ⅭⅧ
Ogosaba kw’ogokonywa ase engencho y’ababisa
(Ogoteera gwa Daudi)
Ⅰ Aye Nyasae, enkoro yane nigo ere n’oboremu!
Nintere na gochenga!
Omoyo one bwonsi, boka!
Ⅱ Inwe amakano aane onsi, boka!
Nainche nimboke mambia chuni.
Ⅲ Aye Omonene, ninkoiranerie ng’a mbuya mono ase egati y’ abanto,
nimbe ’ngotera amatera y’okogotogia ase egati y’ebisaku.
Ⅳ Amaabera ao nigo are amanene aigete aaria igoro,
obwegenwa bwao nigo boigete igoro ase amare.
Ⅴ Aye Nyasae, oorokie ng’a nigo ore omonene goetania igoro chionsi.
Tiga obonene bwao bororekane ase ense yonsi.
Ⅵ Intoorie n’okoboko kwao gw’okorio na oigwe aya ’nkogosaba.
Ⅶ Nyasae orire eira korwa ase obomenyo bwaye obochenu, ogoteeba,
“Ase omochengo ninyatanane Sekemu,
na ense omweya ya Sukoti ni’nyiate chincherere.
Ⅷ Gileadi neyaane, na Manase neyaane;
Efraimu nekegogwa kiane gi’ekioma,
na Yuda nenyimbo yane y’obogaambi.
Ⅸ Moabu negetaabo kiane ngoisabera,
nindute egekooroto kiane igoro ase Edomu,
ning’ake eriogi ri’okobua igoro y’ense y’Abafilisti.”
Ⅹ Ning’o orandaae ansoyie ase omochie ogiteire chindwaki?
Ning’o orantang’ane gochia Edomu?
Ⅺ Aye Nyasae, Inee, ngwatotigire kegima?
Aye tori kogeenda amo nabarwani baito b’esegi.
Ⅻ Tokoonye, torwanie ababisa baito tobabue,
ekiagera ogokoonywa gokorwa ase Mwanyabaanto mbosa.
ⅩⅢ Ekero tore amo na Nyasae, ’natokore amang’ana amanene,
nere orabue ababisa baito na kobatiringera inse.