Ⅴ
Ⅰ Aye Yerusalemu eaborie chianga chiria kwabegete ase engaki y’emechando n’okweumia,
eboyie botambe obuya n’obonene bwa Nyasae.
Ⅱ Eboyie oboronge bwa Nyasae. Beka egutwa y’oboronge bwa Nyasae o kare na kare ase omotwe oo.
Ⅲ Nyasae naorokie obonene bwao gochia ase chinse chionsi.
Ⅳ Ere nakoe erieta eri kare na kare “Omorembe oo nigo okorwa korwa ase obochenu bwao,
na obonene bwao nigo bogocha goetera ase okwerwa ase Nyasae.”
Ⅴ Imoka aye Yerusalemu, tenena ase ebitunwa igoro;
rigereria ase Nyasae Omochenu agosangereria abana baino korwa moocha na bosongo.
Nigo bagogete buna Nyasae obainyoire.
Ⅵ Yerusalemu, abana bao nigo bairetwe korwa ase ore n’ababisa babo;
bakagotiga bakagenda n’amagoro,
korende Nyasae nkobairania are gocha ase ore n’obonene.
Ⅶ Nyasae orure ogochika ng’a kera egetunwa ekenene na biria bia kare na kare bikeigwe;
ochikire buna amabwago atichwe n’ense earanigwe,
erio abanto ba Israeli bairane gocha inka ase obonene bwa Nyasae.
Ⅷ Ase ogochika kwa Nyasae chinsana n’emete eyio okorwa ogotioka okuya nee abanto ba Israeli ekiriri.
Ⅸ Nyasae narae Abaisraeli ase omogoko gocha inka;
bakoragwa n’amabera aye boigo n’obonene bwaye baetananire n’oborabu bw’obonene bwaye.