § 21:19 σαπφειρος ¦ σαπφιρος NA SBL * 21:20 σαρδονυξ ¦ σαρδωνυξ PCK † 21:20 σαρδιον ¦ σαρδιος Αν PCK TR ‡ 21:20 ενατος ¦ εννατος SCR § 21:20 αμεθυσος 𝔐A,C,K+ 73% ¦ αμεθυστος 𝔐K− ANT CT TR 21.5% * 21:21 υελος ¦ υαλος ANT CT TR † 21:21 διαυγης ¦ διαφανης TR ‡ 21:23 αυτη ¦ εν αυτη PCK TR § 21:23 η γαρ ¦ γαρ η K HF * 21:24 περιπατησουσι τα εθνη δια του φωτος αυτης ¦ τα εθνη των σωζομενων εν τω φωτι αυτης περιπατησουσι TR † 21:24 αυτω δοξαν και τιμην των εθνων ¦ την δοξαν και την τιμην αυτων ANT PCK TR ¦ την δοξαν αυτων CT ‡ 21:26 αυτην ¦ αυτην ινα εισελθωσι K HF § 21:27 κοινον ¦ κοινουν TR * 21:27 και ο ποιων 𝔐K 37.5% ¦ και ποιουν 𝔐A,C ECM† PCK RP TR 44.4% ¦ και ποιων SBL TH 7.8% ¦ ποιουν MSS 5.2%