ⅩⅬⅦ
Omogambi ore omonene mono
(Ogoteera kwa basinto ba Kora)
Ⅰ Inwe abanto bonsi, aka chinkobi,
moterere Nyasae amatera ’omogooko neriogi rinene!
Ⅱ Omonene ore Igoro Mono nigo are oyo bw’okoirokia,
ere nomorwoti omonene bw’ense yonsi.
Ⅲ Omonene obekire abanto inse yaito,
otoeire okobua kogambera abanto b’ebisaku.
Ⅳ Nigo atochorerete omwando,
oyio ore obwari bwa Yakobo, ori’Omonene anchete.
Ⅴ Nyasae otiirire namariogi ay’ogochengerwa,
Omonene nigo akobugerigwa ebitureeri.
Ⅵ Tera amatera ay’ogotogia Nyasae, tera amatera ay’ogotogia!
Tera amatera ay’ogotogia omorwoti oito, tera amatera ay’ogotogia!
Ⅶ Nyasae nigo are omorwoti bw’ense yonsi,
motogie namatera are nengencho.
Ⅷ Nyasae nere okogamba igoro ase ebisaku;
ere nigo aikaransete ase ekerogo kiaye ki’obonene kere egechenu.
Ⅸ Abagaambi b’abaanto basangererekanire amo,
babe abanto ba Nyasae o Aburaamu. Chinguba chi’ense nigo chire echia Nyasae;
ere oimokererigwe igoro mono kegima.