ⅩⅬⅢ
Ⅰ Aye Nyasae, ing’a oboronge bwane,
ndwanerere nkonye korwa ase abanto batakoirogeti,
ntoorie korwa ase abanto abang’ainereria, abatari abanyakeene.
Ⅱ Aye Nyasae ore obotamero bwane,
naki gwantigire?
Ninki gekogera inche ngendererete kweumia,
na ababisa baane bagendererete gonkorera bobe?
Ⅲ Ntomere oborabu bwao, na ekeene kiao,
binyare kondaa,
na kong’ikia ase egetunwa kiao egechenu kere obomenyo bwao.
Ⅳ Erio ngende ase egesasiimero kiao, aye Nyasae,
Nyasae, aye oyore omogooko one omonene,
nimbugie obokano na goteera ogoteera gw’okogotogia,
aye Nyasae ore Nyasae one.
Ⅴ Aye omoyo one, nase ki kwabeire nomoichano omonene?
Nase ki otari n’obotoereru?
Semeria Nyasae, ekiagera ninyare komotogia naende
ere oyore ogotooreka kwane,
na Nyasae one.