ⅩⅩ
Ogosaba gw’okonyora obobui
(Ogoteera gwa Daudi)
Ⅰ Tiga Omonene aigwe ogosaba kwao ase engaki y’emechando.
Erieta ria Nyasae o Yakobo rikorende.
Ⅱ Ere nagotomere ogokonywa korwa ase obomenyo bwaye obochenu,
na akoe chinguru korwa ase Sayoni.
Ⅲ Tiga ainyore okorua kwao gwonsi,
anche na kogokera ebing’wanso biao bionsi bi’ogosambwa.
Ⅳ Tiga akoe okogania gw’enkoro yao,
na aikeranie emeroberio yao yonsi.
Ⅴ Erio toake amariogi yomogooko ase engencho y’obobui bwao,
toimokererie igoro ebendera y’erieta ria Nyasae oito!
Tiga Omonene aikeranie okoboria kwao kw’oboitongo.
Ⅵ Bono namanyire ng’a Omonene nae omoakwa amaguta oye obobui,
namoiranerie korwa aase aye aachenu aaria igoro,
namoe obobui goetera ase okoboko kwaye gw’okorio.
Ⅶ Abanto bande nigo basemeretie chigari chi’esegi,
na abande chibarasi chi’esegi,
korende intwe nigo tosemeretie erieta ri’Omonene, Nyasae oito.
Ⅷ Barabwo nigo baragochwe bagwe inse
korende intwe nigo toragororoke totenene boronge.
Ⅸ Aye Omonene, kae omorwoti oo gwachorire obobui;
otoiranerie ekero togokorangeria!