ⅬⅪ
Ogosaba gw’okonyora okorendwa
(Ogoteera gwa Daudi)
Ⅰ Aye Nyasae one, igwa ekerero kiane;
tegerera oigwe ogosaba kwane.
Ⅱ Ekero enkoro yane yarusirie moyo,
nigo ngokorangeria korwa ase chinsinyo chi’ense.
Aye ondaae gochia egetare keria kere egetambe mono kombua.
Ⅲ Aye naye obotamero bwane,
eburi enkong’u egonkengera korwa ase ababisa baane.
Ⅳ Ing’a ribaga ingenderere komenya botambe ase eema yao;
ninganetie inyore oborendi obuya
inse y’ekiriri gie chimbaaba chiao.
Ⅴ Aye Nyasae kwaigure chiira chiane narire ase ogotiana,
abanto bairogete erieta riao kwabaeire omwando obo.
Ⅵ Omentere omorwoti amatuko agenderere koba moyo;
emiaka yaye ebe ey’ebiaare ebinge.
Ⅶ Tiga agenderere botambe koba omorwoti ase obosio bwao aye Nyasae;
obwanchani bwao bogendererete botambe, na obwegenwa bwao, bimorende.
Ⅷ Igo nimbe ngotera ase ogotogia erieta riao botambe,
naende rituko ase rituko imbe ngoikerania chiira chiane.