Ⅰ Ekero Holoferne, omonene bwa abasikari ba Asuri anyorete amang’ana ng’a abanto ba Israeli bebekire ang’e ase esegi, boigo buna basiekire chinchera chie ebitunwa na koagacha chinyasi ase ebitunwa igoro, Ⅱ akaberorokwa n’obororo. Akabarangeria abanene ba Moabu, abateneneri be esegi ba Amoni na abagabana bonsi be chingegu chi’enyama ya Mediterania. Ⅲ Akabateebia; inwe abanto ba Kaanani, nteebie na abanto bangeencho ki bamenyete ase ebitunwa ebi? Emechie neya ngeencho ki bamenyete? Obonge bwa abasikari baabo inaki bang’ana? Inaki bakonyora obobui nechinguru chiabo? Ning’o omorwoti obo okobaraa ase esegi? Ⅳ Ninki gekogera barabwo batarasoka kong’arigania buna ebisaku binde bia bosongo? Ⅴ Erio Akioro omorai bwo obomo bwa Abaamoni akamoiraneria Holoferne; nagosabire omonene one onyare gotegerera aria inche omokoreri oo nkogoteebia. Inche ningoteebie ekeene igoro ya abanto abwo bamenyete ase ebitunwa ebio bire ang’e naye. Rora inche omokoreri oo tinkong’ainereria ase ing’ana rinde rionsi asore. Ⅵ Abanto abwo noroiboro rwa Abakalidayo. Ⅶ Barabwo nigo barenge abamenyi ense ya Mesopotamia. Ase engencho batanchete gosasiima chinyasae chia Abakalidayo, Ⅷ gose gotunyana chinchera chiabo, nigo bang’anyete erio gocha komosasiima Nyasae o igoro. Nyasae obo oyio begerete komosasiima. Ekero baseretiwe korwa ase obosio bwe chinyasae chiabo abanyene, bakang’anya gochia Mesopotamia abwo ase bamenyete ase engaki entambe. Ⅸ Magega engaki gete, Nyasae obo akabachiika bang’anye korwa Mesopotamia bagende komenya ase ense ya Kaanani. Aroro agwo bagatenenka na gotwara chitaabu n’echifeta chinyinge, amo n’echitugo chinyinge. 5:9 rora Omoch. 11:25 Ⅹ Ekero enchara enene yachete ase ense yonsi ya Kaanani, bakang’anya gochia ase ense ya Misiri agwo ase benyorerete endagera eisaine. Ekero bare ase ense eyio, bakamenteka na koba enuko ya abanto batanyare kobareka. 5:10 rora Omoch. 42:1; Okong’ 1:7 Ⅺ Omorwoti bwa Abamisiri akaba nobobe ase bare. Akabakoria emeremo yogoaka amatabori. Akabaikia ase okobakora abasomba. 5:11 rora Okong’ 1:8-14 Ⅻ Barabwo bakamoreera Nyasae obo; nere Nyasae akabaaka Abamisiri na amaakwa atari kogweneka. Erio Abamisiri bakabaseria gochia isiko yense yaabo. 5:12 rora Okong’ 7:1-12; 29:46 ⅩⅢ Ekero baigete ase Enyancha Embariri, Nyasae obo agakamokia amaache yenyancha eyio ase obosio bwabo, 5:15 rora Okong’ 14:21-22 ⅩⅣ akabaraa goika ase egetunwa gia Sinai na Kadeshi-Barinea. Magega kobabaseririe abamenyi b’ense eyio ye erooro; ⅩⅤ bakeroiseria obomenyo bwabo ase ense ya Abaamori, boigo ase okobua kwabo, bakabasiria abamenyi b’orogongo rwa Heshiboni. Ekero bambokire orooche rwa Yorodani, bakaira orongo rwonsi rwe ebitunwa. ⅩⅥ Erio bagaseria Abakaanani, Abaperisi, Abayebusi Abashekenu na Abagirigasi, naboigo bakamenye orogongo orwo ase engaki entambe. ⅩⅦ Kera ekero barabwo batakorete ebibe ase Nyasae obo, bakaba bagokiina ekiagera Nyasae obo nigo ageechete ebibe. 5:17 rora Abal 28:1-68 ⅩⅧ Korende ekero barabwo barenge gotiga aria Nyasae obo abachiigete, baba bakobugwa na gooswa gochia ase chinse chia isiko. Erio ne Hekalu ya Nyasae obo nigo yasaretigwe naboigo ense yaabo ekamenywa nababisa baabo. ⅩⅨ Ekaba naende ekero bamoiranerete Nyasae obo, akabasangereria na kobairania ase ense yaabo agwo ase bamenyete ritang’ani. Barabwo bayobogoirie omochi o Yerusalemu ase Hekalu yaabo ere na bairanire komenya ase ebitunwa ebio bitamenyiri na monto. ⅩⅩ “Ase igo aye omonene, kerabe abanto aba bakorire okomocha konde gwonsi, onye bakorire ebibe ase Nyasae obo, netogwenerete koba nobomaene buna mbare nokomocha koragere babugwe ase esegi erinde intwe tonyaare kobagwera. ⅩⅪ Korende eisakoba buna tibarasaria ogochika konde gwonsi, rirorio, netogwenerete tobatige abanto aba ase okwoboa buna Nyasae obo nabarwanerere, onye tari bo, netobeere obosooku inwe ase ense yonsi.” ⅩⅫ Abanto bagatenena ase okomoamereria Akioro kegima buna ere akorete enkwana yaye. Abaanene ba Holoferne, Abamoabu na abanto bonsi korwa ase chingegu chi’enyama ya Mediterania bakagania Akioro ang’entwe. ⅩⅩⅢ Bakaboora, “ninki keragere twoboe Abaisraeli abwo batari nokobua gose chinguru chi’ogokora esegi naintwe? ⅩⅩⅣ Suka motwe! Togenderere! Aye omonene oito Holoferne, abarwani bao nigo bagochi kobamera Abaisraeli rimo rioka.”