Ⅰ Georigia akababogoria abarwani esegi bagochiera amagoro 5,000 na baria bagochiera chibaarasi 1,000, akageenda nabwo botuko Ⅱ erio abagwere abarwani esegi ba Abayahudi; baria babaraete ase enchera mbaria barenge abarendi orwaki rwa Yerusalemu. Ⅲ Korende Yuda akamanya omoroberio oyio, agasooka amo na abanto baye erio babagwere abarwani esegi b’omorwoti aria Emau Ⅳ ekero Georigia na abarwani esegi baye bataraika ase ekambi ime. Ⅴ Ekaba ekero Georigia na abarwani esegi baye baika ekaaambi ya Yuda ase obotuko obwo. Tibanyoora monto onde aroro. Bagachaaka kobarigia igoro ase ebitunwa, ekiagera bakagete buna nigo baatamete. Ⅵ Ekero bwachia gokiamoka, Yuda agasooka korwa ase omweya ore na abanto 3,000, korende barabwo tibabwate ebirwanero bibaisaine. Ⅶ Erio bakarora riicho riabarwani esegi b’ebisaku binde ebiata ase esegi bating’ete ebirwanero, na barabwo nigo bagiteire gati na abasigari bariinete chibaarasi. Ⅷ Korende Yuda akabateebia abanto baye, “Inwe timobaisa koiroka igoro yobonene bwa abarwani esegi baabo, gose kwoboa ekero bakobagwera. Ⅸ Inyora buna chisokoro chiaito chiatoretigwe ase enyancha ya Shamu ekero Farao ababwatetie ere amo na abarwani esegi baye! Ⅹ Bono tiga tomosabe Omonene atokwere amaabera. Tiga tosambe erio ere ainyore okobwatana ogochenu koria akorete ne chisokoro chiaito na kobasenyenta abarwani esegi abwo bare ase obosio bwaito. Ⅺ Erio nario abanto bonsi be ebisaku baramanye buna nareo oyio okobatooria na kobarwanera Abaisraeli.” Ⅻ Ekero abanto abwo be ebisaku barigereretie bakarora Yuda okobaachera na abanto baye, ⅩⅢ bagasoka korwa ase ekambi yabo erio barwane esegi. Yuda na abanto baye bakabugi rirandi ⅩⅣ na gochaaka kobaumokera. Ababisa bagasebererekana na gosoa ase omweya, ⅩⅤ na abasikari baabo bonsi barenge ase omositari o magega bagaitwa nemioro. Abaisraeli bakabaseria ababisa abwo goika Gazara n’omweya o Idumea, goika Ashidodi na Yamunia. Ababisa 3,000 bagasira. ⅩⅥ Erio Yuda na abarwani baye be esegi bagatiga kobaminyokia, barabwo bakairana magega. ⅩⅦ Yuda akabateebia abanto baye, timobaisa koayerera ebisakorwa. Ntogendererete ne esegi. ⅩⅧ Yuda akabateebia naende abanto baye, Timwegosa ase obonge bwa abarwani baye be esegi baabo, gose kwoboa ekero barabagwere. Yuda akabateebia naende abanto baye, Timwegosa ase obonge bwa abarwani baye be esegi baabo, gose kwoboa ekero barabagwere. ⅩⅨ Yuda atarakoora gokwana amang’ana ayio, ekeombe kia abarwani be esegi ba ababisa gekabaorokera, kegosomoka korwa ebitunwa igoro. ⅩⅩ Erio gekamanya buna abarwani baye be esegi nigo baseretigwe naende goetera ase erioki barooche, Abayahudi nomorero barenge kobeka ase ekambi yekeombe ekio. ⅩⅪ Barabwo bakabwatwa no obwoba obonene. Ekero barooche engencho abarwani ba Yuda be esegi beroberetie ase anse eyio omweya, baganyete esegi, ⅩⅫ bonsi bagatama gochi ense ya Abafilisiti. ⅩⅩⅢ Erio Yuda akairana akaira ekambi eyio ya ababisa; bakanyoora etaabu ne chifeta chinyinge, chianga chia buluu na echia monyiinga ne chinibo chinyinge. ⅩⅩⅣ Ekero barenge koirana gochia ase ekambi yaabo, Abayahudi bagateera ogoteera gwokomotogia Omonene bagoteeba: “Ekiagera ere nomuya na amaabera aye nigo agendererete botambe.” ⅩⅩⅤ Ekaba Israeli ekanyoora ogotooreka okonene rituko erio. ⅩⅩⅥ Abarwani baria be esegi be ebisaku binde abwo baminchoretie bakamochiera Lisia na komomanyia onsi aria akorekanete. ⅩⅩⅦ Ekero Lisia aigwete ayio, ere akanyegerigwa mono na gokwa omoyo, ase engencho Abaisraeli tibaitetwe buna ere akagerete gose konyorwa na aria achiigete ase bare. ⅩⅩⅧ Ase omwaka obwatetie, Lisia agasangereria abarwani be esegi bakogenda na amagoro 60,000 na abagochiera chibaarasi 5,000 erio ababue Abayahudi. ⅩⅩⅨ Bagasoa Idumea na kobeeka ekambi Beth-zuri. Yuda amo na abasikari 10,000, agacha koamererania nabarabwo. ⅩⅩⅩ Ekero Yuda arooche buna abarwani be esegi ba ababisa nigo bare ne chinguru, agasaba, ogoteeba: “Otogigwe aye Omotooria bwa Abaisraeli, ere oria otenenetie esegi ye rimonto riria ase okoboko kwomosomba oo Daudi okabeeka abarwani be esegi ba Abafilisiti ase okoboko kwa Yonathani mosinto o Saulo nomosae oria omobogoreretie ebirwanero biaye. ⅩⅩⅪ Bono obagoyie boigo abarwani aba b’esegi ase okoboko kwa abanto bao Abaisraeli, obakore abanto baabo barore obosooku ase abasikari baabo bagochiera amagoro nabwo bagochiera chibaarasi. ⅩⅩⅫ Obaichorie obwoba bonyititore obonyankongo bw’echinguru chiabo, batengechigwe ase ogosirigwa. ⅩⅩⅩⅢ Obaiyerie inse ase omoro bwa baria bagwanchete, na kobakora bonsi baria barimanyete erieta riao bagotogie ase chingeero.” ⅩⅩⅩⅣ Erio esegi egachaaka; ase okoamererania, bagaita abanto 5,000 ba Lisia. ⅩⅩⅩⅤ Ekero Lisia arooche abarwani baye be esegi baengeirwe na kwerorera oboremu Yuda amo na abanto baye, abwo barorekanete buna nigo beruete gokwa gose komenya ase okoegerera endemero yaabo ere akairana Antiokia. Agwo akabariika abasikari bogokomboa, erio agende Yudea naende kabwate abarwani be esegi abange kobua. ⅩⅩⅩⅥ Yuda na abamura bamwabo bagateeba: “Bono ababisa baito babuirwe. Tiga togende seito Yerusalemu tochene Hekalu na koyeiranera boyia.” ⅩⅩⅩⅦ Erio abarwani be esegi bonsi bagasangererekana bakagenda goika egetunwa gia Sayoni. ⅩⅩⅩⅧ Aroro agwo abanto bakayenyora Hekalu nigo etigire birati, egesasiimero kiaye kiabekirwe ogotacheneka, ebisieri biaye nigo biasaambire nomorero, chinyasi chiaye chiamerire abonyansi n’ebisarara biamerire buna biria bire orosana nase ebitunwa, nechinyomba chia abakuani chiatagoirwe. ⅩⅩⅩⅨ Barabwo bagatandora chianga chiabo, bakarera na kweumia ase obororo obonene, na kweaka riibu ase emetwe yaabo. ⅩⅬ Bakagwa inse maumama. Ekero rirandi riabugetigwe buna ekeinyorio, kera oyomo akamoreera Omonene. ⅩⅬⅠ Erio Yuda agachiika abande ase abasikari baye babagwere abanto barenge ase chinyasi erio ekero ere agendererete gochena Hekalu. ⅩⅬⅡ Akabachoora abakuani baisaine naende babwatete richiiko boronge. ⅩⅬⅢ Barabwo bakayechena Hekalu, bakabogoria amagena ayio konye abekirwe ogotacheneka na koyaira isiko ase eubi yarenge gotugutwa. ⅩⅬⅣ Bakaborania eki bagokora ase egesasiimero kiogosaambera ebing’wanso bi’ogosaambwa, ekio kiabegetwe ogotacheneka. ⅩⅬⅤ Bagaetia buna nigo ere buya kogetagora, kobua kerokio gotigara ime ye Hekalu na kobarentera okoramwa ase engencho abanto be ebisaku konye bakebekire ogotacheneka. Bagatagora egesasiimero ekio ⅩⅬⅥ na koyagacha amagena aye ase agaya igoro ase egetunwa gie Hekalu, goika omobani anyorekane oyio orabateebie ekio kegokorerwa amagena ayio. ⅩⅬⅦ Erio bakabogoria amagena atabaachiri, kobwatekana namachiiko, bakaagacha egesasiimero ekeyia buna kiarenge keria egekoro. ⅩⅬⅧ Boigo bakabareera Hekalu, ime na isiko na gochena chinyasi chiaye. ⅩⅬⅨ Bakaroisia ebibekerero ebiyia ase engencho yogosasiima, na gosoyia ime ye Hekalu, ekebekerero gieteya, egesasiimero kia ubani, naboigo emesa yemegati. Ⅼ Bagauterera ubani igoro ase egesasiimero na gotongia etaya igoro ase ekebekerero kiaye erio binyare korenta oborabu ime ye Hekalu. ⅬⅠ Bakabeka emegati emesa igoro, bakabeeka ebitamba biogotuba na gokora emeremo yonsi barabwo baroberetie gokora. ⅬⅡ Mambia chuni, ase rituko riemerongo ebere na gatano riomotienyi o kianda engencho yaye, omotienyi o Kisilevu, omwaka o 148, ⅬⅢ bakabooka na korua ekeng’wanso kobwatekana na amachiiko igoro ase egesasiimero ekeyia ekio baagachete. ⅬⅣ Ase igo bagatenenia egesasiimero ekeyia ase ogoteera nechingeero, ne ebinubi, boigo ebinanda na amakano, ase chingaki echio echio na ase obotuko obwo obwo kerokio kiabegetwe ogotacheneka na abanto b’ebisaku binde ase omwaka oyomo korwa magega. ⅬⅤ Abanto bonsi bakagwa inse maumama, bakamosasiima Omonene oyio obabuerete ayio. ⅬⅥ Ase amatuko atano na atato, bagakuberia rituko rinene riokweinyoria egesasiimero, bakarua ebing’wanso bi’ogosaambwa ase omogooko na korwa ekeng’wanso kiogotooreka na okoiraneria ng’a mbuya mono. ⅬⅦ Bagachabera chinyasi chiamotwe chie Hekalu ne egutwa ye etaabu ne chinguba chinke chinke; bakaroisia ebisieri bie Hekalu; bakaagacha chinyomba chi’abakuani boyia na gochibeka ebisieri. ⅬⅧ Abanto bakagooka mono na obosooku boria bwarentetwe ne ebisaku binde bokarwao. ⅬⅨ Omoerio, Yuda na abamura bamwabo boigo na omosangererekano bwonsi bwa Abaisraeli bagaetia buna kera omwaka, ebiro buna ebio, ebe kegokoreka naende ase omogooko na gochenga, omoyega bwokweinyoria egesasiimero ase ebiro bi’amatuko atano na atato, gochaakera rituko riemerongo ebere na gatano riomotienyi o Kisilevu. ⅬⅩ Bakaagacha enyasi entambe ne emetobwa emekong’u eetananete egetunwa gia Sayoni, erio gotanga abanto b’ebisaku binde tibasoa naende na koyetiringa buna konye bakorire. ⅬⅪ Yuda akabeeka ekeombe kiabarwani be esegi kiabasikari korenda Hekalu. Boigo akayokong’ia omochie o Beth-zuri, erio abanto ba Israeli babe negesieri ekemo giokorwania Idumea.