ⅭⅩⅬⅥ
Ogotogia Nyasae ore Omokonyi
Ⅰ Togia Omonene!
Aye omoyo one, togia Omonene!
Ⅱ Nimbe ngotogia Omonene kongendererete koba moyo,
ninterere Nyasae one ase okomotogia kondagenderere kobao.
Ⅲ Timobaisa gosemeria abagaambi,
gose Mwanyabaanto abwo batanyaare gokonya kende.
Ⅳ Ekero omoika orure ase omonto, ere nigo akoirana ase amaroba, ase arwete.
Ase rituko erio erio emeroberio yaye nigo egosira.
Ⅴ Nasesenirie omonto oyio Nyasae o Yakobo are ogokonywa kwaye,
oyio osemeretie Omonene, Nyasae oye,
Ⅵ Nyasae oria otongete igoro na ense, na enyancha,
na ebinto bionsi bire imeo.
Ere nigo agendererete koba omwegenwa goika kare na kare.
Ⅶ Omonene nigo akoa abwo bagokorerwa bobe oboronge bwabo,
na abare nenchara nigo akobaa endagera.
Omonene nigo agosibora abwo basibire.
Ⅷ Omonene nigo akoramokia emeuko amaiso
na kogororokia abwo bakumbirwe gochia inse.
Omonene nigo anchete abanyaboronge.
Ⅸ Omonene nigo akorenda abanto abageni,
nigo akoa chintakana na ababoraka ogosemeria,
korende chinchera chi’abakori amabe nigo agochisiria.
Ⅹ Omonene nagambe goika kare na kare;
aye Sayoni, Nyasae oo nagambere ebiaare bionsi.