ⅩⅬⅥ
Nyasae nere obotamero bwaito
(Ogoteera kwa basinto ba Kora)
Ⅰ Nyasae nobotamero bwaito, ne chinguru chiaito,
botambe nigo are ang’e gotokonya ase engaki y’emechando.
Ⅱ Ase ayio titokwoboa, ense neisa gotengechigwa
na ebitunwa birutwe ase chindiba chi’enyancha,
Ⅲ gose emerindo y’enyancha neba ekoruma na koimokerera igoro,
na ebitunwa bibe bigotengechigwa ase ogoturubanigwa okwo.
Ⅳ Orooche ndoreo chindooche chiaye chikogokia omochie o Nyasae,
omochie ore obomenyo obochenu bw’Oyore Igoro Mono.
Ⅴ Nyasae nigo amenyete imeo, tokonyegerigwa,
ere nayokonye kobogokia mambia.
Ⅵ Abanto b’ebisaku babeire neburuburu,
amagambi aiyerigwe;
Nyasae ogoaka eriogi riaye, ense nenyititoke.
Ⅶ Omonene bw’Emeganda nigo are amo naintwe,
Nyasae o Yakobo nere obotamero bwaito.
Ⅷ Inchuo morore ay’Omonene akorire,
orentire ogosirigwa ase ense.
Ⅸ Otangire chiseegi ase ense engima,
obunire amata, osenyentire amatimo,
osambire chigari nomorero.
Ⅹ “Toerera, momanye ng’a ninche Nyasae;
inche inde omonene ase abanto b’ebisaku, omonene ase ense.”
Ⅺ Omonene bw’Emeganda nigo are amo naintwe,
Nyasae o Yakobo nere obotamero bwaito.