ⅩⅪ
Ogotogia ase engencho y’obobui
(Ogoteera gwa Daudi)
Ⅰ Aye Omonene, omorwoti nigo agokerete chinguru chiao,
na gochengera obobui kwamoeire.
Ⅱ Kwamoeire okogania gw’enkoro yaye;
na totangeti aya aboretie korwa asore.
Ⅲ Aye kwamorenteire ogosesenigwa okuya;
kwamobekeire egutwa y’etaabu echenire ase omotwe oye.
Ⅳ Akagosaba ng’a omoe obogima, naye okabomoa;
okamoa amatuko amange amenye kogenderera botambe.
Ⅴ Amasikani ’omorwoti nigo are amanene, ekiagera aye kwamokonyire;
kwamoeire obonene obonge na ogosika okonene.
Ⅵ Ee, kwamokorire koba ogoseseneka gwa kare na kare,
kwamogokeire, ekiagera ore amo nere botambe.
Ⅶ Omorwoti nigo asemeretie Omonene, na ase engencho y’obwanchani bw’Omonene Ore Igoro bogendererete botambe
ere takonyara kwoboa.
Ⅷ Aye Omorwoti, noikeere ababisa bao bonsi;
nobwate nokoboko kwao gw’okorio abwo bakogechete.
Ⅸ Ekero orabaorokere nobakore booke buna omorero ekebemberi.
Omonene nabasirie nendamwamu yaye enene;
omorero nobasambe, bayie baere.
Ⅹ Aye noite abana babo, obasirie korwa ase ense,
na ororeria rwabo orosirie kegima korwa ase Mwanyabaanto.
Ⅺ Kobarabe bagokora emeroberio y’ogokora bobe,
gose korengereria chinchera chi’okorenta emechando, tibakobua,
Ⅻ ekiagera nobaserie batame,
nobarenge emegwe ase amasio abo.
ⅩⅢ Aye Omonene otogigwe ase engencho ye chinguru chiao,
intwe ntobe togotera ogoteera kw’ogotogia okobua kwao.