Ⅲ
Amang’ana y’omorembe ase omorwoti Nebukadinesaro
Ⅰ Abanto bonsi bechinsinyo chia bosongo bakamoirera amang’ana yokogania omorembe bagateeba,
Ⅱ intwe tweruure koba abaigweri ase ore aye omorwoti Nebukadinesaro. Nigo tore ase amaboko ao naende ntorigetie kogokorera na gokoigwera ase kera ring’ana oganetie aye.
Ⅲ Amaagacho amo nense yaito yonsi, emegondo yeito y’engano, chitugo amo nobomenyo bwaito bwonsi nigo bire inse yoboteneneri bwao; bibogorie obikorere buna aye oganetie.
Ⅳ Abanto baito nabasomba bao, boigo nore neribaga gokorera emechie yeito yonsi kende gionsi aye origetie.
Ⅴ Magega yabatomwa b’omorembe komoikeria amang’ana ayio,
Ⅵ Holoferne akabaraa abarwani bonsi goika chingegu chi’enyancha ya Mediterania. Akabeeka oborendi ase emechie yonsi yaetananeirie chinyasi na gochoora abasacha b’ense eyio koba abakonyi baabarendi baye.
Ⅶ Erio abanto bonsi bagechabera amaua ase okomochengera na komoarigania Holoferne bakobugia chikonu.
Ⅷ Nonya nabo, Holoferne agataagora ebisasimero bionsi na koyegeecha emete yaabo yonsi emechenu. Ayio nigo ayakorete ase engencho achiigetwe gosaria chisanamu chionsi erio abanto bonsi babe bakomosasiima Nebukadinesaro bweka naende abanto b’echinse nebisaku bionsi bimoroke nyasae obo.
Ⅸ Holoferne agaeta gati ye rikura ria Yezirili ang’e na Dothani ebio birigereretie ebitunwa bia Yuda.
Ⅹ Akabeeka eema ase omochie o Geba na Sithopoli. Akaba aroro ase ogosangereria abarwani baye.